《任我行》: 第二十五話-《家政課》

第二十五話-《家政課》

回到班房的時候已經是班主任時間，就這樣開始了一天的校園生活。頭三堂都是家政課，直至小息前都是家政課，我到現在都不明白為甚麼男生也要上家政課，明明廚房是我們女生的地盤。

「好，請各位同學分返之前嗰組，今日既題目係晚飯，上個星期已經幫各組同學定好左餐單㗎喇，一分好組就請開始，時限係一小時三十分鐘。」Miss跟我們全班說到

「天月，嗱，我講明先啊，尋晚幫你煮左，今個禮拜成個禮拜都係你煮，家政堂都計今個禮拜。」我跟天月說到

「吓，咁都得…烙兒，你會幫我架可?」天月雙手合十，面向烙兒





「啍。」烙兒她沒有理會天月

「你好快d開始喇，個半鐘怕你煮唔完。」說罷我便和烙兒她到其他組看看

（天月視覺）

「唉，又要我煮曬，明明佢地兩個煮得仲好味。」我一邊自言自語一邊預備材料，其實一個半小時對我來說是完全足夠的，就算只有我一個人，反正平時在家也是我一人完成四人分量的。

現在已經過了半小時，雪琪和烙兒兩人還是沒有過來幫我，就這樣坐着看我下廚，為甚麼我這麼命苦。





「熱死我喇，着住套爛鬼校服，真係唔想着衫，點解開左冷氣都仲可以咁熱。」我埋怨着

我真的十分羨慕慠龍，他不想返學便會自己請假，今日因為有家政課他便不上學，誰叫他是有錢人的兒子，學校也奈何不了。

「就嚟煮完喇，喂雪琪，幫手鋪枱…?」我大聲呼喊着，突然想起了現在是家政課，習慣了在家煮完後會叫雪琪幫忙，現在全班都看了過來，十分尷尬

「呃…各位同學，就嚟夠鐘喇，你地好埋尾喇。」Miss替我們打了個完場

「白痴…」雪琪和烙兒異口同聲地說到





又過了一會兒，終於完成了，看到自己煮的飯菜，看着看着自己也餓了，可能是因為今天早上沒有吃早餐的緣故。 

「最後一組，請天月同學你地上菜。」我慢慢將菜餚放上碟，再放到Miss的飯桌

「賣相唔錯，嗯…聞落都香，色香都有，差在味，等我試下先。」Miss夾起我所煮的菜餚，一邊品嚐着一邊點頭，看來我煮得也不差

「煮得唔錯啊。」Miss低着頭紀錄我的分數

「Miss啊，我有個小小既請求，可唔可以比我食…我好肚餓…」

「原本就可以，各位同學注意，以免你地浪費食物，每組都要食曬D野先準走，反正等等係小息。」Miss說話一出，立即引起了全場騷動

我將餸菜搬回自己組的餐桌後便開始自己的大餐，烙兒和雪琪她們兩個，在外邊吃夠後，終於迷途知返，即使外邊的食物多麼新鮮也好，始終不及住家菜好，回來跟我一起吃。

「唔比食啊，我煮得咁辛苦，你地係出面勾三搭四，對得住我咩?」一剎那我戲精上身，突然像電視劇般八點檔的劇情一樣





「唔好嬲喇，我應承你，唔會再有下次。」雪琪她也很合拍的配合我，只有烙兒在那邊搖搖頭，像說為甚麼就認識了我們兩個，我們就在這個吵吵鬧鬧的氣氛下吃了頓飯

「一個二個都好吃懶做，得我洗碗，平時係屋企都已經係咁喇，唉…」上午三節課過後便是小息，只有我一個留在家政室洗碗 

「唉…」我長嘆了一聲，便繼續洗碗