一個在召喚師峽谷相遇的故事: 召喚師峽谷

我，係一個女仔，但係我身邊所有朋友都係男仔，我從來都唔會對身邊既同學有好感，因為我覺得佢地係兄弟，就係感簡單。
嗰年係中四，大家都開始玩一隻叫英雄聯盟既遊戲，我比身邊既人都遲開始玩依個game，亦唔會有人有耐性教我點玩依隻game，所以每次我都會玩輔助，d 朋友每次都叫我企係度唔好死就得，到我差唔多玩左個game 半個月身邊差唔多無人肯再同我玩下路，因為我實在，太，雷。
有一日突然有一個新朋友加入左同我地一齊玩，佢叫yoshi ，聽佢地講yoshi 以前都係同我地讀同一間中學，只係後黎去左外國升學但係都有keep 住同依班fd 打機，由於yoshi 係最無所謂打咩位，所以往往都會俾人塞左同我打下路。
yoshi 係一個好靜既男仔，你做錯野佢唔會出聲，你問佢嘢佢通常只會答一個「嗯」字，同我同齡好多男仔好唔同，佢唔會好介意身邊既人講咩，亦都唔會好似好多其他人感想表現自己，慢慢地我地好似已經一齊打左半年下路，即使身邊無其他人一齊玩我地都會好自認感一齊打下路，雖然我從來都未見過依個人，但係我好似已經慢慢感鍾意左佢，我地日日都會skype住打機，有時我都會問下佢生活近況，讀書讀成點，但係佢從來都淨係會講個「嗯」字，而我亦越黎越想見下依個人。
到左中五，好多朋友都因為要準備dse 而無再繼續打依個game，慢慢個召喚師峽谷就得返我，同，佢。雖然我地日日都會係召喚師峽谷見，但係我地從來都唔會係game 以外既地方傾計，所有fb 既msg 只有一play ? 同 ok。 你以為我地感就慢慢一齊左？ sorry丫，但係到左中六我地都變得小左打機，我地亦慢慢遺忘左對方。
到左聖誕節，我地又再次係召喚師峽谷相遇，我地照樣都係好安靜感一齊打下路，突然有個朋友問起yoshi
「遲d 不如我地grad trip 一齊去日本搵你個fd 吖?」
yoshi 依然都靜係答左個「嗯」字
我本來都無將依件事擺係心，但係果日玩玩下，到左凌晨一兩點，係個game 最重要果個baron fight 果陣yoshi 突然坐左係溫泉度，佢off 左個skype， 係個game 入面打左句，「sorry, my gf's dog died, I have to comfort her」，果下我同另外個fd 緊係屌到佢上天花板啦，但係其實我心裡面一直覺得，如果我可以係佢條女，你話有幾好呢。
知道左yoshi 有女朋友之後我同自己講，人地根本無留意過你，係你自己自作多情on99，果晚之後，我地就翻翻去現實世界，而我亦係好短時間內同左一個成日一齊去自修室即同學一齊。到左考完dse 之後我地先再次係召喚師峽谷再相遇。


​續。。。。