811公里: 4

正當我準備走出去上我架野狼既時候 岩岩見到詩欣係門口岩岩傾完電話準備行番入去

詩欣：「學長，你好」 

我：「hi 你好似叫詩欣？」

我先唔會同你講我咁快就記住你個名

詩欣：「係呀學長 咦 學長你....咁留意我既？」





佢用果對水汪汪既眼望住我 老實講係男仔都無咩抵抗力 =

跟著我求其作左個好爛既理由回番佢

我：「無 咁我見大家都係文院人 所以都有留意姐」

詩欣：「喔.......」

正當唔知點樣再傾落去果陣 子琪就係餐廳裡面向住我地大叫





子琪：「喂 詩欣 要行啦 番黎攞番你個袋啦」

詩欣：「好呀 」

之後佢就行番入去

咁得意既女仔 實好多人鐘意 希望遲d可以係人文學院可以多d見到佢

之後過左為期一個星期既新生週之後 就正式都開學既日子





而我上堂以外 我仲係僑生會既副會長

同埋接左開學之後僑生會第一個大型活動既總召番黎做

就係........迎新營

姐係Ocamp