長洲嘅空氣仍然好清新,但係我而家已經搭緊船離開呢一個由細到大一直生活嘅環境。點解要離開呢度?因為我想可以喺更遠嘅地方望住呢一個咁靚嘅海。
話咁快我就落咗船,搭巴士去到一個我唔熟悉嘅地方,旺角。至於點解要嚟呢度,因為我要去一間新嘅學校讀書,嗰間學校以科技出咗名,希望我可以喺嗰度完成我嘅夢想。嚟到旺角,呢一個佈滿人煙嘅地區,相比起長洲呢到嘅環境簡直差成一百倍,如果可以我一定要發明一部機器去過濾咗成個香港嘅廢氣。抱怨咗大概半個鐘我就去到我嘅新屋,一入到去一望間房同埋門口相差只係得100呎都唔知有冇,不過住慣咗應該冇問題嘅。
梓允8月1號記
好快就就嚟到開學日啦,呢一個月都已經開始習慣,不過始終係好掛住長洲嗰種親切感。今日係學校嘅迎新日,同啲同學相處過之後覺得佢哋都唔差係蠢咗啲啫。而且今日終於見到黃浩輝嗰班傻仔,傾咗好多細個嘅嘢,希望我嘅新中學生涯可以開心啲啦!
梓允8月30號記

已有 0 人追稿