《夾出一個她》: 第十一集-平安夜不平安（下）
我：「咳咳咳咳」
-
阿妹：「阿哥你搞乜嘢？」
-
我：「歡迎參加由歐陽家舉辦嘅平安夜party，今晚將會有一連串嘅慶祝活動，請先享用聖誕大餐。」
-
楚翹：「好吖！」
-
阿妹：「歐陽生，你係咪黐咗邊條線？」
-
我：「唔好劖亂歌柄住。各位，今晚嘅聖誕大餐係由我一個人包辦，包括南瓜海鮮湯做是日餐湯，主菜係焗牛仔骨、火雞配肉醬千層麵，最後就係甜品心太軟。」
-
楚翹：「有冇餐酒先？」
-
我：「有，我哋呢度主打紅酒，不過紅酒呢排唔當造，所以我開咗支82年提子汁。」
-
楚翹：「唔緊要啦，提子汁就提子汁，反正最緊要嘅嘢都喺度啦！」
-
我：「最緊要係咩 ？我吖？」
-
楚翹：「係呱！」
-
阿妹：「喂！你哋又放閃。」
-
我：「都話我哋兩個冇嘢囉！」
-
楚翹：「我哋真係朋友關係嚟㗎！」
-
我：「唔講喇！大家起筷啦！」
-
楚翹：「聖誕快樂！飲杯」
-
「飲杯！」
-
阿妹：「廚師先生，請問呢啲嘢係買吖？定自己整㗎？」
-
我：「唔好破壞個氣氛。」
-
阿妹：「呢隻火雞咁似喺太古嗰間Leon買嘅火雞嘅？」
-
我：「其他客人，唔使理呢位人兄，佢應該傻咗。」
-
阿妹：「你認真答我問題先？」
-
我：「咁梗係買啦，唔通自己養大隻雞咩？」
-
阿妹：「又話一手包辦，而家隻雞現成買返嚟再加熱就食得，即係講大話啦！楚翹，你話要唔要懲罰？」
-
楚翹：「梗係要懲罰喇！」
-
我：「嚟啦，好好哋懲罰我啦！」
-
阿妹：「死變態！」
-
楚翹：「係咪任搞唔嬲先？」
-
我：「你想點？」
-
楚翹：「我想…我想大大力唧你。」
-
「唔要吖！！！」
-
「吖！好痕吖！」
-
呢餐飯就係充滿笑聲咁完結。
---------
食完飯後，就係交換禮物環節。
-
我抽到楚翹嘅禮物；楚翹抽到阿妹嘅禮物；換言之阿妹抽到我嘅禮物。
-
我：「咩嚟㗎？有cream，又有綠茶粉嘅？」
-
楚翹：「你知啦，之前年年喺屋企都見到聖誕樹，而家冇得見，所以我就自製聖誕樹喇。」
-
我：「會火山爆發㗎喎。」
-
楚翹：「擘大你個口啦！」
-
「哇哇哇！咳咳咳咳。」
-
相信你都估到，楚翹唧啲cream落我個口到，再轟啲綠茶粉，形成咗一個噴綠茶粉嘅火山。
-
阿妹：「楚翹，你都玩人多喇，係時候到我報仇喇。」
-
楚翹：「唔通就係啱先你買嗰件。」
-
阿妹：「燈凳！係咪好靚呢，你今晚要著住㗎！」
-
呢件衫係聖誕老人嘅服飾，不過係非常之少布，淨係啫住啲重要部位，其他部位冇遮冇掩。
-
阿妹：「楚翹你好靚吖！平時收收埋埋，都唔覺你咁大個波㗎！」
-
楚翹：「喂呀！我好細㗎！係呢，浚彥你覺得點吖！」
-
呢一刻，我講不出聲，薄薄嘅上衣將楚翹嘅曲線，露出條纖瘦嘅腰；紅色嘅超短裙露出修長嘅美腿，如果從下面望上去，肯定春光乍洩。
-
阿妹：「阿哥你望完未？你望住楚翹，眼都唔眨。」
-
楚翹：「喂！咁耐都冇反應，乜我著得好差咩？」
-
我：「唔係好正，係好撚正。」
-
阿妹：「點吖！係咪鍾意咗人吖！」
-
我：「多事吖你，楚翹，你今日好靚。」
-
楚翹：「係咩！多謝晒！不過我想同你講，乜我今日先靚咩，我日日都咁靚。」
-
我：「梗係啦，你日日都咁靚。」
-
阿妹：「講咗幾多次，唔準喺屋企耍花槍。」
-
我：「咩喎？我哋幾時有耍花槍啫？」
-
楚翹：「阿妹，你係咪妒忌吖！」
-
阿妹：「係吖，我想要男朋友吖 ！」
-
我：「你咁暴力，點會有男朋友先得㗎？」
-
楚翹：「唔使驚，我一定都會幫你嘅。」
-
阿妹：「多謝你吖楚翹！你同阿哥一定要幸福快樂吖！」
-
我：「我幾時有話我哋一齊？」
-
阿妹：「唔理你吖，到我拆禮物，睇下阿哥買咗啲咩嚟抽先？」
-
我：「你睇下，包你鍾意㗎！」
-
阿妹：「咦？一盒嘅？係咪啲咩電子零件吖！」
-
我：「估中咗少少啦！」
-
阿妹：「嘩！係投影機吖！第時可以喺屋企用幅大牆睇電影喇！多謝阿哥。」
-
我：「大家諗住而家睇咩戲？」
-
阿妹：「乜唔係我嘅咩？」
-
我：「我見我鍾意先買，擺喺屋企一齊睇呀嘛！」
-
阿妹：「cheap精，諗住買返屋企俾自己用。你慳啲啦，我入房睇。」
-
楚翹：「阿妹，等埋我。」
-
我：「做咩入我房？」
-
阿妹：「入你房睇電影呀嘛，歐陽生。」
-
［多謝你，阿妹！你第時有咩需要即管出聲，我一定會幫你㗎！］
-
（待續 To be continued）
IG：chingchingstory