(啪啪啪......啪啪)
小明個頭縮咗落家嘉個背後,捉住家嘉個衫背
小明:「啊啊啊......咩嚟㗎!!」
家嘉:「驚咩啫,縮頭烏龜,啲雀仔飛走咋嘛,咁就嚇到你咁呀,真係冇膽鬼,哈」
小明即刻企返直個人,放低家嘉個衫背,扮冇事發生過咁:「咩...咩啊,我邊有驚啫,我夠知係雀仔嚟囉,洗你講,我頭先至不過係扮驚咋嘛」
家嘉(反白眼):「 你仲狡辯喎,真係無你符呀」

同一時間...
我感覺到有人捉住我個衫袖,望一望,原來係紫萱(好驚喜!嘻嘻)
紫萱注意到我嘅視線,紅咗面收起手(唔知係咪我嘅錯覺呢,始終周圍都好暗):「Er...er...唔冇意思,啱啱的確嚇親...」




我:「唔緊要,Em...一係捉住我隻手臂啦」
紫萱寧開面:「好...好」(今次絕對唔係錯覺!佢紅左面,隻耳仔都超紅呀!)

家嘉:「 你兩個唔冇喺個門口度談情說愛啦,要行啦」
我感覺到我地兩個有一種尷尬嘅氣氛...
家嘉:「我帶頭,跟實唔冇走散啊」
紫萱:「從外面睇應該有四層」
我:「嗯, 行唒第一層先啦」
家嘉:「越行越入就越黑, 等我攞部手機出嚟開個電筒先...... 咦,原來呢度冇訊號喎,睇嚟冇得同外界有聯絡啦,不如你地各自都開電筒啊」





我哋四部手機嘅光線令到成個大堂都好光
之後就係家嘉帶頭,小明緊跟家嘉,而我同紫萱就包尾,直入長走廊

我一路行就一路諗其實紫萱係咪鍾意我呢?我好唔好去表白呢?...
「啊!」
家嘉:「咩事?... 小明又係你個冇膽鬼,無啦啦嗌咩啫」
小明嘅電筒照住走廊盡頭:「唔...唔係啊,我見到個白影係嗰度飄過...」
家嘉用電筒順住小明個方向照:「乜都冇...你...你係咪眼花啊,咪咁細...細膽啦」
我心諗你都講到口窒窒啦,話人細膽...





向下見到牆上面同地下有啲血漬,直到一間房間
家嘉:「入去睇下?」
眾人:「哦」「嗯」
家嘉:「奇怪,啲血漬明明係去到呢間病房,但係裏面呢度好似冇乜嘢,不過算啦,就喺呢度休息下,我去個洗手間先,就幾步路都近,有冇人要去?」
小明:「唔...唔去啦,留喺呢度幾好,哈…哈哈」
家嘉(反白眼):「車,冇膽鬼,雲樂、紫萱,你地呢?」
我、紫萱:「唔使啦」

家嘉出左病房
小明攤喺病床上面:「唉!好想快啲返屋企阿...咦?個枕頭下面好似有啲硬硬地嘅嘢...充電器?呢個地方點解會出現呢啲嘢㗎,仲要幾新架喎...而且滿電添? 」
紫萱:「可能喺之前嘅人留低掛...不過滿電同幾新,係咪代表近排有人嚟過?」
我:「唔知啊,不過攞定先啦,等陣邊個手機冇電都可以攞嚟叉電」
小明:「但係我都冇充電線...」
我:「本身我自己就帶咗充電器同充電線...你嗰部係咪Anxxxd機?」
小明:「係啊!」




紫萱:「咁就唔使擔心啦!我都有自備充電器同充電線,不過就iPxxxx機嚟」
小明:「嘩!原來你咁有米,家嘉好似都係用iPxxxx機,咁嘅話大家手機冇電都可以叉到電」

(吱...啊)病房門開咗
小明:「哈,講曹操曹操就到喇!乜你去咁奈架」
家嘉:「哈...唔冇意思,頭先行錯地方」
家嘉同紫萱對望咗一眼,但係家嘉嘅眼神有啲閃爍,我再望一下紫萱,但佢就冇乜嘢
係我嘅錯覺嗎?
總覺得家嘉去完廁所返嚟,有啲奇怪,而佢又點解對紫萱有忌憚?
(待續...)
已有 0 人追稿