男神呢個稱號令我食左唔少女(有甜）: 珮恩

終於又黎到返學嘅日子，雖然只係放左一日假，但感覺好似發生左好多野咁。

仆你個街，點解一返學就要數學測驗，明明之前都無同我地提過，屌你好玩唔玩，玩突襲？好彩宜家嘅我讀書都叻左好多姐。

測完之後就啱啱好落堂小息，阿彥個死仔又話肚餓，要我陪佢落去食野，真係麻煩。

阿彥：「琴日我諗住搵你打波個陣，做咩唔聽電話嘅？」

我：「你有打過比我咩？Sor應該係無留意到。」



阿彥：「係咪又約左女大戰三百回合呀？」

我：「我琴日無野做咪返小學行下，點知同左小學Miss扑野，跟住又比我遇返我個初戀，你話係咪個天安排嘅？」

阿彥：「返個小學都可以變成同小學Miss扑野，呢點我諗真係得你先做到，咁你個初戀呢？」

我：「咪比我執左佢一劑囉，不過佢又做左我女朋友，我宜家都唔知點算。」

阿彥：「又做左你女朋友？呢句野係咩意思？」



我：「咪字面意思，佢宜家係我第三個女朋友。」

佢聽到之後即刻噴左啲朱奶出黎，成張枱都濕撚哂。

阿彥：「你講真定講假呀？點樣做到有三個女朋友？你唔好撚化我喎。」

我：「你覺得我似講笑咩？一個就係珮恩，另外兩個都係我小學同學黎。」

阿彥：「屌你老母可以玩4P喎，你就正啦仆街。」



我：「屌上次玩3P已經攰撚到死，再咁刺激我真係受唔起，呢啲野唔好搞我。」

珮恩：「唔好搞你啲咩呀？」我拎轉面見到珮恩唔知幾時坐左係我隔離。

我：「哇你幾時係到架？！」唔通佢聽到哂所有野？！！

珮恩：「咪由你話你有三個女朋友個陣囉，講黎聽下係邊三個。」

我宜家完全唔夠膽直視佢，坐係我對面嘅阿彥即刻跑走左，屌你兄弟見死不救。

珮恩捉住我個頭拎去佢個到，我望住佢個樣，好似想食撚左我咁款，我中學六年都未試過咁驚。

珮恩：「答我呀！！唔答我嘅話你今日唔洗旨意出到學校門口！！」

我：「我講我講！！冷靜啲刀下留人！！有咩事我地慢慢講呀靚女！！」



佢終於鬆開隻手，原來有時死亡係可以同我地咁近，我個頭已經開始標冷汗，個心不斷咁跳，但總算鬆一口氣。

我：「呼...呼...你聽我講，因為佢地兩個同我係突然發生左某啲情況，所以先會話做我女朋友嘅...」

珮恩：「乜野情況呀，唔好講啲唔講啲喎，你最好同我講清楚哂佢。」

我：「唉好啦，我承認我係對佢地有好感，一開始個嗰叫Tracy，佢其實就係之前你話想去文具店睇野個陣遇到嘅，佢話想同我一齊溫書，咁溫溫下我咪...咁囉...」

珮恩：「你都對得我住啦，同我一齊都仲可以去溝女，仲要同人地去溫書都唔同我講！！咁仲有另一個呢？」

我：「第二個其實...只係琴日先一齊左...」佢聽到之後差啲就一巴掌冚落我到，好彩我反應快捉住佢隻手。

我：「冷靜啲聽我講埋先啦，佢叫桐桐，係我嘅初戀黎嘅，咁...過左咁耐我都覺得自己對佢仲有感覺...」



珮恩：「其實你有無鍾意過我...？」我望住佢，佢隻眼已經紅哂準備喊。

我：「有，雖然我係對佢地仲有好感，但我一直都無忘記你嘅存在，因為我最愛嘅人就係你。」呢句係我嘅真心話，唔係講大話黎哄佢。

珮恩：「咁點解你仲會鍾意其他人...係咪我有咩做得唔好...？」

我：「唔係，你咩都做得好好，只係出現問題嘅...係我，係我想一得二，想二得三，我只係...想自己鍾意嘅女仔一直都係我身邊，我唔想佢地比其他人搶走...」

我：「我希望你可以原諒我...而且接受佢地嘅存在...希望你明白我嘅諗法...」

佢最後忍唔住爆喊，我將佢個頭推落自己個身到，等佢係我入面喊哂出黎。其實我都唔想，但係我好想佢地每一個都係我生活入面。

過左一陣小息鐘都響起，而佢亦都鬆開我，我望住佢水汪汪嘅眼睛，我都有少少過意唔起。

佢一野咀左落黎，我比佢呢個舉動嚇親，突如其來嘅一吻。



珮恩：「應承我，你最愛嘅人一直都要係我。」

我：「我應承你，我愛你。」我摸一摸佢個頭再講。

珮恩：「咁就好，講明先呀，我唔準你陪佢地多過陪我架。」

我：「呢層當然啦，我將我人生大部分時間都留哂比你。」

跟住我地就一齊行返上課室，我一入到班房第一時間就係打柒阿彥呢個反骨仔。