【真人真事改篇】《有一種距離，是HKU和IVE仔的距離。》/《初戀2000天》: 第五章中 「為何太細心竟是罪 真心想講句說話也都不太對 畢竟愛過後熱情什麼都遠去」〈拖泥帶水〉
https://www.youtube.com/watch?v=5XNd3IX-TAA
第五章中
為何太細心竟是罪 真心想講句說話也都不太對
畢竟愛過後熱情什麼都遠去
〈拖泥帶水〉
畢竟愛過後熱情什麼都遠去
〈拖泥帶水〉
「Jessie！今晚傾莊喎，你黎唔黎做我下莊呀？」剛回到宿舍Lobby的Jessie又被宿生會的Raymond截住了。
宿生會的人雖然不多，但卻規定了必須有人輪流在Lobby坐著，務求當宿生有任何需要的時候，都可以找到宿生會的人。
而今天當值的剛好是Raymond。
「我今晚約咗人呀，唔好意思。」Jessie一臉抱歉地說。
「咁可惜！唔緊要，我地聽晚仲有第二次傾莊！聽晚黎到啦掛？」Raymond眉頭上揚，期待著Jessie的答覆。
「呃⋯⋯」Jessie猶豫著這次該找甚麼藉口推塘。
「其實你係唔係唔想上宿生會莊？」Raymond笑著說：「雖然我好想你做我下莊，但你唔想上都唔緊要嘅。不過上莊真係好好玩架，可以學到好多野，識到好多人，你唔上宿生會都可以諗下上其他莊呀。」Raymond一臉為Jessie著想的臉。
「話時話，你唔係仲係校隊黎架咩，仲上咁Chur嘅莊，唔忙咩？」Jessie不禁驚嘆地他的毅力。
「你又知我玩校隊嘅，你Stalk過我黎！？」Raymond發現新大陸地指著Jessie說。
「我無呀，我連你IG都無，係我Roommate話我知。」Jessie連忙解釋道，深怕Raymond想多了。
「係咪架⋯⋯」Raymond一臉不相信地看著Jessie，繼續說：「時間吱下就有架啦，唔趁後生Chur盡自己等幾時？唔想Chur都可以上 Hea D嘅莊，最緊要唔好晒咗D時間佢。你有咩莊想上都可以問下我依個哎組爸嘅意見。」Raymond熱心地說。
「好呀，多謝你。」
這時Jessie手機傳來James的信息，「我在你後面，快開門！」Jessie轉身一看，果然是James。
「我Friend黎咗我，我走先啦。」說畢，Jessie就跑了過去替James開門。
「頭先戈個邊個黎架？你地好似傾得好開心咁嘅。」回到房間，James把脫下Jessie前年生日送的米白色背囊，坐在Jessie床邊假裝不經意地問道。
「確！確！」這時突然有人敲起門，「Raymond呀，我方唔方便入黎呀？」Raymond在房門外叫道。
「你穩我咩事呀？」Jessie打開門，探出頭來。
「你無事呀嘛？我聽你好似大叫咗聲。」Raymond問道。
「無，我啱啱醒起之前同你借咗本芥川龍之介嘅書，咁啱又見到你啱啱返上房，咪順便拎埋黎。」Raymond用手撓了撓自己的頭髮。
「又會咁快睇完嘅，好睇嗎？」Jessie從Raymond手上接過一本黑色的書。
「我覺得好好睇呀，唔知係芥川龍之介文筆太好，定係譯嘅人譯得太好，我好鍾意D文句，仲寫到人性戈種醜陋，好值得睇！」Raymond一手摸著自己的嘴唇說。
「最近文化中心最近上緊佢套〈羅生門〉，好似都好好睇，你可以留意下喎！」Jessie雀躍地說，「我諗住今晚去睇！」
人話值得睇佢又話值得睇，都唔知係咪嘅⋯⋯咁啱傾，唔約佢去睇？James百無聊賴地滑著IG，眼卻完全沒留意螢幕的相片，心想著。
「好喎，我一陣上網睇下先，唔阻你啦。」Raymond揮著手離開。
「拜拜。」Jessie說完便關上門。
「好熟啦你地。」James不爽地說。
「你話Raymond？唔係呀，佢係宿生會D人黎架，咁啱經過傾下計咋嘛。」Jessie脫下鞋子，開始把背包的東西換進Michael Kors的啡色斜肩小袋，準備和James出去看舞台劇。
「你話，我去上莊好唔好？」Jessie說的同時，手正忙著把Kate Spade的酒紅色錢包、最新的AirPods、充電器、紙巾⋯⋯統統放進小包裏。
「上咩莊呀？」James盯著Angel的多啦A夢床鋪，不自覺地皺起眉頭，腦海浮起滿起身肌肉的Raymond。
「宿生會？唔知喎，D人話大學五件事，拍拖、讀書、Exchange、上莊、住Hall，好似要做晒5件先算係大學生咁。」Jessie正檢查有沒有帶漏些甚麼。
「Raymond戈個宿生會？唔得喎！」再次聽到與Raymond有關的事，James的心情馬上不好起來。
「嗯，有咩問題呀？你呷醋呀？」Jessie不明所以地說。
