當香港人可以用一人一票投票係午餐食乜野時: #7

呢篇小說既主題都可以話開始得生不逢時，WFH 期間，幾次想繼續寫，寫幾句就無法寫落去。

咁政府已經全面復工，我地AP 都係冇得懶，但咁唔代表我有題材，因為飯谷已經大不如前，先唔講好多人已經離開左我地部門，向呢兩三個月，大家都習慣左「小隊」同「流水」式外賣飯盒。疫情雖然是誇大左，但要搵夠八個人一齊食都幾難。而且，我地部門唔細，AP 外仲有其他同事，如果加加埋埋同一間餐廳過左八個，又算唔算犯法呢？

都係唔講呢啲啦。喂，大佬呀邊有咁離題既小說架。咁呢，早排唔知邊個向飯谷丟左條link 出嚟，話要成立AP 公會。嘩，乜料呀？臨時工都有公會？玩野呀，有啲短期合約，今日向呢度打雜，三個月後已經唔見左人，咁加入左公會玩小圈子，轉頭已經唔屬於個圈子，仲要個公會爭取既利益，同你呢個「前度」小圈子成員有衝突，點玩呀？

入會費仲要四百蚊，未見官先打三十，到底要有幾豬頭先會加入？