[hehe]《知音人》: 四十三：決定

「所以你最後都無應承到？」Edmund問。
「無呀。」Horace回應。
「但你認左你中意佢？」Edmund再問。
「係，但尋晚發生太多野，消化唔到。」Horace再答。
「關於果個Charlie？」Edmund續問。
「嗯。」Horace承認。
 
Edmund昨晚聽完Horace的電話後，知道他的思緒很複雜，便特意早大半小時回到學校與Horace吃早餐才去上課，順道打聽最新消息。
 
Edmund：「但我聽完你咁講之後又唔覺佢地有咩野喎。」


Horace：「但佢見人地一有事就即刻飛的去，返去又係房入面密密傾，然後Charlie又同我講唔知咩，佢地又有咩秘密講咁。」
Edmund：「張志鈞，你呷醋了。」
Horace：「咩喎。」
Edmund：「如果佢地真係有野，Jordan真係會帶你上佢屋企？如果Charlie真係對Jordan有意思，佢使同你傾計而唔直接趕你走？」
Horace：「咁又係。」
Edmund：「張志鈞，你感情神經真係非一般咁弱喎，你地以前點開始架？」
Horace：「er…」
 
Edmund可沒想過，人家Jordan已經說得和做得這樣明顯，Horace竟然仍在擔心一些沒關係的事情。若非Jordan真的很愛Horace，這種心態早已把人趕走了。
 


Edmund：「將軍，我真係唔明你，之前就話擔心驚佢呀媽反對再拆散你地第二次，人地都話唔使再驚啦，搬埋出去住，你又走去呷佢個Roommate醋。你擺到明中意人地，但又驚D唔關事既野，再係咁遲早人地覺得你港女，唔再等你，你到時就後悔都黎唔切。」
 
Edmund越說越生氣，他以前很少會這樣跟Horace說話，但作為好朋友，必須要他面對現實，不能再讓他這樣拖拖拉拉，遲早後悔。
 
Horace沒有回應，也對Edmund這樣說話有點震驚。
 
Edmund：「拎起電話，打比佢，話做佢男朋友，That’s it。驚尷尬就WhatsApp等佢覆，唔好咁婆媽啦。」
 
Horace拿起電話，打開WhatsApp，開啟與Jordan的對話方塊。
 


Edmund：「你自己決定啦，我最多講到呢度，你想幸福定後悔就自己揀啦。」
 
Horace想起Sing Con那時與Jordan重遇時，雖然一開始崩潰，但其後也大方面對，為什麼現在卻沒有了當初的爽朗，變得Edmund口中般「婆媽」？他本身仍懷疑自己是否不夠愛Jordan，但昨日看見Charlie後情緒就變得不穩，現在才知這是Edmund口中的「呷醋」。枉他之前還笑Jordan是個醋呈，原來自己也一樣，真的可笑。
 
Horace發出訊息：「葉子康，我應承你啦，我做你男朋友啦。」
 
雖然發出訊息時，他心頭仍在震，但聽過Edmund一席話，心確實是比之前定了。
 
身旁的Edmund見他終於下定決心，心也感到欣慰。他拍拍Horace的肩膀，當作鼓勵，並且說：「快D飲埋杯咖啡啦，上堂啦。」