https://www.youtube.com/watch?v=OWjedxQwQs0
第三章
「漏網的跑到哪裡 男生稍一可取
全已是 某君的夫婿或愛侶」
〈可惜他有女朋友〉

         陽光穿過玻璃窗照進人數寥寥可數的課室,溫暖了冷得像停屍間的課室,卻照不醒頂著一張僵屍臉的James和Kay。儘管軀體坐在課室,靈魂卻彷彿早已飄去了遠方。
         「哇,你同James琴晚一定好精彩啦,兩個都咁重黑眼圈。」Amy說道。  Kay這時才發現James果然一臉疲態,她開始回想發生的事情。
         琴晚個傻仔陪我一齊去咗穩Denny⋯⋯
         Kay的腦海閃過Denny與其他女生親吻的畫面,胸口突然隱隱作痛了一下,像是指頭被針刺了一下。
         「你無野呀嘛?」James突然問道。
         「無,你個樣咁愁,你似有野多D喎。」Kay試探道。


         James沒有回應,只默默地拿地手機,打開了WhatsApp,對「寶貝」發了句「對不起,昨晚做得太夜,手機沒電了,一會來找你。」還配上一個親吻的Emoji。
         Kay突然想起,她攬著James哭的時候,他好像說過有一位HKU的女朋友,還堅定地說一定不會分手。
         「你同你女朋友⋯⋯無野呀嘛?」Kay試探道。
         兩個世界嘅人,真係有可能唔分手咩?經歷過多次失戀的Kay對此深感懷疑。
         「無⋯⋯無野掛,我一陣去氹返佢應該無事嘅。」James一邊看著手機,一邊漫不經心地回答。
         Kay看到James的信息由灰剔變成了兩個藍剔。
         少年,你太年輕了,Kay心想。
         「仲嬲緊你呀?Sorry呀,係我搞到你地咁⋯⋯」Kay一臉歉意地說道。
         事實上,Kay的內心其實毫無歉意,還有點得意,畢竟眼前這個號稱不會分手的男人,竟為了自己對女朋友說謊,還因此吵架。
         這時,Kay的電話突然響起,是她的男朋友Denny打來的,Kay並沒有馬上拒絕來電。


         「你唔係仲諗住聽佢依D人渣解釋呀嘛?」James一臉鄙視地問道。
         「我⋯⋯我無呀,我都無諗住聽。」電話依然響個不聽。
         James突然拿起Kay的電話,一滑,就把電話關上了。
         也許是因為大家的心思都不在課堂上,不知不覺就到了下課的時間。
         「不如我地傾下⋯⋯」Amy又打算約時間傾Project之際,「我趕住穩我女朋友,再約呀。」James的聲音隨著他離開而變小。
         其實佢都幾好仔呀,咁緊張佢女朋友,Kay心想。
         「琴晚Whatsapp你地又唔覆,今日又唔得閒⋯⋯究竟你地琴晚做咗D咩?快D從實招來!」Amy嘗試向Kay逼供。
         「嗨,你地有組未呀?我戈組暫時有兩個人,不如加入我地戈組呀?」這時一位男生走到Kay面前。
         「唔洗啦,我地有組啦」Amy代為回應道。
         Kay繼續低頭看著手機。


         「係呀,咁真係可惜啦。你地記唔記得professor話要幾時交話?」男生看著Kay問道。
         「下個月呀嘛,你想知確實日子可以上Myportal check下喎。」Amy認真地回答。
         「啱啱開Sem,我都未穩到飯腳,不如一陣一齊食Lunch呀。」男生繼續盯著Kay問道。
         「呃⋯⋯我今日約咗人呀,我走先啦Amy。」Kay看了看手機,向Amy說再見。
         「喔,拜拜⋯⋯一係我地兩個食?你想食咩呀?」Amy拿起袋也準備走了。
         「呃⋯⋯得返我地兩個⋯⋯一係下次先啦,拜拜。」男生看著Kay離開的身影說。
         「吓,⋯⋯喔,咁好啦。」課室再次只剩下Amy一人。

