《夾出一個她》: 第二十七集-癡纏情侶
我：「你咪係車仔麵fans囉！平時約你出街，問你食咩，你實答我食車仔麵嘅。」
-
希逸：「車仔麵不知幾好食，自由度高。由湯底、到麵、到餸菜全部都可以自由 mix and match，食一個禮拜都唔會重複。」
-
阿妹：「我仲以為你係我嘅fans㖭。」
-
我：「噢！寧得罪小人，莫得罪女朋友。希逸，你加油喇！」
-
希逸：「肥哥你要幫我吖！」
-
我：「自作孽，不可活。」
-
阿妹：「估唔到，你寧願做車仔麵嘅fans，都唔做我嘅fans。我嬲嬲豬吖！」
-
希逸：「你又點同呢！車仔麵係食嘅，而你就係我嘅。兩樣嘢點可以相提並論呢？」
-
阿妹：「車仔麵可以食，我都可以食㗎！」
-
希逸：「嗱嗱嗱！嘢唔可以亂講吖！你就未滿16，唔食得㗎！」
-
阿妹：「我滿咗16，你係咪就食我，唔食車仔麵先？」
-
希逸：「做人就唔係淨係為咗呢啲敦倫之樂嘅，有時探究下附近嘅特色車仔麵都係好事嚟嘅。」
-
阿妹：「一句講晒，要車仔麵定我？」
-
希逸： 「爭咩吖！到時你煮車仔麵俾我食咪得囉！」
-
阿妹：「車你塊面一巴就得。」
-
希逸：「車我吖。」
-
阿妹：「抖M佬，核突。」
-
希逸：「咁你咪做S囉！」
-
我：「你哋叫SM二人組啦！」
-
楚翹：「咁我哋呢？」
-
我：「戇鳩二人組。」
-
楚翹：「我哋四個加埋就係戇鳩SM四人組。」
-
我：「呢個名核核突突，我哋應該叫型男索女四人組。」
-
希逸：「呢啲先係好名嚟㗎嘛！」
-
阿妹：「索女我知吖！呢度就有兩個，但啲型男去咗邊？」
-
楚翹：「係囉，我都搵唔到啲型男。」
-
我：「我哋咪係型男囉！」
-
希逸：「係囉！咁大個型男，冇理由見唔到㗎喎。」
-
楚翹：「型男？咩嚟㗎？Sorry，I can't find the right word。」
-
我：「我哋咪就係型男囉！」
-
阿妹：「乜而家啲人面皮咁厚㗎，真係唔要得。」
-
楚翹：「之前有個電影叫《大佬可以退貨嗎？》，而家應該係《男朋友可以退貨嗎 ？》」
-
阿妹：「全新屎屍級電影《男朋友可以退貨嗎？》現正於各大情侶屋企上映。」
-
我：「咁套戲嘅主題曲係咪要唱古天樂嘅《男朋友》？」
-
希逸：「回答我可不可以暫時讓我講出感覺後，才直說你有男朋友，現在就要走。」
-
阿妹：「希逸，你真係唔好開口唱歌，你啲歌喉同黃宗澤一樣。」
-
希逸：「一樣咁好聽？」
-
阿妹：「發你嘅春秋大夢啦！話你唱歌好難聽吖！」
-
希逸：「黃宗澤唱歌唔係好好聽嘅咩？」
-
阿妹：「你邊個國家嚟㗎？黃宗澤吖！同陳奕迅唱《K歌之王》唱到死死下嗰個呢？」
-
希逸：「我好少睇電視，所以唔知，我淨係知道佢有首《最後祝福》幾好聽。」
-
我：「歌詞就好，但唱嗰個爭啲呢！」
-
希逸：「唔係喎，佢真係唱得好好，我這樣討厭，他完美如此，能共你好好地相處。哪會像我們，將吵架當玩意，沒法挽手一輩子 。」
-
我：「你都係打機算啦！唱歌真係唔啱你。」
-
阿妹：「我明白你點解會覺得黃宗澤唱得好聽喇！因為你同佢都唱得咁難聽。」
-
希逸：「我簡直係超級巨星啦！唱得咁好聽。」
-
我：「你可以做黃宗澤嘅2.0嘅。」
-
希逸：「乜佢真係唱得咁差咩？」
-
阿妹：「係！你自己去Youtube search，佢之前仲出咗首歌諷刺自己㖭！」
-
楚翹：「連我呢啲山區兒童都識！你竟然連呢啲香港經典柒事都唔識。」
-
希逸：「梗係啦！我淨係留意蕊心，其他嘢都使留意㗎啦 ！」
-
我：「嘩 ！你咁都兜到嘅。」
-
希逸：「梗係兜到啦！話晒我都係辯論隊。」
-
我：「叻喇叻喇！使唔使頒個獎俾你吖？」
-
希逸：「好喎，咩獎先？」
-
我：「「最佳嘴炮大獎」」
-
希逸：「有冇獎勵吖？」
-
我：「阿妹，咁你嘴炮佢啦！」
-
阿妹：「阿哥吖！乜你咁衰㗎，推你嘅可愛阿妹去死。」
-
我：「但係你好似好享受咁喎？」
-
楚翹：「咪係囉，話口未完就嘴咗落去嚕！」
-
阿妹：「獎勵希逸，梗係要享受啦！」
-
我：「真係頂唔順你哋兩個，簡直係癡纏情侶」
-
楚翹：「咁我哋係咪亂世情侶？我哋要承受癡纏情侶嘅閃光彈喎？」
-
我：「當你，仍然信我。」
-
楚翹：「愛情，沒有輓歌。」
-
我：「未相信情懷輸給世道。」
-
楚翹：「仍在亂世中開花結果。」
-
我：「不理，誰能夜夜笙歌。」
-
楚翹：「別管世界艱辛的錯。」
-
我：「如果，這一生只要找得到。」
-
楚翹：「誰陪我每餐青菜淡飯。」
-
我：「有哪關闖不過。」
-
阿妹：「B吖！佢哋有合唱歌，不如我哋又整返首吖？」
-
希逸：「《從不喜歡孤單一個》？」
-
我：「希逸，你真係自己攞嚟衰。」
-
（待續 To be continued）
-
下個禮拜三《夾出一個她》將會暫停一次，因為……因為我生日喇！大家下個禮拜日先再同浚彥楚翹再見啦！雖然《夾出一個她》暫停連載一次，但《如若我是……》《霹啪文壇頒獎典禮》（TBC版）同《雖然枝奶變壞但沒關係》都會繼續連載，大家可以睇其他故事吊住引先。最後再次多謝各位支持。
IG：chingchingstory