[新手][半FF][真人真事]一篇三年的故事{不定期更新｝: 第五章

Jacky ：「有冇野要問？」

我：「幾多轉起步？」

Jacky：「4500 轉啦，6000轉著tec，9200 轉斷油，ok？去喇，咪炒車啊。」

拉實手掣，吊住極力子，呼住油到4500轉，手掣同極力子一鬆，Jacky 開始咗計時，200 匹嘅車仔，就咁出發。

沿路一直冇車，我見到對面冇車頭燈，諗都唔諗食埋對面線，長期用2 3 波，隻隻彎都響住胎咁過，架車又定，反應又快，冇野好驚，一路踩到鶴咀，試埋4 波，踩到百四，Jacky 突然間：「喂你癲架？收油啊！」我無理佢，一路上到斜坡頂先鬆油，仆街喇。





～～～～～～～～～～～～～～～～～～～～

人冇事先做到世界冠軍嘅。

做任何野都要有啲預算，唔好亂嚟啊各位。

～～～～～～～～～～～～～～～～～～～～

架車突然拋起咗，離咗地成秒，嚇到Jacky 嗌咗出嚟。我諗：「唔係啊話，咁都嗌........」





架車「彭」一聲咁撞返落地，好彩岩岩食岩線位啫⋯⋯如果唔係撞咗去左邊個出丘到囉⋯⋯嘻嘻。

不過架車係改得幾硬凈，咁落地都冇事，仲可以繼續皮彎，我都唔忍手一路踩到去迴旋處，呢個彎，行唔行逆線好呢？好膊命架喎，諗得嚟都都遲啦，我都係決定跟直覺去揸。

Jacky：「啊⋯⋯喂！喂！屌你，你咪扭去逆線啊！」

可惜已經太遲，已經........踩死咗迫力，鎖咗呔。

收到40 幾喺一個得兩架半車闊嘅彎，一扭呔，Jacky：「屌你真係癲架，我架車冇喇。。。。」我冇理過佢，行咗逆線，一出彎就好架黃色ek9 嘅我對面線，我都嚇親我自己，不過一心諗住計緊時，我點都唔會停低，就一路皮住彎咁直到西灣食水抽水站對面嘅避車處，停咗落嚟。





Jacky：「我屌你，嚇撚到我，幾驚你會炒，仲要隻隻彎都響哂呔，我諗又要換呔喇唉.......我都未試過5 分半鐘出到嚟到。。。。換位，唔掉頂啦，我聽晚帶你去見一個人，依家送咗你返屋企先。你岩岩揸車一句野都唔講，成塊面黑撚哂咁，真得嚇得死人。」

返到去我就昏睡了。。。。。

～～～～～～～～～～～～～～～～～～～～

車係好挽，不過唔好癲，自己嘅安全同健康重要過一切。