811公里: 2

第二朝7點  我即刻攞起喼準備出門之際 我撞岩岩起身既老母 

老母：「咁早起身攞個喼去邊呀 走佬呀衰仔」 

係佢既眼中 留係屋唔做野既我就係衰仔  

我：「我親愛既老母 我見最近無咩野做 我咪打算番台灣幾日攞番之前寄放係人地到既野囉」 

老母：「又會咁突然 方死你唔止番去攞野咁簡單啦 」 





我：「知我者 老母也」 

老母：「唉.... 咁你幾時番呀？」

 我：「星期五晚番黎」 

老母：「好啦 自己小心d啦 無你咁好氣」

 之後踏出家門 為了今次未必有成果旅程........ 去

緊機場果陣 留個言問下我果位前室友 仲要留係台灣半年既心仔先

 係呀無錯呀 男仔裡面有個心字

當初佢個friend Will介紹比我識果陣我都得怪

 不過唔緊要 至少我地做室友既時候都幾好相處 

好 講番正題 





我：「心仔 起身就覆覆我」

過左15分鐘 

心仔：「？」 

我：「冇呀 想問下你等陣有冇堂？」 

心仔：「做咩咁問？」

 我：「問你就答啦」 

心仔：「有 9-4囉」

 我：「咁忙架咩 重陽節無假放架？」 





心仔：「好似無呀 」 

我：「你覺得。。。。我趕唔趕切同食個lunch?」 

心仔：「下 認真咩？」 

我：「認真呀 我到桃園機場再搵你啦 唔知趕唔趕到 因為入境宜家要等好耐」

 心仔：「係喎 你宜家無左居留證喎」 

我：「頂你啦 唔講住 宜家上機 轉頭再講」 

心仔：「ok 見面再傾」 





就係咁 我就坐上了開往台北的飛機了