【真人真事改篇】《有一種距離，是HKU和IVE仔的距離。》/《初戀2000天》: 番外篇2-2 「饒恕我依然麻木對抗 總對她尚存寄望」 〈原來她不夠愛我〉

番外篇2-2

「登！」這時，電腦竟響起了Facebook的通知聲，是Jessie，她竟回覆了Alan，雖然只是簡單一句「Thanks」，但就像是在乾旱的沙漠裏看到綠洲，即使只是一小塊，已叫Alan興奮不已，馬上放下了手機，回覆：「無呀，都係食飯。」「最近有D忙。」「一係今個星期六？」「咁算啦，得閒再食。」

Alan開始糾結。

整整一年沒見面，Alan很好奇Jessie過得怎樣，可那天偏偏又是他和Bella共渡的第一個生日。

掙扎了半天，Alan回覆：「你唔得閒可以唔食架喎。」「好。」「無咩所謂。」「好呀。」



星期六當天，Alan陪Bella去了一間海景酒店吃自助餐。

「哇，依到好靚呀。」Bella看着銀光閃閃的海景說道。

「係呀，我突登Book依個位架。」

事實上，不過是酒店經理眼見人不多，才把這極佳的海景位置給了他們。

坐下不久，Bella便喜孜孜地出去拿食物了，這是，Alan把禮物的盒子放到Bella的椅子上。



「咩黎架？」Bella拿着裝滿刺身和海鮮的碟子回到座位，驚喜地問道。

「你嘅生日禮物囉。」

Bella馬上放下碟子，小心翼翼地拆開盒子外銀色的包裝。打開盒子，是一條銀色的天鵝項鏈。

「哇，好靚呀，你幫我戴呀。」Bella高興地說。

Alan走到Bella身旁，親手為她戴上項鏈，說：「好靚，好襯你。」



「真係嘅？」Bella拿起手機，打開相機，嘗試從前置鏡頭看清這條項鏈。

乘着Bella的好心情，Alan說：「Bella呀，對唔住呀，我今晚有D事，陪唔到你啦。」

「有咩事？」

「Peter失戀，我地約咗今晚去佢到陪佢。」

「但今日我生日，你遲D先陪佢唔得咩？」

「難得今日星期六大家都得閒，最多我遲D補償返比你。」

「唔得，我要你陪我。」Belle的臉色開始變了。

「唔好咁啦，最多一陣你想做咩我都陪你啦，然後聽日、後日、大後日都倍住你好無？」



「唔得，我要今日，你今日全日都要陪我。」

「唔好咁啦。」Alan開始不耐煩。

「咁姐係Peter重要過我啦？」Bella皺起眉頭問道，剛的笑容都消失得無影無蹤。

「唔係，咁我依家都陪咗你，點解今晚唔可以搵佢？」

「你一係揀我，一係揀Peter。你揀Peter嘅，咁你依家就可以去搵佢。」
「你依家咩意思？」

戰爭的煙硝味開始彌漫在二人之間。

「我生日你都唔肯同我過，你仲好意思問我咩意思？」



「我唔想同你嘈，算啦，食野啦。」

就這樣，二人沒有再說過話，這頓飯緊張得像一戰結束後的巴黎和會一樣，讓人如坐針氈，恨不得馬上完結。

飯後，Alan帶了Bella去看電影，還去了吃甜品，可是途中二人依然一句話都沒有說過，彷彿沉默才是最適切的語言。

終於，時間來到傍晚六時，和Jessie約定的時間快到了。

「Sorry呀，我真係約咗Peter，我聽日再去搵你呀。」

「你去咗就唔好返黎搵我。」Bella撂下狠話，卻沒有改變Alan的決定。

Alan還是轉身離開了，沒有一點猶䂊，因為他知道明天一定能哄回易哄的Bella。




「Sorry呀，頭先無車所以遲咗，你等咗好耐呀？」Alan說。

「唔係呀，到咗一陣咋嘛。」Jessie說，臉上沒有一絲笑容，和第一次見面時一樣「西」，卻又叫Alan感到懷念。

一年不見，Jessie的衣著打扮比以前好看了，而Alan也瘦削了不少，頭髮也燙捲了，當初的「毒L」樣子不再復見。

「行啦，我地入去啦。」Jessie說。

二人走進壽司店，坐了在一個角落的位置。

「你想食咩？」

「你想呢？不如嗌依個期間限定？」Jessie看着餐牌快要流口水了。



「好呀，我都可以。」

「咁不如嗌埋依個吞拿魚軍艦？仲有依個⋯⋯」

一年不見，Jessie還是一樣貪吃。

過了一會兒，Jessie點的三文魚盛宴、呑拿魚軍艦、鰻魚飯、軟殼蟹脆卷⋯⋯放滿了整個桌子。

哇，食唔食得晒架，Alan心想。

看着滿桌美食，Jessie拿起手機來拍照。

「哇，最新嘅iphone喎，真係有錢啦。」

「我部手機？唔係我買架，我男朋友送比我嘅。」Jessie甜滋滋地說。