「我⋯⋯我無喎。」James突然掏出手機來滑，假裝並不上心。
「佢黎還書咋嘛，唔好咁呷醋啦。」Jessie哄上James旁邊，挽著他的手臂，才發現看著James手上握著的手機竟倒置了，而他竟懵然不覺，繼續滑著，分明就不是在看手機，不能自拔地笑了起來。
「你笑咩呀？」James看著笑得彎了腰的Jessie。
「你呷醋扮無野呀？手機都調轉黎睇。」Jessie嘗試平伏自己的心情，但還是忍不住笑意。
「我邊有呀，我係扮睇手機睇你會唔會發現。」James這時才驚覺自己把手機倒置了，眼睛頓時不知往哪看好，「咁你做咩無啦啦借書比人呀？」
「咁本書我都睇完啦，我身邊都無人睇芥川龍之介D書，難得穩到知音⋯⋯」Jessie還未說完就被James打斷了，「芥川龍之介呀嘛，我都識啦，又唔見你借比我睇。」
「咁你講呀，你睇過佢邊本書？或者邊個故仔啦。」Jessie知道，不愛閱讀的James從來都沒有看書的習慣，怎會看密密麻麻的散文小說？
「咁無啦啦佢點解唔問其他人借，係要問你借呀？」James不爽地問道。
James總覺得一個男女之間沒有純友誼，一個男人主動靠近一個女人，必定有所企圖。
因為，他也是男人，他明白男人都在想甚麼。
「叮！」Jessie的手機突然傳來信息，她輸入指紋解鎖，屏幕馬上浮現了Raymond的名字，Jessie正打算忽視它的時候，James竟替她按了進去，寫著：「我啱啱問我讀Drama個Frd，佢話Dra So有免費飛可以比我，我諗緊你會唔會想睇多次？」
滑上面還有其他對話內容：「你今日得唔得閒落黎呀？今晚我地有電影會喎？」、「下星期就係Secret Angel截止日期啦，你報咗名未呀？」、「聽日我地會有⋯⋯」
「點解佢會有你電話架？」 James本來已經不好的心情，在看到這些信息後，內心的小火山已準備爆發，「你去穩你個知音睇啦，唔洗我陪你睇啦。」
「住樓上樓下，有電話有咩問題？何況佢宿生會架，唔R下水吹點識晒全宿D人，點叫到D人落去玩呀？」面對James的質問，Jessie覺得自己根本沒錯，倒開始覺得今天的 James有點蠻不講理，漸漸收起了剛才的笑容，語氣變得強硬起來。
「咁點解佢唔問其他人睇唔睇，係要問你？」James突然站了起來。
「可能係因為咁啱我地都睇過本書咪問我囉，我點知佢姐？我又無應承佢話去！」可是也站了起來，開始反擊James：「你夠話落堂就黎啦，依家幾點啦？點解你琴日落堂唔穩professor，聽日唔穩，係要今日穩，搞到遲咗個幾鐘先到，唔通又一定有輘輷（境滾）？」
心虛的James無言以對。
「你唔應我，姐係心虛啦？」Jessie繼續狙擊James。
房間的氣氛緊張得彷彿快要開展第三次世界大戰。
「我返黎啦，咦，James你黎咗呀？」James沒有回應她，「拿，你最想要嘅舞台劇！」Angel興奮地從手袋掏出兩張門票遞到Jessie手上，
在這緊張關頭，Angel突然回來了，馬上感受到房間裏濃烈的火藥味，為免誤中流彈的她馬上說：「呀，我醒起我D紙巾咁啱用晒，我去買D返黎先。」
「你明明琴日先買完。」Jessie指著Angel的床頭櫃說道。
「算啦，我唔睇啦，我好攰，我想返屋企休息下。」James不帶感情，冷淡地說。
明明我都無錯！我比十秒時間你，十秒之內你氹返我，我就算數，Jessie心想。
十，九，八⋯⋯
James開始收捨物件。
六、五，四⋯⋯
James開始穿鞋。
三，二，一⋯⋯
James扭開門柄。
你唔係真係走，真係唔氹返我呀嘛？
James踏出房門，沒有一絲猶豫，爽快地離開了。
看著房門漸漸關上，Jessie的心像被甚麼抓了一下，被冤枉的感覺溢滿一地。
明明Jessie已經三番四次地拒絕了Raymond的邀請，明明每次活動，Raymond不僅僅邀請了她，還邀請了宿舍的其他人，明明她已經努力地解釋，明明每次主動她主動找 找James⋯⋯
Jessie突然掏出手機，賭氣地回覆Raymond：「好呀，幾時去睇？」，想了想，還補上一句：「今晚宿生會幾時開始傾莊？」
既然不能改變你的想法，那我就順著你的想法去做，倔強的Jessie心想。
「叮！」剛離開，James的手機傳來了信息的聲音，是Kay傳來的信息：「喂，你最愛嘅Avengers 2原來已經上咗，你睇咗未？」
連佢都記得我想睇Avengers 2，點解佢會唔記得？James心想。
走到Lobby，James又一次看到他討厭的Raymond，馬上回覆Kay：「今晚去睇？」
「好呀，去邊？」