你,最近還好嗎?每年4月1日,係愚人節。有人覺得好無聊,有人覺得好有趣。不過自從2003年,「哥哥」張國榮離去,4月1日變得沉重。每年都會有粉絲送花悼念呢位偶像,送花悼念正常不過。同樣地,831發生7個月有市民去太子站獻花,本來和平嘅流水式活動,卻俾警察拘捕,控告非法集結。匪夷所思,獻花都唔畀,身有屎啊?咁唔尊重死者嘅。警察再將被捕人士一群人企喺一齊,再用緊急法例多於4人集結罪名拉佢哋。喺的士播歌都話公眾地方行為不檢,自己評評理吖。
-
世界上總有啲人係咁弱智。
-
-
-
尹智娜同元朗落船經過入境大樓,有塊「珠Hi,歡迎您」嘅banner,尹智娜同香港嘅距離又進一步喇!
-
「我愛習近....」
-




「係習主席。呢個玩笑我哋唔開得。」元朗怕共㗎原來。
-
佢哋再次成功闖關,通過貨運停車場。喺一眾國產汽車面前,有一部車鶴立雞群。冇錯,就係尹智娜嘅Teslady。覺唔覺得好似某個三色台嘅膠劇情節咩?話你知,如果畀嗰個三色台拍嘅話,架車一早漏油爆炸再嚟多個空中飛人。言歸正傳,尹智娜即刻上返車換電話卡,美國製手機響過不停,當然佢首先facetime佢老公。
-
經過一番肉麻嘅說話,佢老公冇懷疑尹智娜不特止,仲話手頭上冇資料唔知警方尋人。咦,佢老公報料都有酬金攞㗎喎...梗係攞啦。藍屍港豬本性,所以咁多沉默的500慢人為咗枝洗手液而簽23條街站囉!
-
尹智娜睇佢個「SAFE PK」群組,見到個以為自己啲燉湯好好飲嘅木易明喺度尋找尹智娜。而碌落下一個post,又係木易明喺度熱烈恭賀張智能成為新一任PPRB總警司。果然「火享攵」嘅生意拍烏蠅,有湯唔燉,走嚟撐警。
-
「我張智能上任咗PPRB之後,一定同市民嘅關係日益良好,肯定係。」張智能忠誠勇毅嘅態度十分唔值得我哋學習。尹智娜好唔開心,但佢化悲憤為力量,因為一哥都係由細到大睇「開心字典」,做下特約演員上位啫。
-




元朗向大解放軍請咗14日假,其實係避開班大媽同耳火爽。海哲去咗元朗屋企摸門釘,佢本身想拎筆錢畀尹智娜同元朗。一班大媽見佢拎住啲正嘢蜂擁埋去瓜分,啲錢就咁冇晒。海哲作為有經驗嘅政治人物,佢將啲30%成功率嘅武漢肺炎試劑入晒一包包錢。
-
咁......健康遠比金錢重要!大媽們執到啦!
-
大媽們返屋企拆錢用嚟打牌嗰陣,先發現係祖國偉大發明!「蠢瑩都係話呢個正嘢嚟㗎,係班美國佬唔識欣賞啫!」係呀,陽性都變陰性啦,「非醫療用,購買前請仔細核對使用說明」祖國幫助別人嘅心意係真誠㗎嘛!佢哋po上Shitter......
-
「咦,耳火爽話佢個Shitter account 俾人block咗呀!」大媽們就話用返微薄啦,啲番鬼佬嘢我哋鬼識用咩!
-
尹智娜睇完電話想撻車嗰陣,發現架Teslady竟然有電,不過爆咗條胎,所以勉強都可以繼續返香港。不過現實發生嘅事總係好戲劇性。元朗聽咗個電話,收到消息話大解放軍墜機。OMG,最緊要人有事,最衰就係撞咗埋去郊野公園破壞自然生態!
-




「我陪你吖!」元朗一口拒絕,喺電光火石嘅情況下,三小花娜娜、妮妮、小龍女巧合到一個點打嚟。
-
講返早兩日,尹智娜未嚟嗰時。
-
「BB豬小鮮肉,記唔記得我哋嘅約定呀?」
-
佢係元朗個女朋友,程嘉藍。話說程嘉藍喺元朗做大解放軍咁耐都冇見過佢,但即使佢哋long D 一樣情濃。程嘉藍有一日去咗錄音唱「方艙醫院真可怕」撞到元朗呀媽,元朗啊媽問佢哋幾時拉埋天窗,其實程嘉藍都好想快啲結婚嘅。
-
睇到呢度都知,大解放軍根本冇墜機,冇死4個人,假㗎!元朗係為咗撇開尹智娜,而夾埋三小花約尹智娜去食海底撈。佢竟然卑鄙到偷咗尹智娜個「迷信」去chat三小花......元朗好不情願咁踏咗其中一隻船。
-
尹智娜揸車去食海底撈,都一路打電話畀元朗。揸電單車都拍開雙手啦,揸住部電話算啲咩喎。幾經辛苦,佢打通咗元朗電話。咁啱元朗同程嘉藍撐緊檯腳。
-
尹智娜:「元朗!」
-
元朗:「(冇出聲)」




-
尹智娜:「喂,hello!」
-
元朗:「I'm sorry.I can't hear your question.」
-
咁就收咗線。成個過程同記者問世衛台灣嘅問題如出一轍。元朗喺程嘉藍隔離,佢嘅迅速應變仲快過政府宣佈關閉K房同麻雀館。
-
尹智娜最後都搵咗三小花食海底撈,四個人啱啱好。三小花嘅衣著打扮眼前一亮,blue eye shadow、藍衫藍褲藍鞋子,很藍。
-
「你哋三個做乜着到咁藍?」
-
「我哋希望疫情減退,着藍色衫寓意有信心香港好快可以打贏這場仗,雨過天青。」
-
藍色衫就冇事,咁點解兩個軍裝警中咗武肺㗎?
-




三小花同尹智娜喺度傾偈飲酒思考人生,「秀娥離開咗我嘅人生呀~~~!」班嘢真係好鍾意睇韓劇喎又。三小花又話而家咪話喺屯門公園「獻妓」,連自己去Noway唱歌都noway呀!佢哋而家唯有喺唞音拍片,不過就冇得講廣東話。
-
「喂元朗,尹智娜出事呀!佢醉咗同海底撈個煲發生親密行為呀!」
-
(待續 To be continued)


IG:chingchingstory