男神呢個稱號令我食左唔少女(有甜）: 拼圖
因為桐桐嘅死，令我一個禮拜都無返學，日日留係屋企不斷咁喊，喊到攰就食野然後訓教，每日如是。
無論我做啲咩都無辦法起到勁，落樓下除左買啤酒之外都唔會做其他野，只係希望自己可以飲個爛醉，當我一醒返就會見到桐桐。
桐桐：「喂呀，做咩飲咁多呀？唔好再飲啦聽唔聽到？你同我宜家即刻去沖涼訓教。」
我：「桐桐...？我好掛住你呀...你可唔可以...唔好離開我...？留係到...陪我一生一世呀...我愛...你」
Emily：「唉阿燕嘅家姐，你睇下佢，連我都當左埋係桐桐，你話佢到底有幾愛桐桐先得架。」
家姐：「算啦算啦，你就由得佢啦，正常人見到自己另一半走左都會咁樣，我寧願佢宜家可以飲到醉哂，短暫忘記所有野。」
Emily：「不過桐桐真係好偉大，居然為左救佢，犧牲埋自己條命，咁好嘅女仔都唔知會唔會再有第二個添。」
家姐：「我都唔識講呀，你宜家就同我留係到睇住佢，我驚佢會諗唔開做傻事，無論點樣都要阻止佢呀你。」
當我清醒返嘅時候已經黎到星期六，直到丘以男打電話比我，我先記得今日要同佢出街，但係我想講我個頭好痛。
Emily：「你起身啦？我係你下面爆左你咁多次你都唔醒，我仲以為你比我爆到死左添。」
我：「可唔可以唔好再係我面前提過死字，你一講我就會諗起佢...係海濱訓左係地下嘅時候...流哂血個嗰樣...」
Emily：「對唔住對唔住！！有怪莫怪！！細路仔唔識世界！！一時講錯野！！！請你原諒我！！」
我：「唔緊要啦，你又唔係專登咁做，不過我宜家沖涼先，我一陣約左人出街，就黎夠鐘。」
Emily：「唔得！！你家姐叫我留係到睇住你，你宜家走嘅話我點同佢交代喎，同埋又唔知你會唔會走去做傻事...」
我：「放心啦，我已經好返好多啦，同埋傻事做一次都嫌多，加上我相信桐桐唔想我受傷先會保護我，我會好好珍惜自己條命，唔會令佢失望。」
我摸一摸佢塊面之後就去沖涼，沖完之後就換好衫，似返一個男神，而唔係前幾日個嗰只係識得係屋企飲酒同埋喊嘅on9仔。
我搭車去到約好嘅地點，由於佢嘅頭髮比起其他人係特別啲，所以好快就比我見到一個金白色頭髮嘅女仔企左係商場門口到睇手機。
佢今日著左件白色露背衣同熱褲，加對白色波鞋，咦...？點解好似係唔知邊到見過嘅...？又係我嘅錯覺...？
我：「靚女，受唔受溝呀？」我行埋去佢隔離，撥一撥佢啲頭髮再講。
丘以男：「你咁靚仔，我又點會唔受呀~但係你做咩呢幾日都無返學嘅？」佢興奮到即刻攬住我，令我有少少唔好意思。
我：「哦？只係有少少攰唔想返學，所以咪係屋企休息左一陣啦。」
丘以男：「你知唔知我幾掛住你呀！！每日都好期待你會返黎攬下我，錫下我咁樣。」
我：「好啦好啦，我地入去先啦...咪住先，你做咩今日著咁少布架！！比人睇蝕曬啦！！！」
丘以男：「我以為你鍾意我咁著呀嘛...」佢扁哂嘴眼甘甘咁望住我，好似好無辜咁。
佢個樣突然變左另一個人，點解呢個人...咁似之前見到個幅自畫像嘅..個嗰咩珮恩...？
丘以男：「做咩事呀？係咪我塊面有野？」佢講一講野我先清醒返，見到個兩隻粉紅色眼先發現我又出現幻覺。
我：「哦有呀，你個嘴唇上面有野，等我幫你拎走佢。」然後我哄塊面落去咀左佢一啖，佢怕羞到塊都紅哂。
跟住我伸隻手出去比佢拖住，我地無乜目的咁四周圍行下，我只係純粹希望可以散下心，等自己唔會再點樣諗起桐桐。
行左一陣佢話想去廁所，我望住行入女廁嘅背影嘅時候，個腦唔知點解會諗起學校嘅女廁。
：「既然你成日都忍唔住去搵啲波大過我嘅，身材好過我嘅女仔，咁點解你仲要同我一齊...？」
：「因為我真係鍾意左你。」
：「我承認一開始我應承做你男朋友個刻，我只係想玩下你，但係同你相處耐左，我先發現自己真係鍾意左你。」
：「係，我仍然仲未戒到去搞其他女仔，不過呢次係最後一次，我求下你信我。」
呢把聲應該就係我把聲黎...但係我同緊邊個講野...？我點樣諗都諗唔起，我諗緊野嘅同時佢都係廁所出左黎。
丘以男：「諗緊啲咩呀？話比我知呀，睇下我幫唔幫到你。」佢撻一撻手指再講。
我：「哦？無呀，諗緊一陣同你去邊到食野咋嘛，啱啱諗到，行啦我地。」
我拖起佢隻手嘅時候，總係覺得呢隻手我係拖過，但明明今日先係我第一次拖住佢。
我宜家個感覺就好似個腦有一個拼圖，原本已經砌好左，唔知點解比人拎走左其中一塊，甚至幾塊，令到我成個記憶都唔係完整。
我自己個人推斷，我應該係唔見左「珮恩」呢一塊碎片，唔係嘅話點解佢地會不斷係我面前提起呢個人。
睇黎我遲啲都要認真研究下到底佢係邊個，同埋點解我會唔記得佢，一於咁話。
丘以男：「好好食呀，你試唔試下呀？」佢吉左一舊肉想放入我個口到。
我：「唔...幾好食喎，但係我覺得都係呢個好食啲。」我用隻手指轉一個圈再指住佢。
丘以男：「好衰架你，不過我有野想你認真咁答我，上次個嗰女仔到底係唔係你女朋友？」
我：「唉好啦，我唔呃你啦，佢係我女朋友，而我仲有兩個女朋友，但係其中一個...前幾日...因為我而走左...」
丘以男：「Oh...對唔住呀，我無心提起佢架。」
我：「唔緊要，我慢慢接受左佢過左身呢個事實架啦，無野無野。」
丘以男：「咁就好，睇住另一個人離開自己真係會好心痛，咦...？唔知點解我個腦突然諗起一個畫面，有一個男仔係我面前跳左去。」
我：「咁奇怪...我自己反而係跳落去個嗰男仔，望住上面有個女仔好傷心嘅咁樣...」
我同丘以男：「唔通我地之前識得嘅...」宜家講到我連雞皮都起哂。