筆記簿嘅第一頁,分開左兩段文字,不過我想講嘅係兩段都好撚長,同埋宜家都就黎開始打鐘要落去操場集隊。

我有諗過拎走部筆記簿,等到小息入廁所睇,或者放學返到屋企先再睇,但係我又驚呢一到仲有啲線索,最後決定都係睇哂先。

第一段嘅文字係寫住:

「致打開呢本筆記簿嘅人:

             當你準備開始睇呢到啲野之前,請麻煩將一切進行保密,若然有任何資訊流出於外界,規則就會比打破,呢間中學嘅秘密就會比人發現,



             到時血水會覆蓋校園,周圍都係學生嘅屍體,如果唔想發生咁嘅情況,就遵守保密協議。容許我宜家進行一個自我介紹,我就係規則嘅

             訂立者,亦都係第一個知道秘密嘅人,而我之所以訂立男神女神,又或者講係「食家」嘅規則,係因為只有你地有潛質去解決所有問題。」

我睇到真係O撚左,乜野規則嘅訂立者,又係第一個知道秘密嘅人,到底佢嘅目的係啲乜野?佢又點睇得出我有潛質?最緊要嘅佢到底係邊個?我連佢係男定女都唔知。

我睇到去第二段文字,佢簡單交代左一陣我會睇到啲乜野、知到啲乜野、同埋我嘅宿命...又係點樣黎。

然後我再打開第二頁同第三頁,入面有四張相,分別係左上、左下、右上、右下各貼左一張,而呢四張相影住嘅都係同一個人黎,佢係一個著左呢間中學校服嘅男仔,但係我就未見過佢,而且我相信啲相係偷影出黎。



第四同第五、第六同第七,都係有四張相,格式都係一模一樣,只係變左做另一個男仔同另一個女仔,不過我都唔知佢地係乜水。

點解...個嗰女仔都係入面...?唔通佢都係佢地嘅人...?唔係!!咪住先!!點解我都會係入面?!!!

媽呀,我好撚亂呀,我都係佢地嘅人?點解連我自己都唔知嘅?

「相信你宜家應該有一個問題,就係呢一班到底係咩人黎架?又或者你係到諗緊點解自己張相都係到,係咪?就等我同你講啦,呢一班就係經過我地嘅挑

   選之下,覺得佢地有潛質成為男女神嘅人,可以講係解決到問題嘅人,不過我地諗錯左,因為頭四個人都唔得,佢地最後都係忍唔住去愛人,而佢地嘅



   下場,就係死亡,希望睇緊嘅你唔會成為下一個。」

姐係話...佢地全部都死哂...?個嗰女仔...係因為愛我而死...咁我...又會唔會就黎死...?

「係開始講一切嘅背景之前,我想你問自己三個問題先,第一、你係咪真係準備好?第二、你係咪真係左睇完會保密?第三、亦都係最重要嘅問題,你睇

   完所有野之後,就預左自己準備要面對問題,而你係咪真係決定去面對?」

我係咪真係準備好?老實講我係未嘅,但係我知我未準備都要當自己做左準備。

我係咪真係左睇完會保密?我會,雖然我已經搵到我嘅繼承人,但係我會要佢親自去黎呢到。

我係咪真係決定去面對問題?我...我都唔知...我連個問題係咩我都唔知...個樣野會唔會令到我受傷,會唔會令到我死亡,我都唔知...係一無所知之下你要我決定係咪去面對?

不過正如我之前所講,我黎得呢到就預左無命行返出去,我就黎揭開你個廬山真面目,就睇下你有啲咩野可以嚇到我。



我慢慢深一深呼吸,隻手過左三十秒先捨得郁,終於!!我成功合埋左本筆記簿!!!

屌我真係好撚驚呀屌,宜家仲驚過上次可能會比人告強奸嘅時候,我個心不斷加速怦怦跳,個心就黎飛埋出黎。

好啦好啦,最後冷靜左五分鐘我就再次打開本筆記簿,去到啱啱個一頁,一打開個陣鐘聲就響,好似話比我聽夠鐘去面對。

「一切嘅背景....就發生係呢間中學建立之後嘅兩年半到...有一個女仔黎到呢一間學校...改變哂成個學校嘅風氣...所有男仔都因為佢而死亡...屍體由天台趺落

   至操場地下...大量POPO黎到封鎖現場...震撼成個香港...只係政府用其他藉口黎掩飾大量學生死亡事件...話佢地只係受傷而無死到...仲用其他外國學生黎呢

   間中學到代替個一班學生...而校長...一直都視而不見...只係將個嗰女仔踢左出校...」

原來...係真架...?原來流傳左咁耐嘅傳說...係真架...?我一直都以為「死亡事件」係假...我以為學生嘅一個惡作劇...



「個嗰女仔比人踢左出校之後...我嘗試過調查呢件事係咪真係因佢而起,因為我一直都唔相信一個女仔可以令到全部男學生集體跳樓,於是我直接嘗試去

   聯絡個嗰女仔,但係點搵都搵唔到佢,直到某一日...我發現...原來佢一直都無離開個學校...我試過係小食部見到佢...試過係圖書館見到佢...試過係化學室

   見到佢...甚至...係校長室到見到佢...」

「但係每一次我想行去搵佢,佢都即刻消失左...並唔係跑走或者用啲野黎遮住自己...只係...直接係我眼前好似憑空消失...佢消失之前個表情好恐怖...面上全

   部都係鮮血...隻眼好似黑眼兒童一樣...隻手拎住一個又一個嘅內臟....我雖然驚,但係我更加想搞清楚所有野。」

我宜家嘅感覺除左恐懼之外乜野感覺都無,唔知點解...我感覺我後面好似比人監視住一樣....我隻手開始係到不自主咁震...我玩命咁慢慢拎轉後面,好彩嘅係一個人都無,我先鬆一口氣。

不過與其話呢個係背景,點解我覺得呢個似秘密多啲,明明就講左啲唔應該比人知嘅野出黎,明明就話比人聽「死亡事件」係真,居然話呢個係背景...?咁秘密仲可以係啲咩...?

於是我睇哂成個背景之後,揭到去最後秘密個一頁,我隻眼唔知點解愈擘愈大,隻手拎住本筆記簿嘅力度愈黎愈大。



同埋仲有一樣野,就係當我睇完成個秘密之後,令到出現「死亡事件」嘅女仔,就憑係出現係我面前。