甲賀奇俠: 51.單純的強大

「刷呀呀呀！！！」

鐮鈎橫揮擊向美波，威力比當時千鳥和克哉戰鬥所用的更強數倍

只是揮動產生的氣流，也可以使殺手傘後的美波感到刺痛！



「砰刷刷刷刷刷！！！！！！！！」





鐮鈎威力之大，竟能將殺手傘割出一條裂痕



「你呢把遮，比我想象中硬淨..」



「..竟然可以..將殺手傘打穿？！」





能作完美防禦的殺手傘竟在大鐮鈎下崩塌，就連克哉也大感驚訝

「無左殺手傘既話，山內就只會更加危險..」



克哉無計可施下，唯有繼續進攻

「山內，退後！唔好再用殺手傘擋佢既攻擊！」








即使克哉正要用脇差刺中自己背面，但三船竟頭也不回

右手擺後，用打刀擋下克哉的背刺一擊！


「噹！！！！」

「咩..話！」


三船馬上進行反擊，收起鐵鍊，轉身用斧頭直砍克哉頭頂








「呢個距離...」

克哉馬上使出縮地步法，壓下身子以達到高速移動

剛好避過三船的斧頭一擊


「要暫時牽制住佢..」


「吱！吱！」





克哉再次放出白橡膠，試圖限制三船的行動


但這次，三船完全沒有迴避的意圖


「你呢種白橡膠，只有響發射後接觸到物體先會產生黏力」

三船沒有一絲表情，冷冷叫道


「即係話，響佢產生黏力之前，改變佢既軌道...」








「...唔通！！！」

克哉已經察覺，三船的計劃！




「颯！！！」

三船再次放出斧頭鐮鈎，輕輕一揮

由於鐮鈎的強力氣流，白橡膠竟因這一揮改變方向







而白橡膠現在射向的位置，正是...


「啊！！！」

白橡膠黏著美波的雙足，馬上發揮強大黏力，使美波無法動彈


「山內！」

即使克哉已經察覺，但自身和美波仍有距離，自然無計可施



這次三船的反擊實在太快，不算是正式忍者的美波也無法作反應！

「老師！我...我郁唔到呀！！」




「依家..咁就易辦啦」

三船比克哉更接近美波，瞬間已經來到美波眼前



「刺！！！」

三船用打刀使出一記直刺，直接將殺手傘刺穿


「嘩！！！」

美波及時退後，避免被打刀刺中



「咩...話！！竟然..直接將殺手傘打穿！！！！」





「老..老師...穿..穿左呀...！！！」

即使美波心知不妙大叫，但沒有使三船停下


「刷.刷..嘶嘶嘶嘶嘶！！！！」

三船擺動手腕，一秒就將殺手傘斬成碎片




失去保護傘，美波望住眼前的三船

竟感受到前所未有的恐懼！


「弊..弊啦...」

此刻的美波，根本動彈不得



三船，已經逐步逼近！

「無左把遮..你仲做到啲咩？」



「老..老師！！」


「山內！！！」

為救美波，克哉邊跑邊將左手的儲電打至自己身上，提高自己速度

「踏踏踏踏！！！！！」



三船高舉打刀，向美波頭上一揮！



「刷呀！！！」

趕時來到的克哉為保美波，即刻來不及揮刀，也用自己的左前臂硬硬吃下這一招


三船這一刀威力強大，將奇俠戰衣上的護甲和儲電裝備一口氣斬破，還深深砍中克哉的左前臂


「吱！！！！！」

儲電裝置一被破壞，電流馬上放出



「嗯..？！」

三船被電流攻擊，雙手一時間麻痹！



「踏...」

克哉左足用力，將自己剎停


「老師！！」

美波望住克哉受創的左手：「你..你隻手..」


「我無事...」

但克哉，自知今次大事不妙！





「呼..甲賀奇俠果然難對付..」

三船忍不住稱讚克哉：「知道自己趕唔切揮刀，所以用左手黎擋左我呢一擊」

「特登令電流裝置比我破壞而達到反擊既作用，仲成功令自己拉開距離..」



「佢既電流..差啲令我頭先揸唔實把刀，好彩...」




「依家無左電流裝置，爆炸粉同白橡膠都得返好少」

克哉不斷想著計策：「而山內身上只係得返吹箭..如果我打遊擊戰法，只會令佢更危險」

「雖然話今次既目的只係為左救結城老師，但係...」


「對住個咁既對手，根本無可能全身而退！」





「！！」

眨眼間，三船再次閃到兩人面前！


「山內退後！」


克哉一手以脇差擋格，一手向後將美波推開

「噹！！！」

受傷後的克哉，力量上進一步被三船壓倒，虎口開始劇痛


「受左傷仲可以擋到我既刀，唔錯..不過」

三船以左手再度甩出鐮勾斧頭，揮向美波！




「可惡..！」

克哉左手拔出白橡膠槍，向斧頭的鐵鍊發射



「吱！！！」

白橡膠將鐮鈎斧頭黏至地面上固定



三船當機立斷，鬆開左手上的鐵鍊

轉以雙手持刀！


「...弊！」


「噹呀！！！」

三船一口氣以雙臂之力，將克哉打至硬直，脇差更從腕中甩出！


克哉，一瞬間變得中門大開！！！



雙目猶如野狼一般的三船，刀尖已經指向克哉！

「再見，甲賀奇俠」




「！！！」

一束紅光，擊向正在半空中的脇差



「哼...」

三船一發現這紅光，馬上閉眼收招退後



「吱吱吱吱！！！！！」

多發苦無飛向三船眼前，全都投影著紅色閃光



「係機會！」

克哉襯著三船閉眼一刻，重新執起脇差，繞到側邊，右刀揮刀斬向下脇


暫時失去視力的三船，靠著超人般的感應，以斧頭擋下克哉偷襲


同時，紗理依也手執苦無，衝向三船


「想夾攻我？！...咩話！？」

三船正要舉刀之際

右手正被白橡膠槍黏著！


三船張開右眼，卻發現

白橡膠槍，正在美波手中！

「咩...咩話！？佢一早已經將白橡膠槍比左個??妹！？」


「刷！！！！」

紗理依從身後拔出剛才百鬼眾所使用的鐮勾，成功砍中三船右肩！



「嗚...」

三船先退數步：「以免我及時將白橡膠甩開，所以用攻擊距離長既鐮勾先發制人..果然聰明...」




「紗...紗理依！」


紗理依也來到克哉身旁

「三...船！！！！！」



摸住右肩上的血，三船竟露出笑容

「估唔到你地可以打得贏三太夫，睇種你都進步唔少喎」


「想為你爸爸報仇既話就黎啦，大小姐」