          Kay走到電梯口,重新開啟剛被James關上的手機之際,發現James也正在焦急地等電梯。
         「頭先唔記得講,琴晚唔該晒你送我返屋企呀。」Kay走到James旁邊說道。
         「小事啦。不過,你本身身體就唔好,我幾驚你會哮喘發作!以後都係唔好再亂係出面飲酒啦,唔係到時你自己蝕底咋。」Kay一臉疑惑地看著James。
         「你唔係真係斷晒片呀?」James沒好氣地說。
         「我剩係記得我最後係海濱攬住你喊,然後就⋯⋯」Kay努力地回想著,眉頭不禁隨之向上蹙了起來。
         然後,我就係咁飲酒,飲飲下,⋯⋯我個嘴好似掂到D軟綿綿嘅質感⋯⋯Kay一邊回憶,一邊不自覺地用纖幼的指頭摸著嫩薄的雙唇。
         「我記起啦,你錫咗我一啖!你⋯⋯你要對我負責⋯⋯」Kay突然指著James叫了出來,頓時忍起了一同等電梯的人的注目。


         「佢⋯⋯佢未食藥。」這一叫,嚇得James馬上用手掌按緊她的嘴巴。
         要知道James並不是Jessie身邊唯一一個讀IVE的人,在他們那所Band3的中學,有不少人不是讀Asso就是讀IVE,倒是像Jessie這樣能直入大學的根本沒幾個。
         James深怕Kay繼續亂說話,最後說話會傳到Jessie的耳邊。
         「X#$%^&*⋯⋯」James按著Kay的嘴巴,把她拖到樓梯口,牢牢地按在牆上,根本沒法聽清楚Kay的說話。
         身高只有150 cm的Kay本來已經矮小,站在170的James的旁邊更是像個小矮人,氣勢都輸了半截,更遑論掙扎James的手掌。
         「拿,琴晚件事就唔係咁嘅,只要你唔再亂叫,我就放手,慢慢解釋比你聽,OK?」James緊張地托了托眼鏡,輕聲地說道。
         James與Kay的只有一個拳頭的距離。
         Kay被James的氣勢震懾,瞪大眼睛看著他,心跳開始加速,還未能反應過來。
         James漸漸鬆開手,在Kay嘴巴附近的皮膚留下了一陣紅印。
         「琴晚,你飲醉咗,突然衝過黎,攬住我黎錫,我一時反應唔切,就比你錫咗啖,」James一臉懊悔,繼續說:「我之後已經推開你。點知一推開你就諗住爬上海濱D鐵欄,嚇到我即刻截咗架的士的你返去,好彩你都仲Up到自己住邊,跟住我就走咗啦。」James無奈地看著Kay。
         「哈哈哈哈!」Kay看著這樣緊張的James,頓時大笑了起來,「本小姐酒量未差到咁,我講笑咋,點知你咁認真,錫下咋嘛,洗唔洗咁緊張?」
         這時瞪大眼睛的變成了James,可總是戴著黑框眼鏡的他,即使瞪大了眼睛,看起來還是特別小。
         「叮!叮!叮!⋯⋯」Kay的手機突然響起了一連串的信息聲音。
         「對唔住,我犯咗全天下男人都會犯嘅錯⋯⋯」Kay點開信息,全是密密麻麻的文字。
         「唔好意思,佢依家係我女朋友,唔該你唔好再騷擾佢。」James看不過眼,奪過Kay的電話,按下錄音鍵,發了這則語音信息。


         「喂喂喂!你幾時變咗我男朋架呀!?」Kay馬上把手機搶回來,可信息已經發出。
         「我為你好咋。何況,我點知你咁認真,講下咋嘛,洗唔洗咁緊張?」James模仿Kay的說話回敬她,「唔玩啦,我真係趕住穩我女朋友,拜拜。」James邊說邊走。
         「你去邊呀?」Kay馬上追上James的步伐。
         「我去做私人外賣仔呀」James頓了頓,對Kay說:「買我女朋友最愛嘅花之戀壽司、雞蛋仔、珍珠鮮奶茶、雪米糍⋯⋯係咪好羨慕我女朋友有個咁好嘅男朋友呢?」James一一細數著,臉上的表情特別溫柔。
         哇,佢竟然可以記得咁清楚佢女朋友鍾意食咩,仲要做埋外賣仔⋯⋯如果我都有個咁嘅男朋友就好啦,Kay心想著。
         「我先唔羨慕會對女朋友講大話話自己做Project嘅人。」Kay口不對心地說。
         「唔好比我發現你再飲醉酒,下次我一定將你拍片擺上網,笑9你!」James不服氣地說。
         「講下姐,唔好嬲啦,我就住依頭嘅,最多我話你知邊檔嘅雞蛋仔最好食,仲有朱古力、抹茶、士多啤利⋯⋯好多種口味!等你可以氹返你女朋友啦。」矮小的Kay三步拼兩步地走著,努力緊貼James的步伐。
         「好,我就比次機會你將功贖罪!」