【真人真事改篇】《有一種距離，是HKU和IVE仔的距離。》/《初戀2000天》: 第六章上 「得到同樣快樂 彼此亦有沮喪 童話書從成長中 難免要學會失望」 〈笑忘書〉

https://www.youtube.com/watch?v=x0PHJvrKTIg&loop=10&start=00:05&end=04:45
第六章上 
        凌晨十二點，宿舍的Lobby還是燈火通明，一群人正圍坐在茶几前，充滿笑鬧聲。驟看一看若有二十人，有的坐在茶几前的沙發上，有的坐在膠椅上，有一、兩個則站著。
        「好！話就話傾莊，不過今日第一日，大家都未熟，不如都係互相認識下先？」一位染了一頭金髮，戴著金絲圓框眼鏡的男生站在茶几前，熱情地和大家打招呼，「我先呀，大家玩大O嘅時候應該見過有條友成日揸住枝旗周圍揚，係啦戈個就係我，我係現任堂主Jacky，大家可以叫我Jacky！」
        「咩Jacky呀，叫佢矮仔得架啦。」站在他旁邊一頭金啡色頭髮、比他高半個頭的女生笑著說。
        那女生本身已不算高，大概1米65的樣子，Jacky站在她旁邊卻比她更矮。
有無1米6呢？Jessie看看Jacky旁邊的女生，又看看Jacky，忍不住猜度Jacky的高度。
        「拿拿拿，我知我唔高，但我只係唔高，其實我唔矮嘅OK？」Jacky解釋道。


        「係嘅，」Jacky旁邊的女生頓了頓又說：「矮仔，你介紹完就到我啦。我係副堂主Bonnie，我都有玩Ocamp架，我係齊組嘅組媽。大家好，大家有咩事都可以穩我，吹水都得架。」Bonnie站了起來，露出她那雙筆直又瘦削的長腿，笑起來眼睛都不見了。
        「大家好，我係Yanki，我負責⋯⋯」
        為了不浪費腦容量，Jessie再度開啟了她的放空狀態。
        「我係Raymond，負責康樂，平時大家飲嘅糖水就係我負責架啦，希望大家覺得好飲啦，又或者有咩想飲都可以話我知架。」Raymond站起來向大家打招呼，「好！到其他人啦。」
        Raymond笑看著Jessie，示意她是下一個自我介紹的人。
        「大家好，我係Jessie，讀緊文學院Year 1，平時鍾意睇下書，煮下野食咁。」心情其實不太好的Jessie露出假笑著說。
        「呃⋯⋯我叫Angel，係Jessie嘅Roommate，都係讀緊文學院，平時無野做嘅時候鍾意煲下動漫。」Angel托了托她那副黑色女幼框眼鏡，一臉腼腆地說。
        「大家好，我係⋯⋯」然後又是沒完沒了的自我介紹。
        大學就是這樣，尤其是新生，幾乎每天都在自我介紹或聽著別人自我介紹。看似認識了很多人，社交圈子瞬間擴大，但實際上，來得快，去得更快，漸漸你會明白，其實那些都不過是生命的過客。
        「好，大家都自我介紹完啦，好開心今日大家咁夜都肯黎傾莊，相信大家黎得傾莊，應該都係有興趣上依枝莊先黎嘅，咁就等我同大家講下依棟宿不為人知嘅秘密，大家再決定要唔要上啦。」Jacky突然收起他的笑容，Lobby燈光竟隨著他的話暗起來，只剩下茶茶上那盞殘舊的黃色枱燈。


        Jacky示意大家圍攏，大家本來已很貼近的肩膀變得更加緊密。
        「大家都知宿生會出名Chur，每日都要有人輪流係Lobby Fing，務求令各位宿生想玩嘅時候，都穩到人陪。」Jacky頓了頓，聲音愈來愈細，繼續說：「相傳，有一年嘅一晚，有兩位宿生會嘅成員坐咗係Lobby睇電視。仲記得陣係係重播緊皆大歡喜，你都知重播嘅皆大歡喜有幾好睇，睇下睇下，其中一個唔小心訓著咗，然後當佢醒返嘅時候，隔離戈個竟然唔見咗，成個Lobby得返佢一個。
        當時Lobby好似頭先咁光燦燦，其實就唔驚嘅，但偏偏佢坐咗好耐，另一個宿生會嘅人都無返黎，咁佢就打比佢啦，點知又無人聽喎，但佢隱隱若若聽到佢嘅電話鈴聲係廁所傳黎。」
        聽過不少鬼故的Jessie專注地聽著，本身並沒有很怕，但一向膽小的Angel挽緊Jessie的手臂，加上昏暗的燈光，Jessie也不禁緊張起來。
        「咁佢就估佢會唔會跌咗去屎坑啦，於是佢去咗去廁所穩佢。
        入到廁所，佢發現有一格廁所嘅門山埋咗，而電話鈴聲亦係係戈到傳出，咁佢就估佢個Friend應該係裏面，於是佢都順便去一去廁所，就走咗去隔離戈格。
佢一邊去，一邊話：『你去廁所同我講聲呀嘛，我啱啱仲以為你去咗邊添。』
        當佢去完嘅時候，先發現佢戈格無紙巾，於是佢又向隔離廁格嗌咗句：『哎呀，咁啱無晒廁紙，你唔可以係你戈格拎扯少少比我呀？』
        然後，隔離就碌咗成舊紙巾過黎，雖然佢覺得有D奇怪，明明佢只係要少少，做咩要碌一舊過黎呢？但人有三急，佢都無理多，就係地下執黎用，用完之後，佢仲未得切洗手，佢聽到出面有D敲門聲：『確！確！』。」
        大家都全神貫注地看著Jacky那煞有介事的樣子。


