從那天起我愛上了我師姐: 分手

「點解你要咁做呀？你明明應承左我架！」 
眼前嘅女子淚如雨下咁講 
「我都係為左你咋，你有冇企係我嘅角度諗過啊？！」 
我對佢憤怒咁咆哮 
「為左我？你只不過攞我黎做藉口咋！」 
佢喊到泣不成聲 
「點解你講極都唔明？」 
我嬲到一野拍落張枱到 
「係呀我唔明啊，我都唔想明啊，我地分手啦！」 
「分手？你次次都係咁講架啦，分咪分囉！」 


「你話愛我一生一世全部都係假架！」 

佢喊得越黎越勁，而我頭也不回咁返左屋企。 

返到屋企之後，諗返起我係點識佢，點愛上佢，眼淚就控制唔到咁流....