過左幾日之後,就到一年一度嘅期終考試,一個半星期,考嗮咁多科,對我黎講,其實就得英文我會怯怯地,其他easy job啦,數學得啦,前3無問題啦,中史,洗鬼講咩,直接頒獎得啦。一樣兩條友起身,不過我今日又係早起身,因為屋企無人,所以要自己起身煮,順便煮埋俾隔離個個,費事佢又無得吃。一樣時間5點半起身,我就fing左幾下個頭,仲係頭暈暈,坐左係張床到足足15分鐘。跟住起身刷牙洗面,點解要咁早起身,因為我宜家係殘疾人士,需要用更多時間去煮早餐以及梳洗。刷完牙洗完面之後,我就行到去廚房,跟住諗左下整咩吃好,最後都係煮公仔面算數,因為我懶得諗。跟住就係雪櫃到攞兩塊雞扒出黎,整完之後就洗菜加肉丸,整完之後,就坐下先,休息下,坐左15分鐘左右,我就行翻入廚房到開始煮野,煮好同時,房入面鬧鐘再次響起,我就知道Emily要起身啦。當我攞煮好左攞住兩碗面出去個陣,Emily都出左黎,我就笑左下同佢講:早晨,早餐搞掂啦,去刷牙跟住食野啦。跟住佢就嗯左下,慢慢行左去刷牙。整左15分鐘左右,我見到佢已經換好校服行出黎,跟住佢就講:哇,好豐富啊。兩條友吃完之後,就返學,今日要坐巴士翻學校。
 
7點55分,翻到學校,今日考中文卷一同英文卷二,兩科都係課室考,所以一樣,我叫Emily行翻去課室先,我知道慢慢坐電梯上去,上到去就見到檯全部都分好左,我學號係9號,唔好問點解我姓黃學號可以好前,因為我個班好多女仔,男仔得12個,女仔有20個。Emily係14號,所以佢都係坐我隔離,不過我地無好似平時咁係度傾野,大家都好專心溫書,到8點20分個陣,監考老師入左黎,跟住就收野,跟住派卷,跟住就考試,跟住就考完啦,考試太無聊啦,唔講啊。不過考英文個陣,之前坐我前面個兩條傻仔,竟然坐係度,筆到無起到,跟住最後我做完之後,個兩個份卷居然空到無得再空,我冷笑左下,傻仔真係傻仔,無得改。考完之後,12點,我就問周文:喂,吃咩啊。跟住條友就講:吃扒囉。跟住我同Emily講,佢都講想吃,就一齊去吃囉。
 
坐低左之後,周文就問東問西:喂喂喂,你地考成點啊,我覺得Ok啦,中文唔算難啊,英文起碼知條題目講咩先啊。跟住我就笑佢:喂,你次次講考得唔錯,最後都炒一兩科窩,你點解釋先。跟住我地三個好似開記者會要求佢回答我地記者問題,搞到佢後面超級尷尬,玩左一陣,啲扒到左就唔玩啦,專心吃野。吃完野之後,我同Emily就搭火車翻屋企,平時我地會直接搭巴士翻,今日要去大圍買野先坐火車,買麵包,個傻妹想吃麵包,咪去大圍買囉,買完之後就坐小巴翻屋企。
 
翻到屋企之後,我就見到啊爸係度,佢見到我地翻到就講:啊仔啊妹翻到啦,肚唔肚餓,洗唔洗煮野俾你地兩個吃。我就話:唔洗啦老豆,我地兩個係出面吃完野先翻黎架。跟住啊爸就話:ok,你地係咪要溫書啦,我翻房睇電視。跟住啊爸就起身翻左房,我地兩個都入房換翻衫,跟住出廳溫書,夜晚啊媽翻黎煮夜晚,所以今晚唔洗吃外賣,啊爸係識煮飯,不過佢唔想煮,所以通常都係叫外賣。今晚啊媽就煮家常便飯,四餸一湯。吃飽之後就繼續溫書,跟住就沖涼,聽日考數學同埋通識加英文卷四,所以今晚間屋充滿英文,我仲要俾啊媽笑我英文差,我就講:啊媽,你碩士畢業,我中學都未畢業,唔同level,無得比架窩。但係啊媽整係係度笑我,跟住又鬧下我點解英文咁差,我已經唔想解釋,所以繼續練囉,唔係點啊,練練下就已經成12點,大家要乖乖地上床訓覺。
已有 0 人追稿