陳經強baby face 恐怖靈異故事系列: 分岔路 上
記得上年嘅八月一個夏日,我同女朋去咗洛杉磯嘅國家森林一個叫MT Lawlor既地方路營,果晚夜深,我揸住紅色私家車,載條女番屋企,諗住天光前番到市區,送埋條女再去搵早餐食。
由於係深夜時份,交野公路基本得我一架車開緊,我女友因為之前玩得太high。訓到成隻死豬咁,我眼皮開始變得沉重,有諗過開music提神,但係又唔想嘈醒條女,所以我只好碼着頭皮開車。
唔知係咪太累定專注力下降嘅關係,我開始試下一路每隔三秒張開眼一邊開車,希望咁樣我會舒服啲。
閪!揸車就專心的揸嘛!
我一次張開眼發現有個阿伯係我車身位相着唔夠十米距離。
Shit,有人 我大叫左聲。
我反射性咁轉軚剎車,但係都係撞到個阿伯。
曲街啦！撞到人,個阿伯唔會俾我撞死嗎？
條女俾我嚇醒左問我咩事
我慌到唔知比咩反應佢,猶豫左陣知同佢講
咁......咁你就下落睇下個阿伯啦!
我打開車門,慢慢靠近剛才撞到佢嘅地方
咦？人呢！
搵唔到個阿伯喎!
但係我可以肯定我岩岩真係撞到人,因為我見到地下啲血跡未乾,真係話岩岩先有呢啲血系地下
通常電影出現呢種情況,主角都會不顧而去
我都諗住咁做
上車
關門
撻匙（開引擎)
一系列動作乾淨利落,女朋友問我個阿伯點,係咪要唔理佢
我話依家佢人唔見就好快啲走,再唔走就俾人拉嫁啦！
我話音一落,啪一聲有人雙手拍落我車前身
我嚇到爆粗:「哇！鬼屌呀!」
個人係我撞到嘅阿伯,佢頭破血流全身血跡班班。
呢刻我真係好慌,我慌唔係佢係咪鬼,係慌佢之後會做啲係,會唔會襲擊我,定係報警或者係勒索我。
我唔敢打開車門,我只係打開一線車窗,問佢
你冇事呀嘛？
明知佢俾車撞完都重問佢有冇事,明眼人一聽就知我講廢話啦!但係我會係懷有一絲希望等佢答
哦！冇事,想問你依度邊度姐嗎？
點知佢真係咁答我
佢重話想番市區,問我可否可以上我車載佢一載。
「喂!咁點啊！俾唔俾佢上車呀! 」我女友細聲問我。
可能係因為我對阿伯嘅愧疚感,我最後俾佢上車。
佢上左車之後,我keep住開車五分鐘,我哋三個人一粒聲都冇講。
奇怪啦！正常我係果阿伯,依家我一定屌柒個司機先係,但係佢就冇。
我諗佢實係俾我撞到懵懵下唔記得發生咩事。
但係我都試探下佢。
Hey伯伯!你流左好多血喎!係點整出嚟!
阿伯話佢自己都唔知點整親,更加唔知自己點解黎左依度。
我就借啲椅問
會唔會係你俾車撞到失左憶啊？
阿伯吓左聲,之後答可能係啦！
睇嚟阿伯真係失左憶。咁就好啦！
之後車開左二十分鐘,四周圍都黑媽媽,其實夜晚係森林開車都幾危險嫁。
但奇就奇係過左咁耐,路邊一啲告示牌都冇呀！
我諗住問下平時行山多嘅女友識唔識路,但係佢又訓左。
當我諗住問阿伯路,我講當未講,阿伯就好嚴肅聲音好沉咁同我講。
訓左就唔去叫醒人地啦!總之記得前面條分叉路轉左就得嫁啦!
佢令我諗起我老豆呀!
哦哦!我知道啦
我記得我老豆自從俾公司炒左之後,中年失業,就一直係屋企酗酒,屋企少不免有家暴嘅情況發生,
果時我先小三,我重好記得我次我俾老豆打完一身,係無理由果隻,之後佢就係用果種語氣同我講
仔啊!大個左千祈唔好好似老豆我咁,一事無成,俾人睇唔起啊！
我都係專注番依家啦!
好快我就到阿伯講嘅分叉路,我跟住轉左。
我忽然感覺到全身好似俾刀切割傷嘅痛楚,除咗刺痛重有灼熱感。
過左幾秒果種感覺又冇再出現。
阿伯無啦啦同我講
我估你年紀同我個仔差唔多,有冇三十歲?
唔止啦!過多個月就三廿二啦!
哦！咁你哋結左婚未呀?
Er......差唔多啩？都要睇佢點諗!
我個仔就唔係啦！佢成日都自以為是,又唔上進,雖然我冇見佢幾年,但係我估佢都重係無拖拍,成世打飛機啦!
吓?幾年無見?唔係啩？
一個唔為意我撞到兩個人
阿伯大喊小心
唔止係撞到咁簡單啊！係直頭輾過佢哋!
急剎車果陣!我同阿伯差啲震飛車外,好彩我哋兩個都有扣安全帶,冇事!
我條女就冇咁好彩啦！佢成個頭撞裂車窗見紅咁!
