小明從手中拎出一張紙
「準確啲嚟講,係我清醒返嘅時候發現喺手上,但係未嚟得切睇,就比個櫃壓住咗,所以唔知係咩嚟」
我:「呢個應該係一張地圖,或者說係呢間廢棄醫院嘅平面圖」
家嘉:「每層通往上層嘅樓梯附近嘅一間房間都被打咗個交叉,咩嚟㗎」
我:「應該係每層嘅怪...應該係啲特別房間」差啲唔記得佢地係唔知有怪物存在..
家嘉:「不如我地去睇下?」
我:「但係小明受咗傷,不如我地都係離開啦」
家嘉:「好,不過」
紫萱:「唔得!!你地唔可以走!」
奇怪,點解紫萱話唔走得?




家嘉:「下?點解?」
紫萱:「er...em.....因為...頭先見到大門好似被封死咗」
小明個樣唔對路,應該痛到迷迷糊糊啦
我同家嘉對視咗一眼,都覺得好奇怪
我:「不如一齊去大門確認下先啦,可能紫萱你睇錯呢」
紫萱有啲失落同愕然:「你地唔信我?...」
我:「唔...唔係,只係去確認下,因為小明受咗傷嘛」
我唔係唔想信紫萱,而係佢頭先表現好奇怪

到大門




家嘉:「嘩!邊到嚟嘅雜物,居然自己莫名其妙封咗度大門?」
其實啲雜物應該唔係莫名其秒封咗,而係呢度嘅怪物故而為之
餘光見到紫萱嘅神情好似鬆咗一口氣,究竟點解紫萱自從嚟到呢度之後就咁奇怪?完全唔係我認識嘅佢
我:「既然走唔到就冇辦法啦,而且小明又咁痛,唯有留佢喺病房...」
家嘉:「唯有係咁」

病房內
我地將小明放返上床,小明已經昏睡
我:「將佢手機放喺身旁,以防佢要照明時揾唔到」
家嘉:「好,咁我地出發啦」




全程紫萱都冇講嘢...反正就好奇怪...

紫萱視角
好采頭先佢地有將雜物堵住大門,如果唔係比佢地走甩咗,個計劃就白費功夫啦,不過我頭先嘅表現實比佢地懷疑,希望後面順順利利。而且今次計劃目標係雲樂,如果佢兩個阻住唒就唔冇怪我唔客氣,就算你地知道真相後話我自私都好,我都會做,對唔住...

雲樂視角
家嘉:「咁而家去呢層嗰間被標記嘅房」
我:「會唔會太冒險啊?」
家嘉:「唔使驚啦,紫萱都未驚你驚?」
紫萱:「啊...啊?你地講咩話」
由頭先開始紫萱就心不在焉
我紅咗面:「咩...咩啊,擔心係正常,紫萱你唔使在意佢講咩…哈…哈哈」
我地就地攞咗張紙交代返我地因大門被封要繼續探險,等我地返嚟...

我地一路行都好安靜,可能係因為冇咗小明喺身邊,家嘉空虛而沉默,紫萱都係一直心不在焉,氣氛好沉重,但一路上個怪人都冇出現。其實講真,我到而家都未接受到呢啲事情。





到咗被標記嘅房間入口
家嘉:「呢道門有咩特別?...而且遠處通上上層條樓梯鎖咗,應該同呢間房有關聯」
紫萱:「我同意,不如入去啦」
呢一刻覺得以前嘅紫萱終於返嚟啦,不過就係有啲怪怪地

打開門入去
家嘉:「啊啊......啊」
我同紫萱被佢嚇到:「啊!」
我:「做咩無啦啦叫啊,嚇死人咩」
家嘉:「唔...唔係啊......你...你係邊...邊個?」

未完待續
已有 0 人追稿