《明戀暗愛補習社》: 第四集-再次遇上
「天啊！幸運女神真係降落喺我身上。」我不禁在家大叫一聲。
-
「你要唔要見下我新女朋友啊？」
-
「唔駛啦！我自己做咗！」
-
「自己做定抄呀？」
-
「嬲啊！唔同你講嘢啊！」
-
身為一個小毒毐的我，頓時間覺得很像有女朋友在旁邊卿卿我我。
-
我決定，既然機會是要自己爭取的，所以我每天也跟她聊天，起牀的時候説早安、定時報告自己所在的位置、有信息就立刻秒回，不論在打機還是在食飯，甚至連最後一句晚安也要是我說。
-
｛同曖味嘅人WhatsApp，就好似吸食毒品一樣，傾少一日個心已經好難頂。｝-孔明
-
從與子南的對話中，我發現子南其實是至佑的女朋友代替品，至佑跟本對子南一點愛意也沒有，而且並不是至佑所説的情況的子南提出分手。實情是至佑提出分手。
-
所以，我這麼憎至佑其實是有原因的。
-
自從那天開始，我再沒有理會至佑，甚至還想秋後算帳，為子南出一口氣。可惜，最後不敵運動型的至佑。
-
過後，我和子南每日都聊天，不論生活、朋友等大小二事都談。
-
持續了個多月的對話之後，她開始對我冷淡，我找她聊天，她只是以「哦」或emoji 回應，甚至已讀不回。而且我發現他們兩個又開始對話， 還要是子南打開話夾子，他們的感情再次逐漸深厚，就好像夏迎春同鐘無豔一樣，形影不離，兩個手機不離身。或許真的是「男人唔壞，女人唔愛」。
-
某日補習，我問至佑。
-
我：「其實你係咪鍾意子南，想再同佢一齊？」
-
至佑：「黐線啦！我點會仲鍾意佢呀。」
-
我：「一定係咁啦！」
-
至佑：「如果我同佢一齊返，我畀$2000你。」
-
我：「聽住先啦！」
-
不久，我發現他們再次一起，再次成為情侶，我決定封鎖子南所有聯絡方法，自此之後我就在他們兩個感情線上消失，消失得無影無蹤，那$2000也一樣。
-
這件傷心的事已經過了大半年，我還未解除封鎖她的社交媒體帳號。或許這個不是最好的辦法，或許我在逃避問題，但我還未釋懷，而且真的很想子南忘記我。
-
正當我回想起這件事時，我看見Facebook出現一個貼文寫著：你有遺憾嗎？需要修改嗎？遺憾修正萬事屋幫到你。
-
於是，我拿起電話，打開記事簿，寫下：
-
致遺憾修正師：
-
我係一個讀中三的男仔，冇樣而且又肥，不過有一位靚仔但小小壞的男孩-至佑為紅顏知己，我哋每日都一齊補習，形影不離。
-
2017/4/2
Form1 下學期，話説我同至佑嘅補習社其他補習社合併，我哋兩個初到貴境，見到一個眉清目秀，帶有仙氣的女孩-子南，由於我哋以前補習社係冇其他異性，而且呢位女孩就讀銅鑼灣某女校，俾其他男仔溝到機會少，我哋兩個都開心，想追到佢。自問自己唔係一個靚仔，而且又肥，成功追到佢嘅機率可以話係少之又少。
-
2017/09/24
星期日，我喺屋企食飯，碌碌Instagram突然見到，我心儀的對象子南被我好知己至佑搶走了，換言之，我「戴綠帽」，就係因為呢一件事 亦都畀人笑到直至今時今日。
-
2017/11 某日
至佑其實對子南只是一個女朋友代替品(因為佢之前向第二個表白，衰咗)，玩夠就去分手，正正就係因為呢件事，搞到子南喊咗幾日，傷心咗好耐。子南並開始討厭至佑，block曬所有聯絡方法，自此之後佢哋兩個就冇再有任何交往。
-
2018/2/14
我喺IG講咗一個黃色笑話，話要「上」咗份功課，而子南就留comment，開始撩我傾計，我嗰陣時都對佢有些小意思就同佢開始傾計，都傾咗成一個月有多，大家有講有笑，亦都因為子南開始搵我，我就同至佑秋後算賬，講返佢之前點樣對子南，仲同佢大打出手添，並為子南而同至佑絕交。
-
2018/3/18
正所謂男人唔壞，女人唔愛，我發現佢哋兩個又開始傾返計( 仲要係子南開始撩至佑傾計)，佢哋嘅感情逐漸深厚，就好似夏迎春同鍾無豔一樣，形影不離，兩個手機不離身，我搵子南，佢就hea覆我，甚至已讀不回。
-
2018/3/27
我發現佢哋再係埋一齊，換言之我又戴綠帽，我決定 block曬子南所有聯絡方法，自此之後我就喺佢哋兩個感情線上消失，消失得無影無蹤。
-
2018/12/25
直到今日，我仲未unblock 佢，或許個唔係最好嘅辦法，但我好想子南忘記我。
-
修改項目：
-
如果修改係為我嘅話，我覺得好自私，因為有可能會影響子南嘅幸福，所以我要修改嘅係，喺我哋兩個未轉新補習社之前，子南離開咗，在某一個地方認識好男孩，成為咗情侶關係。
-
客人C上
2018/12/25
-
（待續 To be continued）
IG：chingchingstory