孤獨兄弟twilight: 8. 監禁

「.....屌...」

彌生忍著痛，張開雙眼，眼前卻是一個空無一物的密室


「呀...頭好撚痛！咪住先...」


彌生正想站起之際，卻發現





六人全部都被麻繩緊緊綁著




「唔..呀」

其餘五人亦緩緩醒來







「喂..做乜我地綁實哂架！」

阿玲在此關頭亦胡亂責任石仔:「一日最衰都係石仔你呀，唔撩事鬥非咪乜事都無囉！」


「關我撚事！明顯係賭場果個撚樣小器，先搵我地覆桌姐！」石仔馬上反擊


「阿南呀..點解會咁架！早知唔要果筆獎金啦！」阿紫激動叫道，兩行眼淚也流到臉頰上





「放..放心啦阿紫，我地..一..一定會無事既」



「彌生，咁依家點呀？！」小優無助地問


「放心..果個山齊士無即刻殺我地，即係話，佢仲需要我地啦...」平日輕恌的彌生在此關頭卻異常冷靜



「咔！」

密室的房門被拉開






「六個，訓得好嗎？」

奸笑著的山齊士走到六人面前



「你個仆街，捉左我地想點呀？」阿南怒道



「哼..你地今日響我賭場鬧事，我唔做返少少野都難泄心頭之憤啦」

山齊士於阿南面前，故意展示本應屬於自己的獎金





「原來諗住靠間賭場賺返一筆，就係你兩個賤種中老虎機搞到我乜都無！」

「依家就算你地話唔想要呢二百萬，我都唔會放過你地！」


「呀！」

山齊士伸腳踢中阿南的小腹


「阿南！」阿紫驚得大叫







「仆你個街，原來間賭場真係出千既！唔怪得係咁輸啦！還錢呀仆街！」



「除左要好好折磨你地之外..」

山齊士轉身望向彌生

「我仲要..從你口中套出...吸血鬼公會既事！」




「！！！」





彌生裝作鎮定，卻一頭問號:「吸血鬼公會....乜撚野黎架.....」



「今日響賭場見到你既速度，我就知道，你係...」

山齊士抽起彌生:「吸，血，鬼！」




「吸..吸血鬼？」

石仔等四人對吸血鬼一無所知，一臉困惑




彌生望望石仔等人

「...睇黎都呃唔到大家啦」

「無錯，我，係吸血鬼...而且係個唔會吸血既吸血鬼」



「但係...」

彌生忽然轉變態度，以化骨龍般的語氣求饒:「大佬~我真係唔知吸血鬼公會既事架~~~~~你捉我都無用架~~~~~~~」



「哼，扮唔知下話...？」


「砰！砰！砰！」

山齊士一拳一拳擊中彌生的胸口:「講呀！講呀！吸血鬼公會既事！！！」


「啊！！啊！！」

彌生大叫:「大佬你冷靜啲啦！雖然我唔知點解你咁想知吸血鬼公會既野，但係我真係唔知你講緊乜撚呀！」






山齊士將彌生掉開

「嘿，睇黎你唔見棺材都唔流眼淚喎...入黎啦」


山齊士示意下，三名外表猥瑣、笑容淫賤的爆肌中年男走入房間



「就好好咁比你地試下，睇住另一半比人搞既滋味啦，嘿嘿...」

說罷山齊士轉身離開房間，任由肌肉中年男處置眾人



「嘿嘿，好耐都無見過呢啲極品啦！」

「今鋪一定要屌餐勁啦！」


阿南知中年男們明顯有不軌企圖，大叫

「唔..唔好搞阿紫呀！」



「阿南，你估錯啦」

石仔冷冷道


「咩估....呀！！！！」


阿南被一大漢捉住

「嘻嘻，你都幾靚仔喎，我鐘意呀~~~~~」



「痴線架，快啲放開阿南呀死基佬！」阿紫大叫


「呢三個唔係搞我地啲女，係要搞我地呀！！！」