或許我們不應相遇: 01 —我們的相遇

「喂，醒啦喂，起身啦，上堂敬禮呀。」

比人叫醒既我，慢慢咁企咗起身。

「陳𠎀，你好啦喎，成日瞓覺，你不如唔好翻學啦，陣間放學黎見我」

「哦。」

唉，還掂都比人罰，瞓多陣先。



「唉，7啦7啦，叫咗你架啦，miss wong做班主任點會比你瞓。」

「同學，稍微肅靜下，我地今日有個插班生入黎。」

跟著就有個女仔入咗黎

文哥 :「起身呀，靚女黎架」

「自我介紹下呀～，新同學。」



「大家好，我係李妍婷。」

而我係呢個時候都未知，原來我同佢其實唔可以同班，唔可以見到面，更加唔可以知道佢個名。由頭到尾都係一個天大既錯誤

miss wong 指咗我一下

「陳𠎀前面有個位，你坐嗰到呀。」

輕輕既腳步聲，慢慢向我靠近。



我係呢個時候開始頭痛，係個腦要爆嗰種痛。

當佢行到去我前面既時候。

我

暈咗

「砰」

我最後記得既野，就係我頭痛撼咗落我張枱道

而呢個，就係我地故事既開始。