[hehe]《知音人》: 七十九：軍師

籃球校隊練習準備開始，Wilson進入場館，走到Oscar的身邊一同熱身。
 
Oscar：「Hello。」
Wilson：「喂，星期六晚得唔得啫？」
Oscar：「哦，係喎，唔記得覆你添，我OK呀。」
Wilson：「咁約定架啦喎，唔好甩我底啦。」
Oscar：「得啦。」
 
此時兩人的身後突然出現了一把聲音：「咦，你地無野啦？」
 


Oscar馬上被嚇一嚇，轉身說：「頂你咩Darren！」
Darren：「你學埋高佬D衰野，成日頂我。」
Wilson：「鬼叫你成日串佢咩。」
Darren：「佢要多謝我啦，幫佢解決左個問題。」
Oscar：「咩問題？」
Darren：「你唔見佢身邊少左個人？」
 
Oscar和Wilson馬上望向Steven，他正在準備練習用的物資。
 
Oscar：「係喎，Gary唔見左喎。」


Wilson：「有咩關係呀？」Darren和Oscar馬上反了白眼。
Darren：「你真係唔係扮架喎，你真係幾遲鈍架喎。」
Wilson：「咩呀？」
Oscar：「你唔係睇唔出Gary對Steven有野嘛？」
Wilson：「係咩？」Darren露出「眼神死」的表情。
 
此時，教練走進了場館，代表練習正式開始。
 
距離大專精英賽還有約一個月時間，隊員亦慢慢重新上力，重拾去年底大專邀請賽時的狀況，當中Wilson三分球的浪花終於再現，令教練感到很驚喜。
 


練習完成後，Darren走到Wilson身旁，在其耳邊說了句：「睇你打波狀態就知你心情點樣啦，一同人傾返計，成個人sharp左咁多。」
 
Wilson聳聳雙膊，給Darren一個謎之笑容，沒有回應，便跟大隊進入更衣室。
 
Wilson一進更衣室，就看到Steven在儲物櫃旁邊拿起電話按著，臉上充滿著緊張。此時Darren尾隨大隊進入更衣室，也看到同一幕。
 
Darren：「喂，今日做咩咁心急，波都唔執就衝入黎呀？」拍了拍Steven的膊頭。
Steven：「你囉，電腦室講埋D咁既野，而家佢唔覆我啦。」
Darren：「哦，你放心啦，轉頭就無事啦。」
Steven：「唔理啦，我轉頭去搵佢。」
Darren：「定啦，頭先練習之前我打過比佢，佢應該無咩野。」
Steven：「你又同佢講過D咩？」
Darren：「我唔會害你既，轉頭你就知啦。」
Steven：「成壇野都係你搞出來，我真係唔知信唔信你好。」
 


Steven說完這句便拿起毛巾和用品去洗澡。
 
Wilson在不遠處聽完這段對話，問身旁的Oscar：「Steven同Edmund鬧左交咩？」
Oscar：「我唔知喎。你做咩咁八掛既？」
Wilson：「無呀，對佢地兩個相處有D好奇啫。」
Oscar：「你就係成日都係咁，搞到我地都唔知你諗咩。」
 
Oscar說完這句也前往洗澡，留下仍滿面疑惑的Wilson在原地。
 
Steven沖洗完，簡單跟隊友道別後，很快就離開體育館，但Edmund今天沒有在門口等他。
 
他唯有打電話給他，過了一會才接通。
 
Steven：「喂，我練完波啦，你係邊呀？」
Edmund：「我係Horace度呀，你上唔上黎？」


Steven：「好呀，五分鐘後到。」
Edmund：「OK。」
 
Horace見Edmund掛了電話，說：「好野喎，堅持唔搵佢，佢果然就主動搵返你。」
Edmund：「Darren教我既，哈哈。」