孤獨兄弟twilight: 3. 三對

「嘩，原來郵輪啲房張床係咁大架！」

阿紫對住阿南撒嬌:「嗚..唔想返香港呀...」


除此兩對鬥氣情侶外，阿南和阿紫亦有好好把握暑假到日本散心

而經過多日旅程後，兩人就乾脆乘坐波塞冬號回港







「咁我都唔想，我最想呢..就係以後日日都剩係同阿紫你過」

阿南從後攬住阿紫


「口花花！都唔知係咪光晨教你既」

阿紫道:「不過，返到香港....都唔知點啦...」






「你係指學校既野？」


「嗯...辭職信就寫好左，但係...都唔知交唔交好...」

「上個禮拜呀，校長又話想我負責埋中六果啲升學輔導喎，明明我已經係級主任啦嘛，仲要我做咁多野！」

一講起自己任教的中學，阿紫將一肚的苦水全部噴到阿南的耳中







「如果你真係好大壓力既話就辭啦，對我黎講..最緊要阿紫你開心」


「阿南...多謝你呀」

阿紫緊握阿南的手:「總之，我有決定既話一定會第一時間話比你知架啦」




「放心啦，我點都支持你既決定既...不過依家」

阿南將阿紫按到床上:「我地就緊係做啲愛做既事先啦」







阿紫笑住反抗

「哈哈停呀....喂呀，今晚先啦阿南，依家先下晝三點！我想出去行下呀」


「咁...好囉」

要強忍慾火，阿南有點失望:「但係你要應承我，今晚一定要...」


「知啦！你好咸濕呀！」







兩人整理好行裝後，離開房間



「屙屎屙咁耐，哂我時間！」

「無辦法喎咁啱多屎！唔係你頭先響度係咁叫春，我駛肚痛？！」

「賴啦賴啦」

石仔和阿玲亦剛好從左邊的房間出來






「呃....你地，係香港人黎？」

阿紫忍不住自己的好奇心問



「屌，講廣東話就緊..」


石仔本來想著何人會問出此等廢話

但一轉頭


「嘩條女幾正喎...」





石仔視線往下，凝視阿紫的美腿:「對腳仲要又白又滑，又唔係筷子腳，正呀」


「哈哈係呀，我地都係黎日本旅行，咪順便搭呢架船返去囉！」石仔的語氣馬上180度轉變


「咁真係啱啦，我叫阿紫呀，我同我男朋友阿南都諗住去行下呀，你地一唔一齊呀？」阿紫牽住阿南問


「屌，有仔既..不過算，視姦下你對腳都好！」

石仔道:「好呀，我叫石仔，呢個係我女朋友阿玲」


「哼，有其他人響度就懶恩愛！」

阿玲心裡不滿




四人一邊閒聊，一邊走到郵輪上的商店街上


「嘩原來阿紫你係老師黎架，真係叻啦！咁阿南呢？」

石仔雖然一直和阿南阿紫對話，但全程亦以望住阿紫的下半身

「原來阿紫唔止對腳，個屎忽都幾正架喎」


「哦，我同朋友夾份搞私家偵探社既，都算係自己生意丫，咁石仔你地呢？」





「呃....我地..」

石仔一時難以解釋

「我地咁啱中左六合彩，咪一齊辭工嘆下世界先囉」


「咪就係咁囉...」

阿玲心想:「唔係咁都信下話...」




「.......犀利喎！」

阿紫扁起小嘴:「我都想好似你地咁有錢呀」


「以後我養阿紫你咪得囉」




「....咁既大話都信，呢pair情侶真係無得救」石仔同阿玲同時對兩人的反應感無奈





每架郵輪均有賭場，波塞冬號也不例外


「阿南，不如我地入賭場玩下囉？」阿紫提議

「好呀..咁石仔你地..」


石仔思考了一秒後，答

「嗯，反正我地都無野做」