〔純愛〕最瞭解我的你: 第二十二章

天色黃昏，Hazel畫完最後一筆，收起了畫具。

「呢度夜晚好似都會幾靚wor。」Hazel看了看眼前的景象，推測道。

「唔知架～但下次先黎啦，一次睇曬咪好唔過癮。」我伸了伸懶腰，道。

「真係有下次架嘛？唔會唔記得架嘛？」她笑道。

「點會呢～約定你喇～」我伸出小指。



「好～就咁話～」她也伸出小指，和我打了個勾勾。

「行喇，去食野喇～」她把東西放進索袋，道。

.

「點解你成～～～日都唔講野既？」在餐廳裡選好了座位，分別坐了下來後，Hazel問道。

「會咩？」我倒不怎麼覺得。



「嗱你睇下！又黎喇！」她指著我，道。

「下？」

「我講一句你答一句，次次都係咁架wor！」她鼓起嘴巴，皺著眉道。

「咁唔係應該點？」我仍然不懂。

「譬如頭先你話『會咩』果度，明明好多野可以講架，你講下剩係對住我先多野講呢啲sweet野都好啲吖！」她顯得有些不滿地道。



「係咩？」我仔細思考著。

「嗱嗱嗱！」她又指著我道。

「啊…」我搔了搔頭。

「係咪關諗野方法事架？」她食指指腹和大拇指夾住下巴，思考著道。

「你覺得講野係為咩？」她續問。

「溝通。」

「即係…？」

「我講比你知你想知既野，調翻轉都係。」



「咁悶既…」

「咁你覺得呢？」

「你唔覺得講野係一種藝術咩？可以比人互相了解、互相明白、可以等傾訴既人心入面舒服啲…可以將人既一切向人準確咁分享，簡直就係奇蹟。」她托著下巴，嚮往地道。

我倒是從不知道她是這麼…該怎麼說呢？相信神奇的人。

也許是她更放得開了吧。

「你信奇蹟？」我問。

「嗯…點講呢……我唔信有可以一次翻盤既奇蹟，但我信可以累積改變既命運。你呢？」



「我信命。」我道。

「嗯…？你信佛？」她揣測道。

「唔係…」我無奈地搖了搖頭。「我唔信有保持一切平衡既所謂神佛、上帝，但我信有命運既存在。一切都係命運既流向，冇必要特別掙扎。」

「但命運既走向，係可以改變。」她道。

「有冇諗過命運一早規限咗你可以改變既限度？就連你所以為既『改變』，都只不過係命運？」

「照你咁講，一切都係整定冇得改變既話，我可能真係一個信奇蹟既人。」她微笑。

「命運只不過係一個用黎逃避既藉口。」她依然微笑著，看著我的眼神卻無比認真。

「多啲相信自己，相信『奇蹟』啦。」



我看著她，呆了。

奇蹟…嗎？思及此，想法被否定的我，竟無比平靜，也許是那澄澈的眼神所致吧。

從你出現在我世界那刻開始，或許我就不該再相信命運了。

我眼前就有一個啊，奇蹟。

我笑了。剛才那沉重的話題，早已拋諸腦後，此刻我的眼中只有一人。

「慢用。」此時，一個服務生端上了我們的食物。

「食野啦。」我道。



.

翌日

「喂？」我接了Hazel打來的電話。

「你個friend Happy打比我搵我出去shopping，佢話唔好帶你黎，想講女仔野wor。」她道。

「下…咁突然？」我說著，同時打開擴音。

「嗯…但我想去wor。」她有些糾結地道。

「做咩搵Hazel？」我whatsapp Happy。

「下？唔會好尷尬咩？」同時，我嘴上如此說道。

「我見佢唔似咩衰人，又幾好傾咁…想識多個朋友姐。」Hazel道。

「了解下阿嫂吖嘛！同埋…識多個friend囉。」Happy回覆。

既然二人都想著一樣的事，我也無法阻攔。我認識Happy也有一段時間了，她確實是個不錯的人。

「好啦，比你去啦！玩得開心啲，翻到屋企記住打比我wor。」我對另一頭的Hazel說道。

「嗯。Byebye！」

唉…這一整天該怎麼過呢？

找些事做好了。

百無聊賴地上著網，在Youtube那瘋狂的演算法之下，我找到了幾首感覺不錯的古典樂。

練練看。

.

「我到咗屋企喇！」Hazel在電話接通的第一秒道。

「玩成點呀？」我看了看時鐘，都夜晚八點了。

「好開心呀～Happy份人幾nice吖！」

「都係架。」從她義務幫我找後台幫忙便可見。「有冇掛住我架？」我續道。

「有呀有呀～」她以「快稱讚我」的口吻說道。

「我都係呀…不如而家出黎見啦？」我建議。

「我要食飯喇，咁夜，聽日先啦！」

「好啦…byebye。」

到底她們今天都做了什麼呢？八個小時可不少。

儘管免不了在意，我也沒有必要求證。

只能說…她們建立了挺不錯的友誼吧。


～～～～～～

IG：kong_yue_