《夾出一個她》: 第四十八集-阿妹的姊妹（下）
阿妹：「你咪理，總之我接受就得啦！」
-
慧妍：「幾時帶我哋去溝仔啊！我哋都要識返啲仔仔啊！」
-
希逸：「以你哋個樣，真係好難識唔到仔㗎喎。」
-
我：「係囉！學校啲仔唔啱咩？」
-
慧妍：「唉！咪提喇！完全唔啱，啲仔一係傻下傻下，一係Play Boy 嚟。」
-
安琪：「即係一係唔識溝女，一係好有經驗，擺明呃你蝦條嘅。」
-
我：「咁睇你想俾人照顧，定照顧人啫。」
-
阿妹：「唔識溝女嗰啲直情係木頭嚟，推極唔郁嗰種人嚟。」
-
慧妍：「而Play Boy就真係個幾月就換嗰啲嚟㗎，你話點溝啫，倒返轉溝你都唔受啦！」
-
我：「如果我係女仔，我兩類人都唔會揀。」
-
安琪：「所以你明白點解我哋學校啲女仔咁少拖拍就係咁解啦！」
-
希逸：「你哋可以參加啲Joint-Function，去隔離學校識下人囉。」
-
阿妹：「我哋同學校啲師兄師姐唔熟，攞唔到資料，同埋學校主張唔太參加啲聯校活動，話驚影響學業。」
-
我：「如果學校方面少嘅，自己就出去識，你哋可以出去社區中心參加啲義工班、興趣班等等，一定有仔嘅，不過啱唔啱又係另一回事。」
-
希逸：「我突然有個大膽嘅諗法，不過問下你哋過咗16歲未？」
-
慧妍：「喂！你想點先？我哋唔做犯法事㗎。」
-
安琪：「我哋唔入機舖、唔會亂搞嘢㗎。」
-
希逸：「你哋諗多咗喇！我問你哋夠唔夠16歲係想知道你哋足唔足年齡去做動物義工啫。」
-
慧妍：「正啊！我最鍾意啲貓貓狗狗㗎喇！」
-
我：「啊！咁我想知你講咩喇！之前我哋班成班人搞個義工活動，去啲狗場幫手做義工。」
-
希逸：「冇錯，就係呢個活動，不過唔知你哋驚唔驚狗。」
-
安琪：「少少驚啦！我驚佢哋咬我啊！」
-
我：「嗰度啲狗好Nice，而且好可愛㗎，同埋你哋去識仔，我相信有仔會保護你嘅。」
-
慧妍：「不如我哋考完試去？」
-
我：「我哋要考Mock卷呀。」
-
希逸：「反正你都唔溫書㗎啦！佢哋考完試放假嗰陣時咪同佢哋去囉！」
-
我：「你都唔溫，一齊去埋。」
-
希逸：「就咁話。」
-
慧妍：「前提係要仔呀嘛，唔通得你哋兩個鹹濕佬咩？」
-
希逸：「仔呢方面，你可以放心，我捉埋同班嘅男同學去，佢哋都缺女缺到傻咗㗎喇！」
-
安琪：「靚唔靚仔先。」
-
我：「我介紹嘅嘢，點會差得去邊呀！」
-
慧妍：「咁其實去狗場有咩要做？」
-
希逸：「其實係幫手清潔個場地，執下屎，沖下尿，仲有餵佢哋食嘢，幫佢哋沖涼。最重要嘅係放狗同埋可以撚佢哋。」
-
我：「撚狗真係好正㗎，撚完會好治愈㗎。」
-
慧妍：「你哋咁講，搞到我都好想去㖭。」
-
我：「我哋好耐都冇去撚狗，撚一撚，放鬆下先。」
-
安琪：「嗱！一言為定啊！」
-
我：「放心，唔係撚你嘅。」
-
慧妍：「如果你放我哋飛機，我哋兩個就日日上嚟黐餐，阻住你哋拍拖。」
-
我：「啋過你，阻人拍拖尤如殺人父母啊，你都唔想你拍拖嗰陣時有人阻住你啦！」
-
安琪：「唉！我哋啲老姑婆，好耐都冇仔仔嘅滋陰喇。」
-
慧妍：「連拍拖嘅感覺都就嚟遺忘喇！究竟拍拖係咩呀？」
-
安琪：「愛，其實呢個世界係咪存在嘅呢？定係由人創造出嚟嘅虛無縹緲呢？」
-
慧妍：「捉摸唔到嘅愛，係唔會理解，亦都唔會明白『愛是永恆』嘅道理。」
-
慧妍：「誰能曾照顧過我的感受。」
-
安琪：「待我溫柔，吻過我傷口。」
-
慧妍：「能得到的安慰是失戀者得救後，很感激忠誠的狗。」
-
安琪：「所謂嘅『愛』就好似雪花一樣，捉摸唔到。」
-
慧妍：「還記得櫻花正開，還未懂跟你示愛。」
-
安琪：「有時候，愛情就像龍捲風一樣，來得太快，又走得太快。」
-
慧妍：「初春來時，彼此約定過，渴望未來。」
-
安琪：「兩位可愛小女孩，而家仲係大海中，尋尋覓覓，尋找佢哋心目中嘅 Mr.Right。」
-
慧妍：「完了吧！如冇意外，從今開始該好好戀愛。」
-
安琪：「完！多謝各位捧場。」
-
阿妹：「嘩！勁喎！將溝唔到仔嘅感情發揮得淋漓盡致。」
-
希逸：「你哋唱歌都唔差，有冇去啲Busking表演？」
-
慧妍：「係咩？我都唔知自己唱歌咁好聽㖭。」
-
楚翹：「你哋唱歌簡直可以出唱碟啦！」
-
我：「你哋啲演技都唔差吖！鳩讚都讚到好似真咁。」
-
楚翹：「我哋真心㗎！」
-
希逸：「肥哥都唔識欣賞嘅。」
-
我：「呢啲表演，留返有仔嘅時候先一次過爆發啦！唔係點留到佢哋嘅心呢？」
-
阿妹：「阿哥你係咪心動呀！安琪同慧妍真係好正，筍盤嚟，走咗就冇㗎喇。」
-
我：「真心掂嘅，不過呢，我有楚翹㗎喇。」
-
楚翹：「你做咩淫住笑咁講？係咪想死。」
-
我：「我幾時有淫笑吖？我係喺度欣賞呢個表演。」
-
阿妹：「人哋就嚟有仔㗎喇！要爭就快喇！」
-
我：「喂！唔好再講喇！楚翹個頭飆緊煙喇！今晚火山爆發就碌蕉㗎喇！」
-
楚翹：「哼！我冇嬲啊！今晚你落到『燒夜店』就知味道。」
-
我：「蕊心姐，你係咪衰呢？而家大鑊喇！」
-
阿妹：「嘻嘻！唔關我事，鬼叫我啲姊妹咁得意，連你都啱咩。」
-
我：「喂！我頂你個肺。你見唔見到啲火嚟緊喇！」
-
（待續 To be continued）
IG：chingchingstory