《再一次愛你》: 《第二十二章》

識自彈自唱既男仔真係好有型呢～



天宇啊天宇,你知唔知啊,你頭先摸我個頭嗰陣呢,我心跳真係好快㗎～你仲要彈琴咁叻～我一定會要你表演俾我睇啫～



「小心啊！」啊？？





「哎呀...痛痛痛...」



粒波邊度嚟㗎,痛死我啦！點解我諗諗下天宇會食波餅㗎...





「我送你去醫療室啦,又會咁唔小心都有既！」



「嘿嘿嘿～唔該你啊May」



到底邊個打我㗎！





「可惡嘅轉校生...」



阿May扶住我行到去醫療室之後放咗我喺床上面



「點啊有冇事呀傻妹？」



「May啊,頭先嗰波邊到嚟㗎？」





「我都唔知啊,你有冇邊到唔舒服啊？」



「係個頭有少少痛,有少少暈咁啦,係呢,我好頸渴啊。」



「我去幫你買支野飲啦」





「唔該阿May~」



始終我都係諗唔明,明明我已經係喺角落頭發夢㗎啦,有咩可能打中我...點解我硬係覺得係特登嘅呢...



不過我啱啱新嚟,點會有人想搞我呢...哎呀!好煩啊!!!唔諗喇!



不過點解阿May咁耐都未返既,唔係喎,出面好似有腳步聲,我見到有個影喺醫療室門口





「阿May,你返嚟喇？」



「原來你想搵佢？咁我走囉～」



咦...呢把聲...咁熟嘅...啊！



「天宇？！」





「Hi!有冇事啊？」



「點...點解你會喺到既...？」



天宇聽到我咁問之後好似震咗一震,定係我既錯覺呢...？



「你個阿May...佢...佢...俾PE老師叫停咗,所以叫我嚟搵你囉...係囉。」



「喂喂喂,你係唔係有野瞞住我？」我略帶懷疑咁望住佢



天宇又好似震咗一震



「冇...冇啊,你死得未啊？」
—————————————————————
「Karen佢有冇事啊？」

「關你咩事啊死狗公」

「你買嘢飲俾佢？不如等我嚟？」

「都話唔關你事囉！」

「求下你啦May姐」

「妖,死狗公,去飽佢！」
—————————————————————
「你就死！我好好！哼！」



唔望你個衰人！哼！



「又會咁唔小心都有既？」



我感覺到有一隻好暖既手放咗喺我頭上面



「下次小心啲啦,我會擔心你㗎Karen～」



天宇輕輕咁摸一摸我個頭,又係摸頭....,呢種感覺好安心,一直以嚟我都冇試過有呢種感覺



我嘅心跳...



我嘅小心臟啊...



天宇見到我成塊面都紅晒就拎開左佢隻手



「你冇事～我就返去打波先」個傻仔尷尷尬尬咁講



當佢轉身嗰下,我拉住左佢右手手腕
「不如唔好走...？」



「好啦,我留低陪多你一陣」



「嗯嗯！不如你唱歌俾我聽？」我好想聽多次你唱歌啊～



「唱咩歌啊？」



「嗯...提起Angel你會諗到既歌。」



「在某處 另一個你 留下了
在那裏 另一個我 微笑著
另一個我們 還深愛著
代替我們永恆著
如果能這麽想 就夠了
無論是 後來故事 怎麽了
也要讓 後來人生 值得
後來的我們 我期待著
淚水中能看到 你真的 自由了」



天宇既眼神入面...係不捨...？



唔知那來既勇氣,我伸手摸向天宇塊面
「你唔係自己一個,你仲有我」



IG: _nanase._