［校園/歡喜冤家］火星撞地球,撞撞下就有火花㗎啦: 「劇終？？」
~~~~~~~~~~~~~~~~~~~~~~~~~~~~~~~~~~~~~~~~~~［心玥視覺］
我跑咗出課室之後，我追咗上去。
「老師！唔關連亞事㗎！人係我打」
「我哋依家要處理嘅，喺校園欺凌案。至於你打人呢單嘢我小息再處理。」
「校園...欺 ..凌」
如果佢係話亞亞比人欺凌，我都仲覺得係合理係講得通嘅。但係依家...好似有啲奇怪？
正常受害者都會有社工跟住㗎....
番到課室，依然冇人敢問發生咗咩事。算啦，都慣㗎啦....
［5C班，余心玥請即到教員室］
「哼!抵你死啦！依家條仔就同人搞gay，你冇frd㗎啦！自己仲可能因為打人踢出校。哼你改名叫余失敗好過啦」
「收聲」
「你啲frd一個二個都核鬼突，gay佬喎」
「我叫你收聲呀！點解你唔識聽㗎！gay咩佬你冇資格話佢！收聲啦八婆」
「喂！」
....
「余心玥！你知唔知自己做咗啲咩！」
「...」
「你明知連亞有呢種性取向你由得佢去同譚梓允接觸！你知唔知譚梓允係學校免佢學費嘥好多資源掘返嚟嘅資優生嚟㗎！仲有你明知學校唔比拍拖㗎！」
「...」
「你唔出聲即係點？如果比人知道我哋學校咁嘅校風咁點算？未成年男生發生性行為？仲要無理取鬧咁打同學？你等住收停課信啦！」
「...」
「其實...
其實你覺唔覺得自己好有問題！
第一我唔認為連同學鐘意男仔有咩問題！第二我唔理解關資優生咩事！第三！好心你查清楚先好喺度潑婦罵街！乜撚嘢性行為！無理取鬧嗰個會唔會係你呀？我認我打人唔啱，但係佢開始先㗎！我而家仲嫌自己打唔夠，鬧唔夠！早知打到佢殘廢！」
「余...余心玥！你知唔知你而家咁樣係侮辱老師！你都係等住停課啦！同埋啲咁核突嘅gay佬做朋友真係咎由自取，你唔係以為自己好似大家姐咁呀？」
「屌！你到底有冇職業道德㗎！你唔係以為你鍾意異性就好好吖嘛？乜嘢好核突你同我收返呢個詞語佢！停課咪停課囉！畀人踢出校我都冇所謂！不過對住你個咁嘅老師！」
.....
真係堅嬲好嬲...
反正不嬲都還認同我做嘅嘢㗎喇，我而家咁樣追隨返自己認同嘅觀念....會唔會仲好呢。
死啦頭先太衝動啦！
我到底返去要點樣面對啲同學呀...雖然早就預咗可能同大家行唔同嘅路....不過難得我真係要到一班我覺得可以繼續落去嘅朋友....唉
難得我真係遇到一個....梓允...
「5c班余心玥因為對老師不敬由聽日開始將停課兩個星期，請該同學自行檢點！」
~~~~~~~~~~~~~~~~~~~~~~~~~~~~~~~~~~~~~~~~~~
「收聲啦八婆」
出面好大聲呀...係呀玥把聲？佢同邊個嗌緊交？
「喂梓允...出去睇下佢囉」
「呀男....」
出到去呀玥已經走咗，淨係得返嗰個隔離班嘅女仔企咗喺度發曬忟憎咁樣喺度鬧呀玥....
「喂你好囉喎！你唔好再講啦下！」
「你喺...隔離班個龍哥？」
「你都識講喺隔離班啦 ，我哋班嘅事唔使你理！你唔好再喺度侮辱心玥！」
「乜嘢侮辱係佢自己黐埋晒啲唔三唔四嘅人！我哋班嗰個gay佬呀！唔緊要啦余心玥停兩個禮拜課！即係佢可以畀我哋任玩兩個禮拜！玩殘咗都冇人知啦」
「都未宣佈你又知係兩個禮拜！」
「我哋係學生會嘅人，學生會第屬於校董之後，加上黃老師又係聽校董枝笛！區區一個劣質生我哋想點都得啦！」
.....
根本一開始成件事就係無中生有，係呀玥唔過眼先打佢地咋嘛...一早話咗喺呢種性格似好辛苦自己...
我到底要點救佢呀
但係我發覺我哋好似有同一種共識....
「5c班余心玥因為對老師不敬由聽日開始將停課兩個星期，請該同學自行檢點！否則可能踢出校」
呀玥罰咩終於宣佈出嚟啦...所以冇估錯學生會真係話曬事，不過唔好忘記我哋C班嘅其中一半人係學校最著重嘅精英！
「咁多位我返嚟啦...」
....
「呀玥你冇事吖嘛？」
「個老師根本就有問題放心啦我哋會幫你討回公道㗎！」
「呀Moon你係咪喊過嚟，比對眼休息下先啦！」
「你哋...」
係呀冇錯我哋嘅決定係，要同呀玥一齊共同進退！
就算要停課都好，都要為佢拎番一個公道！
我哋資優生嘅名義，只要作出不合作嘅行動佢哋就冇辦法...第一步，放學去抗議！
「放心啦心玥，我哋兩個班主任知道件事唔係想像中咁㗎，我會幫你求情！你下次唔好咁衝動呀」
「你哋...多謝吖...」
「你講過㗎嘛，5C班要共同進退！唔會畀你有事㗎」
呢一下，佢展現咗最燦爛嘅笑容....
「就算比人踢出校都好...有樣嘢我要講咗先...」
佢突然向我行咗過嚟，一下子將我迫咗去張枱到...
呢個就係傳說中嘅...枱咚？
「譚梓允...我好鐘意你...做我男朋友啦！」
.... 由細到大，喺大家嘅祝福之下同鐘意嘅人喺埋一齊係一個我唔敢奢求嘅願望....
呀玥....
我.....
「願意！」
「好嘢！！！！」
或者公主唔一定要同王子一齊....可能....
（全劇終）~~~~~~~~~~~~~
吓........？
講笑咋..................
愚人節快樂吖.........！！
喂.................
等陣吖.......
唔係走晒吖嘛.............
返嚟吖！！！..................
我錯啦.................
聽日繼續火星撞地球~！