[喪屍][愛情][奇幻] 滅屍救港: 五十二 九龍塘(18)喪屍寶寶
第二天,我們起床了,只見允恆和一心好像在搬甚麼。
「幼羚,你醒咗啦? 呢啲係我哋嘅早餐,係允恆偷翻嚟㗎。」英秀溫柔地說。
「咩偷啊? 喺街邊執㗎,又冇寫名,咪攞住嚟填飽下個肚囉。」允恆說。
「我硬係覺得呢啲食物唔係咩好嘢。」我說。
「喂,咁唔使食啦?」允恆問。
「打開睇下咪知囉。」修端說。
我們打開一看,竟然是幾隻喪屍寶寶!
「咩料啊?」英秀罵道。
「使唔使殺佢哋?」一心問。
「諗咁多做咩啊? 殺咗,攞嚟當嘢食,食飽飽就起行,ok?」小華說。
「我最欣賞你咁果斷,抵錫。」小芳對小華說。
「咪住。如果我哋攞佢哋陣味整落自己度,咪可以扮喪屍?」英秀提出。
「唔好啦,咁樣會比其他人類誤會。」一心說。
「不如都係睇下有咩其他嘢食啦。」允恆說。
我們全程也沒有看到箱子裏的喪屍寶寶有動過,所以將它們擺在地上,就離開了。
怎知,它們跟著我們走!
「救命啊!!」走在最後的修端驚慌地跑著。
小芳抓著她。「佢哋應該唔會咬人,因為佢哋係爆炸嘅產物。」
「咩話?」我們(除了)吃驚地問。
喪屍寶寶像小狗般圍繞著我們,像是耍可愛般,但它們的面目猙獰,不堪入目。
「咁我都有啲印象。預言中都有提過,好似係最後勝利嘅關鍵,因為解藥都係要有佢哋幫手先會有。」一心說。
「佢哋可能係想帶啲訊息俾我哋。」英秀說。
「俾佢哋跟住我哋繼續行?」小華問。
「得嘅…」允恆說。
我們繼續走著。
「其實… 依家呢度嘅情勢好嚴峻,早走早著。
我哋其實已經錯失咗最好嘅時機走。
不過有bb喪屍,可能幫到我哋走。」小芳突然說。
「你唔早講?」允恆責難地說。
「大佬啊, 攰呀嘛個人。你咁得閒自己做翻哨啦,嫌三嫌四。」小芳說。
「小芳啊,唔好話佢啦。」一心嘗試勸架。
「我有咩照直講啫,sor囉。」小芳說。
「有啲人大大件事都唔講出嚟,你諗下, 叫你做哨係睇下有咩危險,通風報信,你呢?」允恆說。
「我依家又唔係唔講!」小芳罵道。
「你咪等輸咗, 喺集中營先講囉, 冇所謂。」允恆說。
「你哋一個二個今日做咩事啊? 好似食咗火藥咁!?
小芳啊,我唔係唔想幫你,但係你有事就應該一早講啦,知唔知?
允恆,你係我哋leader,我哋靠晒你,唔好呢個時候先走去鬧交啦,好唔好?」小華叫停他們。
「依家我講,你哋唔好插嘴。
琴晚,點解嗰班刀派話有喪屍攻入豪宅,因為嗰度係刀派嘅「後宮」。
然後啲喪屍同班女人搞咗;後來,豪宅區爆炸,所以啲bb喪屍得到能力,就出咗世。
但佢哋冇攻擊力。」小芳將事情和盤托出。
「咁點解琴晚本來我哋走到?」允恆問。
「琴晚可以趁亂,但依家刀派藉口有bb喪屍,封鎖所有出入口,想過就當尋釁滋事。
不過琴日大家難得困住咗咁多日,翻翻出嚟,所以我咪想大家休息下先,再睇下點=15.6px。結果衰左。」小芳解釋。
「你做哨喳喎,知咁多嘅?」我問。
「唔止,我仲知道呢排刀派內鬨,下星期嘅今日佢哋就會大舉進攻九龍城,
預計會消耗大量人手,係我哋逃出呢個人間煉獄嘅好機會。」小芳得意地說。
「我女朋友真係好叻㗎。」小華抱住小芳。
「都係因為有你喳。」小芳對小華說。
「頭先真係唔好意思,係我一時衝動。咁我哋呢個時勢應該行邊?」允恆問。
「小路出大路,所以沿呢邊行,經浸大學生宿舍嗰邊嘅路出翻大路。」小芳說。
「起行!」英秀說。
一路上,大包小包的垃圾淹沒了街道,我們艱難地前行,又怕敵人會在垃圾堆中埋伏。
一場大雨急降,我們冒雨前行,冷得難受。
在這個時候,喪屍寶寶竟然爬上我們的背,要我們背著他們,真是雪上加霜!
走了一段路,我們終於「有瓦遮頭」,但「嗖」一聲,我們身後有箭向我們射去!