[無糖故]我既女神係樂隊既主音: 第十七章
星期二，得知慧同立暉喺埋一齊嘅第二日，我唔知咩原因病左，請左病假。
瞓喺床上面嘅我一直都喺度回想一開始認識開朗樂觀嘅慧，同琴日對我極度冷淡嘅慧。
一切都係我嘅錯，明明我同慧相處嘅時間入面，我可以表白嘅機會實在太多太多。可惜我一直過唔到自己果關，先落得如此下場。
我望住一直放喺我床邊嘅結他，我竟然第一次對結他感到厭惡。
甚至起左想將佢扔左去嘅念頭。只不過，呢個念頭好快就消失左。失敗嘅只係我，唔關任何野事。與其怪責其他野，倒不如怪責自己當初點解唔勇敢啲，向慧傳達我嘅心意。
我將自己埋入被窩入面，希望可以抱頭大睡。只可惜，一閉起雙眼就諗起慧微笑嘅樣，再諗返起現實..真係好悔恨啊..點解現實唔可以回到過去？
只可惜，呢套唔係《求婚大作戰》，我終歸要面對現實。
「現實真係殘酷，哈。」瞓唔著嘅我唯有爬起身，攞起枝結他黎彈，嚴格啲黎講，我只係亂咁掃。
攞起枝結他漫無目的咁掃，亂咁掃啲雜音出黎。就好似當初唔識彈結他嘅我咁樣，即使依家我已經對結他頗為熟練，但亂掃嘅目的我都解釋唔到。
可能係情緒嘅宣洩。
我打開窗簾，望住冬日嘅太陽照射住大地。
「哈，估唔到今日咁好天。」望住冬天難得一見，晴空萬里嘅藍天，我竟然流起眼淚上黎。
我苦笑住咁抹乾眼淚。
「慧，我真係好鐘意你...」
－－－－－－－－－－－－－－－－－－－－－－－－－－－－－－－－－－－－－－－－－－－－－
喊到攰嘅我不知不覺瞓著左。到瞓醒嘅時候已經係下晝兩點。一醒左嘅我只係呆呆咁坐喺床上面，冇動力去做任何野。
就連臉頰上面嘅淚痕都冇抹到。
突然，我嘅房門打開左，我覺得好奇怪，因為呢個時候，我父母應該都返左工。
房門打開，原來係老豆。
「嘩衰仔，你搞乜黎呀。你喊過黎？」老豆手上攞住個膠袋，入面睇黎裝左碗粥。
「老豆？你唔使返工咩，你做咩咁早返黎嘅。」我即刻抹走啲淚痕。
「你阿媽話咩你病左，佢又忙到行唔開，咪叫我請半日假黎睇住你囉。睇你個款都未食野架啦，呢度有白粥啦，岩你呀，出廳食啦。」老豆行左出廳，我唯有落床。
「衰仔做咩無厘心機，做咩呀？失戀呀？」老豆一睇到我就知我咩事，但係我都唔好意思應佢。
「男人老狗為愛情喊幾無謂呀，失戀姐，有邊個未失過？」我老豆鼓勵我，但我完全聽唔入耳。
「黎唔好咁唔開心，你快啲食完碗粥，同你玩啲開心野。」
「開心野？咩開心野。」
「JAM歌囉，你個衰仔之前咪買左一枝木結他同一枝電結他嘅，我地兩仔爺一人一枝JAM下歌，仲唔過癮？」之前買左木結他冇幾耐嘅後來，我又買左枝電結他，係只不過當時比阿媽鬧哂錢。
我只係輕輕搖一搖頭。
「做咩呀，怕醜呀？黎啦怕咩醜！黎，講。你玩木結他定電結他，我就你。JAM咩歌都就哂你。」我老豆即刻行入房拎左我果兩枝結他出黎。
原本冇乜心情嘅我都比我興致勃勃嘅老豆引起左興趣，指住枝木結他。
「嗱咁你玩木，我玩電。咁你想JAM咩歌？」我老豆攞起枝電結他喺度彈。
「你諗啦老豆..冇乜idea喎。」
「見你咁灰，一於玩首開心啲嘅，黎啦比部電腦黎。」冇耐佢就用我部電腦search佢想搵嘅歌。
「呢首啦。」我老豆指住個mon，我望一望個歌名。
「喜氣洋洋 - 徐小鳳」
