[愛情] 放不下的·雙子座女孩: 第三十二章 長洲三日兩夜 (八) 一齊行山

第二日，也就是讓我留在長洲的最後一日。我起床的時候，全身都感到十分酸痛，看來昨天用盡了體力......

「莉絲整走左莫恩情同阿祥，咁即係間屋淨係得我同樂瑩兩個人啦！我哋今晚可以過二人世界，食燭光晚餐！好嘢！」我自言自語地說...

「不如而家我哋去行山囉...傲天！」樂瑩打開我的房門並指著懶洋洋地躺在床上的我...

「行嚟做咩？」

「行山要理由嫁咩？」她一邊說一邊努力地把我拉起...





半個鐘之後......

我已經穿著黑衫黑褲，並帶著工程帽同防毒面罩，擺出一副胸有成竹的樣子......

樂瑩看見我穿著一身「整齊的裝束」後，便對我說「喂！行山係咁著㗎？」

「唔係點著呀？」

「你睇吓我着成點就知啦！」樂瑩一面不滿地說...





「可能你着錯呢......！」我堅守著自己的最後一道自尊防線......

然後，樂瑩別著面對我説了一句「帶埋功課仲有交換禮物喺山頂等！」

「我嘅燭光晚餐應該無咗......」我一邊說一邊重新整理自己的裝束......

十五分鐘後......我在連身鏡中看著自己的裝束...我今次穿了一件長袖底衫、一件連帽長袖衫、一件黑色Adidas
長袖風褸、一條運動長褲......不愧是我自創的「長袖系列」...... 然後我開始執背囊... 餐具、叉電器同叉電線、紙巾、水樽仲有樂瑩唔記得拎嘅風褸......我擺出一個滿意的笑容...然後就背起背囊...出發去山頂搵樂瑩...