        「『邊個呀？』佢對住道門嗌，但無人應佢，換黎嘅係三下更加急促嘅敲門聲：『確確確！』。究竟係邊個呢？正所謂細思極恐，佢開始諗，依到明明得佢同另一個女莊員，如果有人入黎，道門咁舊咁唔順，一定會聽到吱吱嘅開門聲架喎，但我完全無聽到⋯⋯而女莊員就係隔離廁格，咁究竟會係邊個敲緊門？佢開始發現，廁門前面根本連影都無個，出面敲門嘅會唔會⋯⋯根本⋯⋯唔係人？」Jacky的聲音小得讓人快聽不見，可就是這樣讓人更加專心細聽，深怕錯過每一字一句。
        「於是，佢快快手抹乾淨，然後打開門，發現出面果然咩都無。」
        Angel愈挽愈緊，緊得Jessie也跟著Angel咽下口水。
「佢仲未黎得切心寒嘅時候，發現膊頭有人點拍咗佢一下。」
這時，有人拍了拍Raymond的肩膊。
        「呀！」Raymond被這突如其來的一拍，嚇得尖叫了出來，雙手抓緊Jessie放在沙發手。
Jessie也被這突如其來的尖叫聲和Raymond的手嚇得她馬上叫了出來：「呀！」
        「同佢講生日快樂呀！Raymond！」Bonnie突然從Jacky身後捧出生日蛋糕，大家才發現原來鋪了半天梗就是為了替Raymond慶生，開始為他唱起生日歌：「Happy Birthday to You⋯⋯」
        可被嚇得三魂不見七魄的Raymond頓時忘了要給甚麼反應，繼續握著Jessie的手。
        「哇哇哇，豆腐組爸，唔好借D耳抽組女水喎。」Kelvin的話再一次引起大家起哄。
        Raymond才立刻把Jessie的手鬆開。
        「拿！雖然我地係為咗同Raymond慶生先講依個故仔，不過，大家唔好以為個故仔係假架下，個故事係真架，我真係有試過半夜係Lobby聽到廁所傳黎D怪聲⋯⋯」
        「可能佢對矮仔特別有興趣姐。」被嚇的Raymond忍不住諷刺他。
        「攻擊我呀啦！」面對Raymond的攻擊，Jacky沾了點Bonnie手上的忌廉蛋糕，塗抹到Raymond臉上。
        Raymond也不甘示弱，連忙奪過Bonnie手上的蛋糕，追著Jacky。


        也不知Jacky是有意還是無意，竟躲到Angel背後，嚇得Angel大喊道：「救我呀，Jessie！」
        一個沒瞄準，Raymond便把忌廉沾到Angel臉上。
        Jessie馬上跑了過來，把Raymond的頭按了下蛋糕，替Angel報仇。
        當Raymond正打算把頭伸上來時，卻又被在場的其他人按回去。
        如事者好幾次，Raymond滿臉，甚至眼睫毛、鼻孔、頭髮都是白皚皚的忌廉，Bonnie還不忙替他在臉上多加兩粒士多啤梨。
        「你⋯⋯你好似D日本歌妓！」Jessie忍不住指住Raymond可笑的臉，笑了起來。
        Raymond看著一臉乾淨的Jessie，忍不住露出一臉邪惡的笑容，趁Jessie不注意的時候，把臉上的忌廉抹到Jessie臉上。
        「呀！」愛乾淨的Jessie當然難以接受這麼噁心的事，馬上追著Raymond，「你死得啦你！」
        「咩喎，今日我生日應該我話事架嘛。」籃球隊的Raymond，一個左閃和右避，加個假動作，Jessie便被丟了在後面。
        「你又話你籃球隊，呃人嘅。」Raymond忍不住得戚地站在乒乓球桌，對著正站在對面的Jessie說。      
        「你⋯⋯你唔好比我捉到你！」Jessie喘著氣。
        「好呀，追到請你睇聽晚套舞台劇，追唔到就你請！」Raymond拋下賭注。
        「好呀，驚你呀，Angel幫我捉住佢！」Angel聽命後馬上加入戰團。
        「Jessie我幫你！」微胖的Jacky聽到Raymond下的賭注後，也馬上往Raymond那衝過去。
        當Angel和Jacky快抓住Raymond時，Raymond一個靈活的假動作便甩開了他們，竟害他們撞在了一起。


