我靠國難雄起了！: 先有口罩者為王

我叫趙敏源，很快三十歲了，自從考完DSE之後，就沒有打過長工，每次都等不及老闆開除，我就會自己辭職，三百六十行，差不多做過一半，賣衫賣鞋、跟車送貨、外賣仔，酒店炒散什麼都做過一通，這種生活大概都過七、八年，識過好多人，學懂很多以前讀書時候沒有機會學到的東西，但直到現在，父母對我都不敢有期望，好在，我不是家中獨子⋯⋯上有傑青哥哥，下有女神妹妹，所以我以往在家的存在感都極低，一般好事都不會輪到我，但這種生活過久了，我開始有怕了，因為除了經歷以外，我似乎什麼也沒有得到過。每日返工放工，無積蓄，無理想，無車無樓，最重要是無女朋友，每當過年的時候，近幾年，哥哥和妹妹搬出走之後，我就成為父母重點照顧既對象，一返到屋企，父親就會問：「阿源，食過飯沒有？」「吃過了，剛剛下班的時候與同事一起吃的。」吃過就好，但可不要天天都在外頭吃，很多味精，容易害病，你爸我當年就是因為天天與即食麵為伴而得糖尿病，高血壓，你現在就得開始注意身體，現在外面肺炎傳得很厲害，你就正正經經搵份寫字樓工返下啦，唔好通街走啦，通街走都唔見你搵得多。」得啦，得啦，我有分數啦。你又唔係唔知我性格，細細個就已經坐唔定，放心啦，我會自己小心架啦，對了，我弄了幾盒口罩回來，先放這裡，你們出門記得戴上。」「這，你是從那裡買這麼多口罩回來的，現在外面的口罩比金條還要稀奇，我看新聞，前天有一家良心藥房開賣口罩，人們都通宵排隊輪候，你昨天沒回來，你不會是去那邊排隊買回來的吧？不過也好，你總算為這個家做了點貢獻，我問過阿泉和阿萱，他們今年一個到日本，一個到歐洲旅行都說當地已買不到口罩了，我正急得不知如何是好。」「老竇，你要幾多盒啊，我識朋友可以穩定地供應比我地。」「下，真係？前幾日，二姑媽、四姑姐同三舅父黎拜年都問我有無口罩可以比佢地應急，宜家唔使再煩啦，聽日再拎多幾盒，過幾日送過去比佢地，你同我一齊去啦，衰仔，原來你都有啲用，聽晚有無時間一齊食下飯，開返枝紅酒，我下廚煎返兩塊牛排，食返餐好既。」「夜啦，早啲訓啦。」「好，早抖，老竇。」同佢吹多兩句，我又返到我既「安全屋」繼續食雞。去到各個親戚屋企，對白基本上都差不多「阿源，你點解咁叻，搵到咁多口罩？」「你地唔好讚佢啦，邊到叻啊。」老竇刻意低調，但當刻，我看著父親閃閃發光的眼神，我忽然有種畢生未有的感覺，似乎，這個家終於需要我了，但老竇從來無問過我，啲口罩噝邊度黎⋯⋯做咗三十年人，我終於開始找到自己的價值，今年，我真的行運了，世界終於不用車、樓、家用來定義成功了，佢地終於無問我，返咩工，搵幾錢，廿幾三十年前老竇後生既年代，有張香港身份證，你就成功啦，宣家成功門檻更低，有個口罩，你就成功啦，唔知出年，仲有無運行呢，不過唔緊要，起碼，我好安全咁過咗今年⋯⋯我係廢青，我係烏蠅，我仍然無車無樓無女朋友，但因為我有口罩，我做咗一年精英。