致我心愛的女孩: 七天退貨的愛情

我有一個朋友，佢第一次拍拖，七日就散咗。

我同其他frd 都笑佢 7 日就俾人退貨。

誰知道，佢為此傷心咗三個月。目中無神，snapchat send 咗灰白相三個月。

可能你會覺得，甚至我哋圍內都覺得，為咗一個拍拖七日就散咗嘅戀情傷心咁耐，係好不智。

但係，誰可以怪佢，一個情竇初開嘅男仔，一個對愛情充滿憧憬嘅人，一個諗住全心付出係第一個愛人嘅後生仔，竟然好似 Ikea 貨品咁，唔啱駛就退貨。





短短 7 日裏面，佢付出嘅感情，可能比某啲拍咗幾個月嘅人要來得多。

事後回想，佢都覺得自己好戇鳩，為咗一條咁嘅女傷心咁耐。我知道，佢已經單純不再，對愛情嘅信心已經撼動。

依家​每次見到有人退貨，我都會諗起佢，為佢感到可惜，

但有時真係忍唔住笑。