我的她的大家的故事: 第三十七章 日常

幫詩文過完生日之後，復活節大家都係屋企做功課，我同Emily都無點出過街，成日都係係屋企做野，有陣時會上黎我屋企到一齊做功課，跟住我啊媽就會留底佢係屋企到吃飯。我都話我屋企就好開明架啦。跟住有人就會問：點解你地兩個唔出街架？就梗喺唔係因為我地兩個懶啦，因為我哋學校係復活節過左之後，就要考試，所以我哋兩個就每日就窩係屋企到溫書。有陣時佢就會上黎我屋企到監督我溫書，時間話咁快就到左5月，要準備考試吧啦。
 
呢個時候，又會有人出黎問：點解會係5月就考試？你不如問下我學校啦，我都想知道啊，學校係6月頭考完考試之後，就會叫學生參加學校活動，跟住對卷，跟住放暑假。好，去翻5月先，日常返學啦，翻到學校之後，我見到周文同詩文兩個關係自從個次生日，周文咁用心幫佢慶祝之後，兩個比以前更加親密啊，呢個時候我就梗喺要去串下佢地架啦，行到埋去就講：喂，兩個，呢度學校窩，你唔好蝦人地良家婦女窩。跟住周文就話：屌，行埋一邊啦你，你無就唔代表我無。跟住我就攬住Emily，就講：邊個話我無架，。跟住就梗喺翻位啦。上緊數學堂個陣，啊sir叫我地今日自己做數，有咩唔識就問佢。數學堂簡直就係我嘅天堂啊。Emily有野唔識就問我，跟住問下問下就係度講其他野，就問我：我生日你想點樣搞啊，跟住附上一個充滿期望嘅笑容畀我。我就話：你到時咪知道囉，宜家講就無氣氛架啦。跟住啊sir就話我：喂，啊恆哥，好吵啊你。跟住我就比左個OK畀佢。
 
放學個陣，今日體院練野係5點半，宜家先4點，我就問Emily：主席啊，不如我地係學校溫陣書先啦，我今日無咁快練艇啊。跟住佢就話：好啊，同我一起溫英文啦。跟住我就有小小後悔，最後到五點三個陣，我陪佢一起去巴士站。跟住我拖住我呢個空殼翻去體院練艇。