        「啊！好痛呀」痛得Angel和Jacky都摸著腫起的額頭。
        看著他們笨拙的樣子，Jessie終於忍不住笑了出來，可就像被密雲掩蓋的太陽，Jessie縱然笑了，還是無法掩飾她內心的煩惱。

        記得中學的時候，他們也做過這樣蠢的事。

        那年17歲，那年Jessie假裝沒空陪James慶生。實際上，Jessie早就策劃要和James過一個畢生難忘的生日，要他永遠記住這個成年前的最後一個生日。於是，她特地叫James那些平日都不會和對方慶生的朋友，那天特意和到沙灘慶祝，雖然覺得有點奇怪，沒事去甚麼沙灘？可是，James也沒問甚麼，也就乖乖地跟著去。
        而Jessie則和她的好朋友Joey忙著一邊鋪沙灘墊，一邊擺出「17」這個造型的蠟燭陣，還要小心護著不要被風吹滅。
        「你對James真係好，幾時到我？」Joey呷醋地說。
        「乖乖乖，下次請你食大餐！」Jessie馬上安撫Joey說。
        「聽住先啦⋯⋯你對佢咁好，如果有一日佢對你衰，我地煎佢皮拆佢骨！」Joey盯著眼前的火光認真地說。
        「佢對我咁好，唔會嘅！」Jessie自信地插上最後一根蠟燭。
        良久，James終於來到Jessie為她精心而設的蠟燭陣，看著捧著蛋糕的Jessie坐在一個蠟燭陣前和她說：「生日快樂。」
        頓時，感動得說不出話來，因為那次是唯一一次這次多人和他一起慶祝。
        當他吹滅蠟燭，正感動得說不出話來說，他大概沒想過，他的兄弟竟把他的頭按到蛋糕裏去，忌廉還彈到Jessie的臉上。
        「你死緊啦你地！」James馬上拿著一糰忌廉追著他的兄弟跑。


        於是，蛋糕混戰便開始了。
        James說過那是他最難忘的生日，是中學回憶裏最耀眼的一顆流星，每想起來都叫他很是感動。
        Jessie總是記住他的話，心想哪天要替他再辦過一次這麼熱鬧的生日。
 
        「喂，你諗咩諗到定晒格？」剛洗好澡的Angel走進房間，喚醒了正坐在門邊發呆的Jessie。
        現在已凌晨三時，Angel和Jessie洗了好幾遍頭髮，才終於把剛才甜膩的忌廉都洗走，回到自己的房間涼著冷氣。
        「無呀，諗起以前James 17歲生日戈陣，都係搞到大家成面都係Cream，明明琴日發生嘅事，眨下眼我地已經考完DSE，讀緊U，⋯⋯好似好多野都變咗。」Jessie突然感慨起起，「你話係咪？」
        「Come On Jessie，你唔好成日掛住以前嘅野啦，你得18歲咋，我地要move on！」Angel頂著濕漉漉的頭髮，著在發表偉論似的，激昂地揮動自己的手。
但，我好想返番以前，Jessie心想。
        Angel見Jessie沒甚麼反應，一邊抹著頭髮，一邊繼續說：「你都未同我講你今日同James究竟發生咩事，做咩最後唔去睇我咁辛苦幫你R返黎嘅〈羅生門〉？仲拉埋我去玩傾莊，你明明話唔上莊架。」
        「唔好提啦，我都唔知發生咩事，一講起Raymond同上莊佢就嬲到炸咗咁。」Jessie牢牢地盯著手機屏幕，心想：咁夜都唔穩返我⋯⋯
        「佢呷醋咋？」Angel拿起衣架掛起印著多啦A夢圖案的浴巾。
        「我都以為係，我仲拉住佢手臂哄佢，點知一D用都無，佢仲好認真咁唔比我上莊，仲發脾氣咁走咗！」Jessie愈想愈生氣，可手機還是一點消息都沒有。
        「佢⋯⋯會唔會無自信咋？」Angel猜想著。
        「下？無啦啦做咩無自信？」Jessie不解地看著Angel。


        「戈陣呀，當全世界知道你DSE成績係佢Double分數嘅時候，全世界都笑佢就係〈Come On James〉男主角，如果我係佢，聽到你係U有人追，仲話要上莊，正所謂鞭長莫及，對手仲要係HKU種子級選手，我係佢都驚啦。」細心的Angel看著自己開叉的髮絲嫌棄地說。
        「唉，明明D人話入到U就會好開心，點解我會覺得中學好似仲開心D？」Jessie拋下手機，躺在床上，看著天花板說。
        「係你依D傻仔先信入到U就會開心，D大人講黎呃你努力架咋！」Angel拿起風筒，「到最後，你會發現永遠都係前一個階段嘅好D架，最好返番BB仔戈陣，日日食痾訓，等聽呀媽講〈三隻小豬〉添。」
        Angel開始吹頭，傳來一陣噪音。
        「唉⋯⋯好煩呀！唔諗啦！」習慣逃避的Jessie選擇用被子蓋過自己的頭，彷彿這樣就能把所有煩腦蓋住，獲得一覺好眠。