[喪屍][愛情][奇幻] 滅屍救港: 二十一 便利店(1)
(小芳視角)今天是5月8日,喪屍事件發生的第7天。
我們與阿興分別後,在牛頭角留了一天,之後一直退到彩虹。
現時,我們每個人都有技能: 英秀可以吃喪屍,一心可以治好我們的傷口, 幼羚可以讀心(聽到其他人內心在想甚麼)。
為了節省資源,我們一天只吃一餐; 水也不敢多喝了。
「好肚餓啊...」我說。
「忍下啦...」英秀說。
「唔知屋企人依家點呢?」幼羚問。
「好耐都冇搵過佢哋啦...」一心嘆氣。
「救命啊! 我咩都冇㗎!」突然,一個男人的叫聲從附近傳來。
我們急忙跑過去,發現瓦礫堆中(因為幾天前彩虹邨被炸成廢墟,瓦礫未能被清理),有一間上鎖的便利店,寫著「預言便利店」。
有一大羣人在拍打著閘,看來是要物資!
「開門啊!」他們喊叫。
「我聽到佢哋內心係想搶晒個老闆啲嘢,仲話要為爆炸事件報仇。」幼羚對我說。
「走啦,人哋都話冇嘢俾你哋。」允恆突然踏前阻止那些人。
「關你咩事?」他們說,一手揪起允恆。
「我再重覆一次,走。」允恆依舊從容地說。
「唔好再推啦,我呢間舖好唔容易做㗎...」剛才叫救命的男人說。
「點算啊?」一心問我。
我取出技能牌。「呢班野蠻人,都係用翻野蠻嘅方法解決啦...」
「你做咩啊?」她有點害怕了。
「放心,唔係殺人。 變!」我說。
過了一陣子,那羣人開始發現問題了。
「啊!隻眼好似俾啲嘢乸住啊!」
「應該係酸!」
「呢個人真係唔簡單... 都係走啦。」他們放開允恆,就此掩著臉離開了。
「揮發!」我連忙令酸性氣體揮發。
「老闆,放心,佢哋走咗啦。」允恆對閘內的男人說。
等待老闆回應的同時,我被隊友們「審問」了。
「你做咗咩?」一心問。
「係次硫酸...溝空氣入面嘅氣體。流翻啲淚水中和就冇事,唔係咩大事。」我答。
「唉算你啦。」一心說。
這時,便利店的閘開了。一看,貨品散落一地,一片凌亂; 老闆光著上身,瑟縮在收銀處的一角。
「好...凍...」老闆說。
英秀給了他的校褸老闆,讓他穿上。
「唔該晒。」他說。
「仲有咩可以幫手?」一心問。
「俾杯水我。」他說。一心拿出自己的水瓶讓他喝。
「老闆,點解頭先班人要咁對你?」我問。
「佢哋落咗江湖追殺令,要搞死我。」老闆說。
「人渣。」允恆說。
「其實... 我都有責任...一開頭,我唔信政府個講話。我唔想理政治,只係繼續做下小生意就好,於是我冇俾人直接攞走食物同飲品。
點知,第二日有人踩場,佢哋自稱係衛生署人員,之後話我收埋隻喪屍! 我梗係冇啦,但附近班能力者唔信我,想搶晒我啲貨。
之後幾日我都俾喪屍搞,冇人幫我,但佢哋只係破壞啲貨,冇搞我個人。
之後彩虹邨爆炸,我唔知點解間舖同個人完好無缺,啲人屈我話係我老婆揼嘢落街令到爆炸發生,所以班能力者嘅一個幫派落咗江湖追殺令。」
他將事情的來龍去脈解釋。