我等咗一陣之後就默默行番課室拎書包走,我企喺我嘅座位前,我緩緩望向方芷諾嘅座位,然後邁步行向嗰個位置

我伸手放喺佢嘅枱面上,指尖喺光滑嘅木質枱面上游走

腦袋中忽然空白一片,我感覺到自己嘅腦袋被一道白光包着,光到一字一句,即使係零星嘅記憶片段都睇唔到

諗起方芷諾,仍然難以掩蓋心中嘅心動,臉頰都開始熱起嚟

我微微耷低頭,望住書枱



「我最終都係冇講到出口。」我喺心中夾雜著抱怨嘅聲線對自己講道,「就差少少…」

喺一個比平日沉重嘅深呼吸之後,我收回手,邁步走向課室門口

喺行出課室之後,我將課室嘅門閂上,手仍然握着門柄,我輕輕合上眼,偷偷許咗一個願之後就睜開眼,然後頭也不回咁離開

估下我許咗一個咩願…

我唔知道我呢一個願望會唔會有實現嘅一日,不過我希望喺某一日可以願望成真…





其實放咗學已經有一段時間,我冇即刻番屋企,只係周圍行下,但無論行到去邊都好,我都好似冇咩心情一樣

「芷諾你有冇聽到我講咩呀?」

我聽到靜愉叫我,我即刻回神過嚟望向靜愉

「你發咩呆呀?你有冇聽到我啱啱講咩呀?」靜愉輕皺起眉頭,少許不滿咁望住我



「你啱啱講咩呀…?對唔住我冇聽到…」我擠出笑容,一臉抱歉咁望住靜愉笑咗一笑

我拎起銀色嘅甜品匙羹,微微低頭望住放喺我眼前嘅朱古力聖代雪糕,默默咁收起咗笑容

「呢間甜品屋嘅甜品你唔係一直想試㗎咩?做咩仲係悶悶不樂咁?」靜愉食咗一啖雪糕

我冇出聲,呢間甜品屋我一直都想嚟試,但之前一直都冇時間,所以只好宜家先嚟

但我完全興奮唔起,我望住眼前嘅聖代,笑都笑唔出…心情就好似被蓋上一層灰濛濛嘅霧一樣

「放暑假啦喎,仲有嘢要擔心咩?你又派到你想讀嘅科啦,成績都出咗好一段時間啦~」靜愉講道

「唔係…唔關成績事…」我就好似做咩啲咩心虛嘅事一樣,唔敢抬頭望向靜愉

「咁係咩呀?」靜愉問道



「我講咗一個大話…」我抬眼望靜愉,靜愉托住頭,手中拎住匙羹,定睛地望住我,「其實,我冇完全放低佢…我仲有少少在意、少少中意…但啱啱喺學校,我怕佢又會好似上一次咁唔小心聽到我講嘅嘢而知道,我唔想再冇面多一次,再比人拒絕多一次…所以我先話我唔再中意佢…其實唔係咁…我冇心講大話,對唔住。」

「唔洗講對唔住喎~」靜愉對我笑咗一笑,「中意佢又好,唔中意佢都好,其實去到最後都係你嘅決定嚟,唔係咩?咁你宜家唔通會想搵佢同佢講?你都係想默默咁繼續中意佢㗎啫~」

靜愉果然好了解我嘅想法,我的確唔會再鼓起勇氣上前同葉子朗講我中意佢,所以我都係等,等到某一日我唔再中意佢…

「其實你係咪預咗同佢唔會有結果?」靜愉忽然咁樣一問令我有啲意外,不過呢個問題嘅答案一早就已經喺我心底

「我地都冇開始…」我托住下巴望向喺店鋪外面行嘅行人,「又點會有結果…?」

我都唔知自己個心諗緊咩…對葉子朗,我都唔可以完全好肯定可以點,但我只係覺得既然人地都唔中意我,咁我都唯有放低,呢個係我最後可以做嘅嘢,唔打擾係我最後嘅溫柔

「佢拒絕嘅時候咁狠心,我就知道唔會有機會。」我收回視線,視線再一次落喺眼前嘅雪糕上,「不過都唔緊要啦,反正日子會過去的…」





葉子朗走喺路上,方芷諾喺甜品店,兩人各自喺唔同嘅地方,卻藏着同一份心事

記起比對方吸引到嘅第一眼、第一個感覺

記起拒絕同被拒絕嘅一刻,心中嘅不耐煩、難受

一切就好似走馬燈一樣喺腦海中閃過

各藏心事嘅二人,錯過嘅二人


[愛情甜故]因為一次睇到佢打飛機,所我地變咗做炮友 傳送門Link:https://www.shikoto.com/i/Or2



IG Link: https://www.instagra.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link