男朋友？係咪James？Alan心裏這樣想，卻不敢問出口。

「你男朋友對你咁好嘅。」

「好？如果送iPhone就係好男朋友嘅，咁佢的確好好嘅。」Jessie臉上浮現一抹複雜的笑容。

「你咁講姐係佢其實唔好啦？」

「睇你點睇啦，可以話好，都可以話唔好。」

「姐係點？」

「你覺得呢？就咁睇我個樣，你覺得佢似係對我好定唔好？」

「你睇落⋯⋯肥咗，」一年不見，Alan說話還是一樣討厭，繼續說：「係咪過得太幸福搞到幸福肥？」

「係呀，係咪唔抵得？」Jessie沒好氣地說。

唔抵得？Alan心裏重複Jessie的說話，感覺有點奇怪，奇怪自己竟沒有想像般妒忌，再見Jessie，也沒有想像中的興奮，也不再有當初春意滿溢的感覺。

為甚麼會這樣？Alan疑惑。

「唔抵得你肥咗呀？」

Jessie終於忍不住反了個白眼。

「講笑姐，唔係咁易嬲呀嘛。」Alan頓了頓，續說：「係呢，你係咪仲成日同人補習？」

「係呀，你呢？你讀緊咩？」說罷，Jessie夾了一件三文魚壽司放進口。

「Asso咋，Asso仔呀。」Alan嘗試以輕鬆的語氣說出自己的慚愧。

當初，他說過他一定會為了她升讀大學，最後，他還是失敗了。

Alan慚愧，卻也慶幸自己無法升讀大學。

「Asso有幾閒呀，好易升返U姐。」

「係咩？」Alan苦笑，嘗試岔開話題，說：「係呢，讀U忙唔忙？你係咪又Chur緊Paper？」

「係呀，一陣返去又要做Paper啦。」Jessie又夾了一件呑拿魚壽司。

「係咪好多Paper要做？」Alan問道。

「係呀，你呢？」

「我都係。⋯⋯」

Alan突然發現他們對話的內容不再像從前，談的不再是生活的細碎和煩惱，而是各自的近況。

Alan總感覺這不是在聊天，只是在變着法子寒暄，把「你好嗎？」、「我最近很好。」以不同的方式演繹出來，使他感覺Jessie與自己的距離好遠，甚至眼前人好像不是Jessie，才讓他感覺這樣陌生。


吃過飯後，二人去了Jessie從前最愛的那間甜品店。

「唔該，要兩碗芒果鮮奶蛋白。」

「收到。」老闆娘殷切地說。

看着餐廳裏新裝潢，Alan不禁感嘆起來，說：「估唔到，依到竟然變咗咁多。」

「變咗好耐啦，你好耐無黎過咩？」

自從沒再為Jessie買糖水後，Alan就再沒來過這裏。

「你嘅芒果鮮奶蛋白。」很快，甜品便到了，店員把兩碗甜品放到桌上。

看着黃澄澄的芒果和白皚皚的椰汁，Alan想起當年Jessie吃得嘴角都是的狼狽樣子，還想起自己曾趁Jessie不在意時偷吃她的蛋白。

抬起頭，看着坐對面的Jessie，還是一樣，嘴角還是沾上了芒果和椰汁。
然而，明明是同一張臉，Alan的感覺卻不同了——他不再覺得她可愛。

相反，他覺得Bella更可愛。

拿起勺子，Alan盛了一口芒果鮮奶蛋白放進口裏。

好酸！Alan皺起眉頭，說：「明明嗰陣無咁酸，好甜好好食架。」

「唔係呀，不嬲都係酸酸地架啦。」Jessie又嚐了一口說。

再試了一口，Alan還是覺得味道不同了。

究竟是甚麼不同了？Alan想不通，卻還是吃完了這碗甜品。

踏出甜品店，Jessie的男朋友竟來了接Jessie。

「我男朋友黎咗接我，我走先啦。」Jessie說。

「喔，拜拜。」

看着Jessie牽着她男朋友的手，Alan竟也沒想像中的難受。

Alan好像突然明白了芒果變酸的秘密。

那時，芒果之所以不酸，不是因為它真的不酸，只是因為他的焦點都在Jessie身上，才感受不到。

是Jessie把酸溜溜的芒果變甜了。

如今的Jessie卻失去了這種能力。

原來他愛的，是回憶裏的Jessie，是那份回憶，原來一直都是他自己畫地為牢，卻不知自己早已刑滿，不再困囿在那座自設的監牢裏。

突然一種滿溢的罪疚感在Alan的心底蔓延。

Alan回到甜品店，向店員問道：「有無好似蛋糕咁嘅野，可以插蠟燭？我想買黎同我女朋友慶祝生日。」
----------
多謝大家一直以黎追文，好唔捨得個故事完結！
遲D會出依個故嘅前傳（Jessie&James中學嘅故事）
希望大家會繼續追睇:)
都歡迎大家Follow我IG：@jessie_lannn
傳送門：https://www.instagram.com/jessie_lannn
得閒會更D隨筆/短文～
再次感謝大家！！