「你玩野咩老豆！」我差啲比我老豆激死，但我終於比我老豆氹到笑返。
「衰仔笑返咪好囉。呢首唔岩第二首！」我老豆望一望我就繼續search。
「呢首我飲歌，實冇死。」我老豆再指住個mon。
「張國榮嘅風繼續吹..？又話玩開心歌嘅。」
「好聽就得啦。JAM歌緊係玩啲好聽嘅歌先開心架嘛。我後生果陣好鐘意呢首歌架。黎啦呢度有埋結他譜添。」
「好喇，好喇。」見到老豆睇落咁高興，我都慢慢開心返。
－－－－－－－－－－－－－－－－－－－－－－－－－－－－－－－－－－－－－－－－－－－－－
「黎喇喎。話哂今次都係我地兩仔爺第一次JAM歌，要做得好好睇睇喎。」經過大約九個字至一個鐘嘅練習之後，我同老豆都大概熟練個譜。
「得喇得喇。」我。
「咁開始喇。」老豆示意我開始。
http://www.youtube.com/watch?v=EfLNHQ9BoBI
.
.
.
「我勸你早點歸去 你說你不想歸去
只叫我抱著你
悠悠海風輕輕吹冷卻了野火堆
我看見傷心的你 你叫我怎捨得去
哭態也絕美
如何止哭 只得輕吻你髮邊讓風繼續吹
不忍遠離
心裡極渴望 希望留下伴著你
風繼續吹 不忍遠離
心裡亦有淚 不願流淚望著你
過去多少快樂記憶 何妨與你一起去追
要將憂鬱苦痛洗去 柔情蜜意我願記取
要強忍離情淚 未許它向下垂
愁如鎖眉頭聚 別離淚始終要下垂
我已令你快樂 你也令我癡癡醉
你已在我心 不必再問記著誰
留住眼內每滴淚 為何仍斷續流默默垂...」
.
.
.
大部份時間都係我老豆負責唱，老實講，其實我老豆歌喉唔錯，加上佢手結他亦都冇生鏽，難怪佢當年做到樂隊入面嘅結他手。
「點呀唔錯呢。你老豆我唱得幾好呀可。」
「係唔錯嘅。」我不得不承認。
「咁到你喇喎。岩岩我唱咁多，依家到你做主唱喇，你揀歌啦。」
「吓？我呀。」一時之間我真係諗唔到唱咩歌。
突然，我腦海靈機一觸。
「老豆，你有冇聽過伯樂？」
「有呀，好出名架喎。伯樂揀千里馬丫嘛。」
「唔係講故事呀，係講歌呀。」
「伯樂嘅歌？真係未聽過喎。」
「你聽下啦。我依家真係想唱呢首歌。林宥嘉嘅『伯樂』。」
「好啦..見你咁想唱，我就聽下咩黎啦。」
「等你喇老豆。」
－－－－－－－－－－－－－－－－－－－－－－－－－－－－－－－－－－－－－－－－－－－－－
「OK呀可..老豆。」我握實手上枝結他，隨時預備開始。
「OK。」我老豆彈起前奏。
我閉上眼睛，深呼吸。
「呢首歌送比你..慧。」
http://www.youtube.com/watch?v=Q8XCxvpMYKQ
.
.
.
「愛妳的那一個 傷妳的那一個
誰才是妳愛情中的伯樂
放棄了這一個 然後等待著下一個
最後哪一個 讓妳最捨不得
感謝不能讓別人來說
妳給過我的 她們是做不到的
那時候的幸福是真的
雖然過去了 我們也都經歷了
釋懷教育著仇恨 和平勸著天下人
故事發生便住下了 不管好的壞的
妳讓我成長了 就算是痛得值得...」
.
.
.
「離開時別忘了看看眼前的人
流淚記住了 還是微笑祝福著。」
「...」
「...」
「...」
愛妳的哪一個是我，傷妳的哪一個也是我...
妳讓我成長了，就算是痛得值得。
希望慧能夠同立暉幸福快樂。