我喊曬口喊佢個名,又探佢脈搏,係有脈搏有呼吸嘅,但係好弱。我急住落車抄手機,諗住call白車,但係我醒起俾我輾到果兩個人。
阿伯低沉咁自言自詞:「死咗......真係唔好彩啦佢哋!」
我真係撞死咗人？
望真啲
我真係撞死咗人,仆街
咪住!兩個死人個人樣,咁似我同女友嘅!
你依鋪仆街啦!後生仔 阿伯佢竟然笑住咁講
呢一刻雖然我有諗過開車走佬,但係我女友咁嘅狀況,唔報警唔得。
我按下電話打911諗住call救援,除咗果兩個人,我女友都好需要外界援助。
阿伯就好鄭重同我講
唔好報警,熄咗部機佢
吓!咁我女友點啊！我唔報警我女友真係會失血死!
佢半威脅半建議咁同我講
你報警,佢哋就會搵到我哋,到時我哋一個都冇得留低嫁啦!依家你可以做嘅就係上番車繼續前行
黐線!我憑咩聽你講!
阿伯佢又語出驚人
我估我之所以頭破血流,都應該係你撞我啦?我啲記憶好似返黎啊！你唔合作,我可以等警察黎同佢哋講你蓄意謀殺我哋三個都得嫁!
你咁算點!急住要我開車對你有咩好處?
佢話 你唔需要知,何況,果女仔係唔值得你救嫁!
我梗係媽佢,我話佢聽個女仔係我女友點都唔會由佢死。
就係呢個時候,我聽到有好多好似野獸繽跑嘅聲音,又帶啲機械齒輪嘅聲音,啲聲音係愈黎愈近,愈黎愈急,基於本能我向後跑番上車,都知唔慌係啲咩好野。
阿伯佢都走上車,同我講:如果你唔開車,佢哋會追上黎。如果你報警,就會引起佢哋注意,都會追上黎,所以你都係開車把啦!
我邊高速開住我果架車頭撞到變紅色嘅車,邊問阿伯
喂!點解你好似好清楚依果地方同埋依度啲怪事咁嘅!你究竟係咩人呀?
阿伯同我唔一樣,我心情浮燥,佢就好冷靜咁,佢答我
你係唔會想知我係邊個我亦都唔可以講我係邊個你聽,不過,我的確比你清楚依度係邊度。
我唔明佢講咩,不過依度的而且確已經唔係我熟悉嘅國家森林啦!先後兩次撞度人,一個神秘嘅阿伯已經奇怪嫁啦!重要撞到一對同我加女友撞樣嘅情侶,機率究竟係幾多啊？
講真!我已經懷疑呢個係異度空間!
阿伯開始好似我上司咁俾指令我
「前邊分叉位轉右!」
我點解要聽佢講,點解我成世人都要聽人地
平時番工睇老闆面色
行街睇戲食飯又係女友話曬事,呢次我都係就佢先黎依度
讀咩科又要老豆老母揸fit
其實我一直都冇做選擇,唔係,係一直都冇選擇
呢次咁啱有個阿伯白撞又要睇佢發威
轉右?我右你老母啊！
阿伯俾我嚇親
然後佢就笑笑口講:你都唔係第一次咁同我講嘢啦!咁你咪睇下點。
我俾佢句說話迷惑到,望左阿伯一眼,就係因為我視線離開左前方兩秒。我又撞到一對情侶,冇錯,又係一對同我加女友一模一樣樣嘅男女,今次我冇落車,只係忐忑一陣又再開車。
唔去睇下俾你撞見嘅男女點樣?
唔洗,反正呢一切都唔係真嘅!我無咁多時間做無謂野!
咁又係嘅!反正你係現實中都係就係諗自己嘅人。
你收聲!你唔好講到好似好了解我咁!
咁呢啲又係咩嚟?你要用呢啲做咩?
阿伯係後座擰起一個背囊,抄到一把電槍,另外又有開山刀,手套,即棄雨衣之類。
你邊度搵啲咁嘅嘢？依啲野邊係......我......嫁。
我好遲疑,我的確對呢啲野有印象,特別係把電槍,但係我要依啲野做嘜?
阿伯又講 下一好分叉口轉番右會近目的地啲
我冇聽佢講直接就轉左
呢次我冇分神,落滿眼力望住車前方,眼都唔眨。
「碰」
又係果對男女,只不過今次唔係我撞到佢哋,只係佢哋今次從天而降,正正跌落我車頂。
嚇到我啊左聲！阿伯就不動如山。
阿伯講左句
其實你人生同呢段旅程一樣,都係同目標愈黎愈遠,唔度你真係以為你係個一直努力讀書考到會計牌執政嘅會計師,搵到個同你志氣相投嘅靚女女友嘅你?
你係度講緊啲咩？點解你會知道我嘅野?你係......邊個?
你呢刻諗緊啲咩我都好清楚!我想講嘅係好簡單
你真係認為你一直過嘅人生係真實?
我大概知佢講啲咩!佢都講到依個份上,我真係好驚。但係我此終相信我希望相信嘅答案。
緊係真啦！唔通係假咩!
咁你咪睇下你一直過嘅人生係實實在在嘅事件,定係全部都係你自作多情嘅幻想。
我載住阿伯繼續係呢個森林行呢條不見聽日嘅陰間路。