我:「得喇,我梗係識做啦!」
-
[我就知道,這些機會是屬於我的,哈哈!]
--------------
經過一晚同周公捉棋嘅我,諗咗個平安夜周全大計。首先係食聖誕大大餐,之後就係手痕交換禮物,最後嚟個聖誕版真心話大冒險。
-
阿妹:「你啲創意,好有限喎!聖誕大大餐?即係聖誕大餐啦!手痕交換禮物?即刻普通交換禮物啦!聖誕版真心話大冒險?有幾聖誕吖!阿哥,你第時都唔好搞活動,費事悶親人吖!」
-
我同大家分享完我嘅偉論之後,阿妹竟然落我面。
-


我:「歐陽蕊心,你唔好落我面喎!」
-
楚翹:「唔係吖,我覺得幾好!幾有聖誕feel吖。」
-
阿妹:「楚翹,你啲審美觀有啲問題喎。」
-
我:「你先有問題吖!都唔支持我嘅!」
-
阿妹:「咁你就做好啲,我就唔會落你面㗎喇!」
-


我:「真係冇你符!大家提議下今晚食咩好?」
-
楚翹:「我要食意大利燴飯!」
-
阿妹:「我要食牛肉飯。」
-
楚翹:「意大利飯!」
-
阿妹:「唔得,我要食牛肉飯。」
-


我:「好!今晚就食意大利飯啦!」
-
阿妹:「歐陽浚彥,你好黑人憎吖!你去死啦。」
-
我:「最多下次煮牛肉飯啦!」
-
阿妹:「黑人憎阿哥,唔理你吖!」
-
「砰」
-
阿妹一嘢閂埋門。不過我知道,你係為我好嘅!You are my sis forever。
-
楚翹:「浚彥,不如我幫你吖!」
-
[連個天都幫我吖!]


-
我:「咁拜託你喇喎!」
-
煮晚餐嘅時候就好似前日喺宵夜鋪發生嘅情景咁。
-
我:「睇火啦,燶喇!」
-
楚翹:「你顧掂你自己先啦!」
-
我:「塊砧板切生嘢㗎。」
-
我:「你第時都係唔好落廚房,你好危險吖!」
-
楚翹:「你就危險,不知幾安全。」
-


我:「楚翹,考你一個IQ題,你知唔知我唔會好似呢煲湯咁?」
-
楚翹:「即係點?」
-
我:「我唔會滾!」
-
楚翹:「爛gag!」
-
我:「我做任何事都好專一,唔會滾、唔會喺出面搞三搞四、唔會一腳踏兩船。」
-
楚翹:「我知吖!你好可靠,真係好阿哥嚟,將來亦都會係一個好男朋友嚟!」
-
楚翹俾咗隻手指公我,我見佢含情脈脈咁望住我,我就…
-
楚翹:「你做咩咬我隻手指,死變態。」


-
係吖,你冇睇錯,佢冇講錯,我輕輕咬落楚翹隻手指公度,而楚翹都輕輕打我手板還拖。
-
我:「俾啲情趣呀嘛!」
-
楚翹:「情趣?情你老母吖!我都冇應承你。」
-
我:「應承啲咩。」
-
楚翹:「唔知吖!煮你嘅飯啦!」
-
我:「講啦!我想知吖 !」
-
楚翹:「唔講!自己領略啦!」
-


[男仔追女仔就係要引起女仔嘅注意,令女仔打你,多啲身體接觸就已經成功咗第一步。]
-
同楚翹大戰咗三百個回合之後,幾經辛苦,終於都搞掂咗個聖誕前夕大餐,有意大利燴飯,即係加多咗啲海鮮嘅頹廢罐頭忌廉蘑菇湯飯、有羅宋湯,即係罐頭羅宋湯、亦都有甜品,心太軟,即係喺超市買嘅心太軟。
-
阿妹:「阿哥,你話你係咪大細超吖!上年聖誕我哋都係食公仔麵咋,今日有好餸食,聽日又有聖誕大餐、又有party,我咁大個女都從未喺屋企開party。」
-
我:「咁今年有來賓呀嘛!」
-
楚翹:「得喇得喇,唔好嘈喇!開飯啦!」
-
阿妹:「嘩!好食吖!肯定係楚翹整㗎喇,你真係入得廚房、出得廳堂,如果第時阿哥個老婆有你咁好就好嚕!」
-
楚翹:「其實呢,個飯係你阿哥整㗎,至於我做你大嫂?係就好嚕!」
-
阿妹:「我幾時可以叫你大嫂?」
-
我:「喂喂喂!你哋兩個係咪傻咗吖!食飯啦!」
-
阿妹:「阿哥,你都冇啲情趣嘅,蘇州過後冇艇搭吖!」
-
[楚翹掩住嘴笑,唔通佢暗示我哋兩個嘅關係?歐陽浚彥,你要冷靜。小浚彥,你都要冷靜吖!]
-
(待續 To be continued)


IG:chingchingstory
已有 0 人追稿