811公里: 作者的話 (記得要看喔~)

大家好 我係作者 愛你是孤單的心事 或者叫我心仔

用左半年幾既時間 係三個地方寫呢篇野

中間同樣經歷左好多心態轉變 可能都有少少影響左故事走向

今次係用第三身既角度去講人地既故事 所以要代入番黎講故事

加上我第一次寫故 所以格式上用字上可能要改善 大家就多多包涵





未來可能都想寫下自己既故事 至於幾時再寫

真係要好睇心情 因為我有野想講

最近番香港先發現 我可能鍾意左佢

至於係邊個? 同我有最多互動果個咪就係佢

不過其實自己都知 我係唔會有我想要既結局





因為文中都講過 人地唔鐘意LongD (雖然我覺得大部分人都應該唔太鍾意)

當然我都好多謝有人提醒左我

不過我自己有個缺點 就係唔會做自己無把握既事

點解我會話呢個係缺點 因為對我黎講感情係一件好難掌握既野

又或者可能我都未攪清楚自己諗咩既時候 亂黎只會變左仆街仔





但我想講 你打比我同講好掛住我既時候 雖然我即刻知係大冒險

但係其實 我係想講 我都好掛住你

或許 可能我對呢個電話太認真左

不過 鐘意咪鐘意囉 怕咩講先

不過想同大家講既係

你最愛既人可能就係身邊 千其唔好錯過 

因為錯過左....... 就唔會再有機會

或許 愛她.....只是我的孤單心事





我鍾意你 Natalie 

呢個係我當下既感覺 唔知未來會唔會好快就改變想法

至少我係呢度講左我當下既感覺出黎 我會舒服好多

各位 我地下個故事再見