我鍾意左隻Hall雞 「實體書已出」: 「實體書已出」

 「實體書已出!!!!」
 「實體書已出!!!!」
 「實體書已出!!!!」

呢幾年都攰喇。

大概唯一萬幸嘅事就係處女作《我鍾意咗隻Hall雞》終於印好，趕得切擺係書展度售賣。

因為唔擺三中商，所以書展攤位係暫時唯一購買途徑，但鑑於疫情又爆發，書展延期，所以之後都會安排網上訂購 (HKTVMALL) 。



至於簽名版及書局嘅擺賣安排都會再作公佈，請密切留意我的IG及FACEBOOK。

IG:https://www.instagram.com/laamsiu/?hl=zh-hk
fb:https://www.facebook.com/Bleueboy/photos/a.110542000490796/179986983546297/?type=3&theater

————————————————
順便交代一下近況。(a.k.a 廢話，可SKIP)

半年前，我仲寫緊《我鍾意咗隻Hall雞》個結局，嗰陣我覺得自己會一直寫落去，寫完一本又再寫一本，然後變成正職或副業。



不過半年後，依家我已經幾乎將寫作從人生中割裂咗出黎，原因係多方面嘅，無謂長述，現在我畢業，是全職再唔係學生，創作嘅熱情都好似唔見咗。

如悲傷的採購的歌詞﹕

「為何人大了就要成為工作的奴隸
最愛作的不可發揮

我的感覺 逐漸流逝
從前曾話過要如何欣賞世界的美麗
現在只懂得放假去消費



如果繼續這樣 我還是我嗎？我還喜歡我嗎？
或者我應該死去吧 總好過變得更差
如果繼續這樣 你還願意嗎？和我奏著結他？
日子不應該這樣吧 而現實就是這樣」

村上春樹講過，寫作係一個不斷掏空自己嘅過程，寫完呢本書之後，我覺得自己而家真係一片空洞，再都寫唔到嘢，現在嘅生活又並無特別，所以話雖呢本書係小弟嘅處女作，我心裡都幾乎認定呢本係收山作。

好多謝大家一直以黎嘅支持，全靠大家，小弟先完成到出書呢個夢想，希望繼續支持本土嘅創作，我始終覺得本土先係最有味道，而且不能夠被取代。

另外，想感謝豐林出版社，出版愈嚟愈難做，但佢地都仍然支持出版本土嘅創作，真係好難得。需知道出版好似我呢啲唔紅嘅網路作者應該無咩錢賺，而且有一定蝕錢風險。

當佢地同我講印得多壓力唔少嗰陣，我真係好抱歉，唯有威脅身邊嘅朋友叫佢地買多幾本，最多呃佢地話買完俾返錢佢地T_T。

最後，時代變得太快，今日唔知聽日事，希望大家一切安好。



同埋，買我本《我鍾意咗隻Hall雞》。(PM我俾返錢你😊 如果你信我。)