《再一次愛你》: 《第十八章》

「我幾時有得罪Angel啊？」



「咁點解你唔鍾意人又要攬住人啊！」



佢講到全班都聽到





全班都望住咗我地



「細聲啲啦！你係唔係玩野啊！」





「好！我就細聲同你講！」



小姐你係唔係唔知咩叫細聲啫



你見唔見到你大聲到全部人望住我地㗎！





「不如我地上天台傾啦」



「哼,睇在Angel份上,我就同你傾」



你知道就好啦



如果唔係Angel份上





我會同你個八婆講野咩！



你唔好咁自我中心啦！



話咁快我同佢已經上到天台





「其實你...對Angel有冇咩感覺啊？」



「點解我要同你講？」



我實在忍受唔到阿May嗰種我行我素嘅風格



佢真係好討厭





我承認我係鍾意Angel



但關May 咩事喎



點解我鍾意Angel又關佢事？



「因為我係Angel既好朋友....
同埋...」





「同埋乜嘢？」



「你唔好理啦,你係唔係對佢有feel啊？」



「係,我認」



「男人老狗講清楚佢啦！」



「講清楚啲咩啊？」



「你係唔係鍾意Angel啫！」



「係啊,我係鍾意Angel啊,咁點啫關你咩事喎！」



佢真係好煩



可以停末啫



就算你同Angel好好朋友



咁我同Angel既私人事到底關佢咩事啫



「你肯認就好啦,我想知既野已經知道咗」



「我走喇,順帶一提,
Angel佢都鍾意你」



佢頭先講咩話？



佢話Angel都鍾意我？



我有冇聽錯!?



原來Angel一直講緊既



一直想要嘅暗示



只係想我做主動



同佢表白？



但我應該點樣同Angel表白好呢...



畢竟佢都等左我咁耐



如果太求其好似唔係太好



我係唔係應該....



好好計劃下呢...


隨著時間既改去



我始終都係未諗到點樣先可以叫做一個好既表白



我有諗過要俾一個驚喜佢



但我始終都唔知



究竟Angel想要啲咩



雖然Angel已經開始返同我對話



亦冇再答我「嗯」「哦」「ok」「Fine」



但一樣都感覺到Angel仲係好嬲我



唉...望住佢同其他男仔越嚟越close



我個心就好似有一種俾人搶咗啲嘢既感覺



明明Angel係鍾意我



但我又唔可以擁有佢



點解永遠都好似差少少咁



帶住一種呷醋既感覺



我返到屋企



坐喺我既鋼琴面前



一個咁苦腦迷網的狀態底下



我決定咗



要彈



Schubert 《Impromptu》



大調既旋律,輕快既節奏



永遠都會係我諗唔到野既時候



做一個好好既幫手



我諗...我冇時間再計劃




IG: _nanase._