第十九話-《舞台》

排過山車的隊伍很長,我們剛好排在浩朗他們二人後面,又不小心聽到了他們的對話。

「你等等去邊到出show?」女生問到

「露天舞台,你想聽咩歌,我唱一首比你聽。」浩朗回到

「我想聽George Benson既Nothing gonna change my love for you。」





「英文歌咁高難度?為左你,有咩所為。」

「咁我地玩埋呢次過山車就去露天舞台嗰邊。」

「可唔可以唔玩...」

「唔~得~啵~朗朗~」雪琪她假裝正在聽音樂,但實質是在偷聽他們的對話

我的電話突然震了一下,是雪琪傳訊息給我。





白痴雪琪:「你聽唔聽到啊,浩朗佢要去露天舞台出show✧٩(ˊωˋ*)و✧。」下午4:35

「不如唔好用...」雪琪示意我閉嘴,並指着手機,要求我使用手機跟她對話,我只好乖乖地照做

我:「我聽到,咁你想點?」下午4:35

白痴雪琪:「我地不如提早去攞個靚靚位(≧ω≦)/」下午4:36

我:「你話事喇,咩都聽你講。」下午4:36





白痴雪琪:「咁行喇」下午4:36

還好我們是在隊尾,不用擠很久便能出去,在前往露天舞台的路上,雪琪她一直追問我有關工作部的事情,我也不好意思跟她說一些兒童不宜的情節,我就隨便說了些潛入偷取資料的事件。

大約4時45分時,我們已經走到了露天舞台,同時我亦看見烙兒和弟弟也走到了露天舞台這裏。

「烙兒,你又走左嚟露天舞台呢邊既?」

「細佬話想睇下有咩表演,所以過左嚟。」烙兒她似乎氣消了,語氣回到平常那樣

「咁你過去同雪琪佢坐下先,我要去廁所。」

「我未嬲完你架,啍。」烙兒拖着弟弟走到雪琪旁邊之後隨便找了個位置坐

我走到露天舞台的後台,打算找找有沒有地方可以讓我躲藏,好讓我可以等到浩朗求婚的時候為他們呈上戒指,但我被工作人員看到了。





「喂,前面嗰個,你係咩人,除左工作人員之外係唔可以有人係到。」

「我係浩朗既朋友,今日佢叫我嚟彈琴,我提早左少少嚟預備,打算試下個琴先。」我隨便作了個謊言

「原來係咁,咁我帶你去個琴到。」

「唔該曬你。」現在只好硬着頭皮去做

大約過了十分鐘左右,浩朗和他的女朋友也來到了舞台這邊,隨後工作人員也帶了浩朗來後台這邊。

「你係邊個?」浩朗問道

「我叫天月,係仁德書院既學生,我知道你今日要同女朋友求婚。」





「點解你會知?」

「我執到你隻戒指。」我從口袋裏拿出他的戒指

「唔該你呀,我自己都唔知跌左。」

「可唔可以比我幫你彈琴伴奏?」

「吓?無話唔得既,但係你識彈琴咩?」

「識,唔該你。」我以誠懇的目光看着他,懇求他給我一個機會

「嗯,咁好,當係答謝你,等等我唱完nothing gonna change my love for you,既時候,拜托你攞隻戒指比我。」

「一定會。」





五時正,舞台外的座位已被觀眾坐滿,坐無虛席,場面震撼。

「估唔到你真係咁出名。」我調侃他說道

「咁都要有一個一直支持住我既女朋友我先會有今日,話時話,你叫咩名?」

「我叫天月。」
已有 0 人追稿