孤獨兄弟twilight: 5. 山齊士

「係777呀阿南！！！！中左呀我地！！！！！！」

「咁我地今次真係可以嘆世界啦！！」




「石狗，佢地真係中左喎..」阿玲驚訝道






「車，中有幾難姐，佢認唔認數先係問題姐！」石仔冷冷回應



不久後，就有多名身穿西裝的職員上前

「兩位唔好意思，頭先老虎機系統正響度更新緊，頭先果鋪既結果作廢」帶頭的賭場經理冷冷道







「吓？咁都得？！」

「有冇搞錯呀，依家輸打贏要呀？」

阿南和阿紫聽到後當然不滿，怨聲載道



「嗱都話架啦，邊有賭場會認數架，只要佢話部機有問題就乜都得」石仔道







「喂，咁即係明呃錢姐，我地返到去報警架！」


「報警？！」

多個健壯的保安湧出，將兩人重重包圍


阿南馬上抱緊阿紫，生怕自己的女友被傷害

「依家做咩呀？人多蝦人少呀？」








「你地唔想比人掉落海既，咪繼續囉，哈哈」賭場經理奸笑道




「屌你老母丫！！！我終於知點解係咁輸錢啦...原來就係你地班撚樣操縱賭局！黑鳩我啲錢！」

說出此話的，正是人群之中的彌生


「邊關事呀...係你根本唔識賭錢姐...」小優自言自語








「先生，請你講野小...」


「還我血汗錢！！！！」

沒等到經理講完全句，彌生已經一拳將他轟飛到老虎機前



「丫，呢個水魚又幾好打架喎」石仔心想









經理執起飛脫的眼鏡

「...郁..郁佢！」


收到指令的保安們同時拔足揮拳，衝向彌生


「太慢啦」

擁有吸血鬼能力的彌生輕鬆避過






於迴避的同時，亦向眾保安送上一掌，足以將其擊暈



望住此等速度，石仔眉心一皺，心想:「呢個人..快得有啲唔正常」




彌生將經理拉起

「呃鳩我啲錢仲咁串，你今日唔還返啲錢比我我就同你拆船！！！！！」



「嘩，你條仔都幾痴線架喎...」阿玲對身旁的小優道


「...唉....」小優只能苦笑





「停手」


「邊撚個！」



一名著燕尾服的高大金髮男，出現到眾人面前



「我叫山齊士，係呢間賭場既負責人，請問咩事呢？」



「我同我女朋友響老虎機度中左獎，但你地唔肯比獎金，仲搵幾個保安黎兇我地喎」阿南叉起雙手



「...咁好簡單姐」

面有少許難色的山齊士從口袋中取出一疊支票，並於最上的一張填下銀碼


「呢張二百萬美金既瑞士銀行支票，係你地既獎金」


「頭先我地既經理冒犯兩位，我代佢向兩位道歉」



「哼...」

阿紫不服氣地取起獎金





「咁呢件事就咁算啦，大家都無謂追究啦...各位繼續玩得開心啲，贏多啲錢」

山齊士正想轉身離開之際，卻被彌生喝停



「贏你老母！」

彌生已經向住山齊士拉起拳頭


「先生，請你...」


「砰！！！！！！」




「咩話...？」


山齊士竟能一手捉住彌生的拳頭





「！！！」

彌生感覺到，一種奇怪的氣場