【奇幻愛情】異世界編年史: 第二章

「嗯……」我張開我的眼睛，陽光慢慢地透進我的眼睛。

我到底睡了多久？

我記得我經過一條不知明的通道，然後墮入到這個神秘的地方，再走到一個大得讓我迷路了很久的森林裏，然後，就没有然後了。

「真係一個荒唐嘅夢啊。」我伸個懶腰，再刷刷眼睛。

等等，我没眼花嗎？





睜大眼睛看，

「咦……咦咦咦！？吓？認真咩?」

房間内充滿着陽光，床尾對面有着一張工作桌子，旁邊有一座鋼琴，而門口旁邊有一個櫃子，上面有一些照片。

這完全，

不是我的房間呀！





「喂喂喂，搞乜春啊？」

「究竟發生咩事……嗯？」我話剛説完，準備下床一探究竟，就踢到了床旁邊的小茶幾，上面有着一個復古風的白色小茶杯，裏面盛着赤紅色的飲料，上面冒着熱騰騰的煙，茶杯旁有一件用碟盛着的小蛋糕，還有一張畫着一個指着食物的箭頭的紙條。

在我打算走到房間外，手握著門把的時候，房門被推開了。

「哇哇哇哇哇哇哇哇哇哇哇哇哇哇哇！」

「哇哇哇哇哇哇哇哇哇哇哇哇哇哇哇！」
 




「你係邊個！」

「哇哇哇哇哇哇哇哇哇哇哇哇哇哇哇！」

「你冷靜啲啊！驚訝嗰個唔係應該係我至啱咩？」

「啊啊啊啊啊啊啊啊啊啊啊啊啊啊啊！」

「唔好再嘈啦！」我一手拍打他的頭。

「哈……哈……哈……」
 
在雙方的情緒都冷靜下來後，眼前的白髮男生率先打破了僵局，
 
「你……叫咩……名？」他斷斷續續地吐出言語。 




　　
「啊……我叫司空瑤。」
 
「我叫斯特，斯特·史柏斯。」
 
「你食咗啲野食未？杯茶可以解毒。」他問我。

「解毒？」

「你係唔係食咗嗰的蘑菇？佢嘅毒會令你喺一瞬間感到好精神奕奕，但係之後就會變得好攰，甚至導致休克。」

「我食咗啦，唔該晒你。」想不到原來那些淺色的蘑菇也不可以吃。

「你喺邊度嚟架？」





「我來自香港。」

「香港？咩地方嚟？我冇聽過喎。」

「咁呢度又咩地方？」

「呢度係星陵禁衛軍嘅領地，叫古以卡米亞鎮。」

氣氛突然變得尷尬了，我們也目不轉睛地看着對方。為了舒緩一下氣氛，我把自己的經歷全都説給了斯特，希望能獲得一點幫助。

「咁我明啦，你應該係一個穿越者？」

「等等先，我有啲唔明，咩係穿越者？」

「即係有能力由自己所屬嘅時空穿越到另一個時空嘅人，世界上有好多唔同嘅平行時空，你嗰個時空就係其中一個，你可以將呢個時空理解成一個連接住唔同時空嘅一個點。」





「咁我點先可以返返去我自己嘅時空？」「呢層呢，我都唔識啊，嘿嘿……」他擺着一副抱歉的樣子説着，使我感到有點不好意思。

在這一段時間，我和他互相認識過一會兒，對這個世界也有所印象。「你今天幾多歲啊？有冇17歲？」我突然問起他的歲數。「又冇咁多~前嗰排先啱啱過咗14歲生日。」「14歲！？同我一樣喎，你咁高嘅！高我差唔多成個頭呀！」我驚訝地看着他，斯特比我同齡的男生高很多。

可是他一聽到我這番説話，面色就變了。

「14歲，其實唔係一件值得開心嘅事。」「咩事呀？」「係星陵帝國入面，人一滿14歲，就要被人捉去軍訓架啦。」「吓……唔係掛……」我頓時啞口無言，在香港沒有任何的兵役制度，我和同齡小孩們對當兵這回事的認知亦實在有限，是拔草還有步操之類的工作嗎？

「應該都係掹下草嗰啲悶嘢啫。」「哇你諗得太美好啦，唔通年年死咁多人就係去掹草咩。」托頭掩臉的他苦惱著，「正值戰亂時期，好多人都好想留住條命仔去掹草啊。」「唔係掛……就算係打，都係會優先揾成年人去啦。」「都冇唒啦，幾年前左右先打完仗，死傷慘烈，呢幾年出嚟嘅全部都係細路。」
聽到這裏，我的臉開始僵硬起來。

「死啦，要個笨手笨腳嘅人去拎槍當兵，真係叫我直接死咗佢算。」「咩拎槍呀？我地用魔法架。」

「吓！魔法？咩拎頂帽跟住飛幾隻白鴿嗰啲？」「No no no！我地係用真正的魔法，唔係魔術！算啦，我同你一齊出去買一套適合你活動嘅衫，申請埋啲證件，仲有交埋嗰份入伍表啦，快啲搞掂嗰啲嘢先。」





此時此刻，我想到了一個最重要的問題。

「咁……我住邊呀？」

「你住我屋企就得啦~」

「有冇其他房架？」「我間房隔離都仲有一間房，你可以訓架。」

雖然是個男人婆，但依然是女生的我當然不會和斯特睡同一間房。

一會兒後，我和斯特便上到小鎮的街上。



不定期更新，盡量每週一次。如果你中意我寫嘅文，想知道更多更新情況嘅話，歡迎你過嚟追蹤我嘅IG：@night.star000
Thx for your support（*＾ワ＾*）