《夾出一個她》: 第三十三集-欣然為你服務
楚翹：「B！餵我食啦！」
-
我：「你自己攞啦！」
-
楚翹：「唔制！我要你餵我食。」
-
我：「擘大口啦！」
-
「呀~~~」
-
楚翹：「喂吖！細嚿啲啦！點食吖！」
-
我：「使唔使好似啲動物咁樣，咬完反芻返俾你食啊？」
-
楚翹：「最好啦！」
-
阿妹：「你哋兩個真係好嘔心。」
-
楚翹：「吖！你兩個吖！你哋平時唔係咁嘅。」
-
正當我哋傾得興高采烈嘅時候……
-
路人：「唔該，請問而家仲有冇串燒食？」
-
有個客入咗嚟，係今晚第一個客。
-
我：「當然有，隨便坐。」
-
路人：「塊牌匾，幾靚。」
-
我：「靚啊！聽老闆講，呢塊牌匾係老闆嘅一個好朋友喺好多年前送俾佢。」
-
老闆：「咦！十三叔？」
-
路人：「乜咁啱啊！澄叔。」
-
我：「原來你哋識㗎！咁唔阻你哋傾計喇！」
-
老闆：「唔好咁講，大家不如一齊坐，佢係我嘅好朋友嚟！」
-
十三叔：「我都未自我介紹㖭！我係十三叔，我係澄叔嘅中學同學嚟。」
-
我：「十三叔你好！我係浚彥，而坐我隔離嘅係我女朋友楚翹，我哋兩個係呢度嘅員工嚟！而對面嘅係我阿妹-蕊心，佢隔離係希逸，佢男朋友。」
-
十三叔：「各位好！」
-
老闆：「十三叔係我好老友嚟，呢塊牌匾『欣然為你服務』都係佢送俾我作為呢度嘅禮物。」
-
十三叔：「咁就過咗20年，時間過得真係快。」
-
老闆：「感覺我哋就好似啱先畢業咗冇耐咁。係呢！你喺美國生活點？」
-
十三叔：「都係咁啦！而家仲有冇見返啲中學同學？」
-
老闆：「有啊！佢哋間唔中都喺呢度開party。」
-
十三叔：「個個都係大細路嚟，最鍾意開party飲啤酒。我都好多年冇見佢哋，佢哋呢排點吖？」
-
老闆：「都係咁上下啦！嗱！俾張相你睇，我哋上個禮拜先開完party。」
-
十三叔：「一睇張相就認得啲人啦！前面嗰個係丑丑BB，隔離嗰個肯定係Ling姐，佢後面應該係女班長 Mimi，隔離嗰個咁正經梗係head prefect 菊姐啦！仲有仲有，呢個咁搞笑，肯定係阿Yan啦！」
-
老闆：「全中！嗰陣時我哋成班人上堂喺到打麻雀、玩啤牌，夜晚就落公園飲啤酒傾心事，真係好懷念。」
-
十三叔：「不如搵日約佢哋出嚟食飯，我真係好耐冇見佢哋。」
-
老闆：「梗係冇問題啦！可以叫埋班主任嚟。」
-
十三叔：「你話F.7嗰個班主任-陳記？」
-
老闆：「就係陳記。」
-
十三叔：「咁老都仲咁有精神，好嘢喎。」
-
老闆：「佢都係近呢四、五年先申請兩蚊車，老得去邊吖！佢分分鐘仲精神過你㖭！」
-
十三叔：「咁要見過先知喇！唔阻大家開party，下次再嚟。」
-
老闆：「下次有聚會叫埋你。」
-
十三叔：「好！下次見。」
-
老闆：「食完未俾錢吖！」
-
十三叔：「係喎！幾錢？」
-
老闆：「多謝惠顧，承惠二千大元！」
-
十三叔：「咁貴！你唔好去搶？」
-
老闆：「錯！係好過去搶！講笑，bye bye 你條尾啦！」
-
十三叔：「講咗咁多年，都係呢句。」
-
老闆：「做男人就係要專一㗎啦！係咪吖！老婆？」
-
老闆娘：「係喇係喇！最專一係你！」
-
十三叔：「你哋兩個咁多年都係咁swewt。我走喇！」
-
老闆：「Bye！」
------
希逸：「老闆，我想問你牆上掛嗰塊牌匾係咩意思？」
-
老闆：「你話『欣然為你服務』？」
-
希逸：「正是呢塊。」
-
老闆：「咁你問錯人，你應該問啱先走咗嘅十三叔，塊牌匾佢送俾我嘅。」
-
希逸：「咁有咩意思？」
-
老闆：「塊牌匾6隻字入面，融入咗我人生中其中一個好重要嘅人，佢次次都無條件咁幫我手，佢幫過我好多次，我都唔知點報答佢，我真係好想答謝佢。」
-
我：「我都冇聽你講呢件事㖭！」
-
老闆：「之前咁忙，都冇時間傾啦！十三叔訂造呢塊牌匾俾我，第一，係想我用最好嘅服務對待客人；第二，係想我唔好唔記得幫過我好多嘅一個大恩人。『燒夜店』開咗幾耐，呢塊牌匾就跟咗我咁耐。」
-
希逸：「嘩！原來咁有歷史價值㗎！可以話係『燒夜店』嘅招牌。咁你最後有冇報答呢個大恩人呢？」
-
老闆：「秘密。」
-
阿妹：「懶神秘。」
-
老闆：「報答唔係一次就得嘅。話晒佢幫咗我咁耐。」
-
我：「得閒叫佢多啲嚟啦！我睇下邊個幫澄叔咁多忙先。」
-
楚翹：「我哋又向佢偷下師先。」
-
老闆：「你哋諗下好喇！我嘅恩人係好神秘㗎！」
-
我：「有幾神秘先？」
-
老闆：「佢永遠喺我最需要佢嘅時候，佢先會出現。」
-
楚翹：「咁你幾時需要佢。」
-
老闆：「哈哈！唔話俾你知，等你心思思。」
-
希逸：「我哋真係好想知你嘅恩人係邊個喎 ？」
-
老闆：「第時你哋咪會知道。」
-
我：「澄叔唔好吊我癮啦！」
-
老闆：「而家仲未係時候講。」
-
阿妹：「係咪要等恩人出場先講？」
-
老闆：「我得閒問下佢先，佢會好快覆我㗎。」
-
楚翹：「真係好想知道佢係邊個 。」
-
（待續 To be continued）
-
今集出咗好多人名，有澄叔嘅中學同學，亦都有澄叔嘅恩人，究竟佢哋嘅故事會唔會出現喺《夾出一個她》入面呢？就要睇下大家反應喇！
IG：chingchingstory