男神呢個稱號令我食左唔少女(有甜）: 焦點
入返班房之後，林sir話用一用上堂時間講關於聖誕聯歡嘅事，係喎，都唔記得就黎聖誕節添，我前幾年都係求其搵左幾條女陪我出街玩下就算。
林sir：「最後一年嘅聖誕聯歡大家想點樣過呀？你地想成班一齊玩定係各自有各自嘅派對呀？」
柒頭1：「一於成班係籃球場到打住波過，打到放學然後直接轉場繼續打波。」
柒頭2：「你估個嗰都好似你咁鍾意打波架咩？繼我話，一於就留係課室搵啲活動玩算啦。」
柒頭3：「唔好啦，年年都留係課室，今年最後一年應該搞大佢黎玩，搵埋隔離班一齊玩，咁樣咪仲熱鬧啲。」
林sir：「好好好，不如阿燕你講下你想點搞，你係成間學校最有地位嘅人，由你黎決定就最好不過。」
跟住成班嘅焦點都係哂落我到，唔係咁撚大嘅整蠱呀嘛？我淨係識食女咋喎，呢啲野邊輪到我話事。
我：「Um...我都無乜意見嘅，你地想點搞就點搞啦，只要大家玩得開開心心就得架啦，點樣搞都無所謂嘅。」
然然班柒頭就BaBaBa係到左傾右傾，直至傾左十分鐘先有結論，就係照係班房到搞，咁到底傾黎嘅意義係啲咩？
丘以男：「我地聖誕節去邊到玩好呀？」佢突然拎轉過黎問我，嚇到我原本飲緊水差少少就噴左出黎。
我望一望隔離嘅梓恩，佢已經兩隻眼開住天照咁樣望住我，好似我一講錯野就會比佢燒死一樣。
我：「唉好啦好啦，我同你講清楚先啦，佢前幾日向我表白，我又衰多口應承左佢，你唔會介意架何？」
梓恩：「既然你唔應承都應承左啦，我仲可以介意得去邊？但係珮恩同桐桐唔係到，你就咁快搵第二個，好似唔去幾講得通咁囉。」
我：「我相信佢地都希望見到我仲可以幸幸福福咁樣生存落去嘅，求下你啦，最多我一陣放學陪你去秘密基地啦。」
梓恩：「你話架，唔準走數架，你叫做丘以男呀何？我叫做梓恩呀，係佢第四個女朋友黎。」佢伸隻手出去，好似同以男講合作愉快一樣。
丘以男：「哦...哦...你好...」佢比梓恩嚇到呆撚左，見到隻手都唔識得反應去握手，直至我拍一拍佢隻手先識得郁。
我：「咁咪幾好囉，至於聖誕節去邊到呢個問題，就留返下次Tracy都係到嘅時候先講啦，宜家專心聽陣書先。」
佢地聽到我咁講先將焦點放返係黑板到，而我所講嘅專心聽書就係拎部手機係下面睇紙言，入面個啲書先係人睇嘅野。
睇睇下就放飯，我同阿彥兩個人又一副死Gay佬咁樣去食野，但係一出到班房就見到一個人，亦都係我最唔鍾意同最唔想見到嘅一個人。
志霖：「唷你地幾好嘛，我地都好耐無見啦，蔡煒燕。」佢拍一拍手好似歡迎啲嘉賓出場嘅時候一樣。
阿彥：「你企係到做咩，我地無野想同你講喎，好行夾唔送啦。」我地無理佢，準備行落樓梯出去食飯。
志霖：「喂唔好咁啦，我諗你地應該會想同我傾兩句計，因為你地兩個原本都係已經死左嘅人。」我地即刻停低，拎返轉頭望住佢。
我：「你話我地已經死左？你下次講笑可以搵另一樣黎講，死左嘅話我地又點會出現係你面前，你都on撚99嘅。」
阿彥：「咪係囉，最重要嘅係我地一啲會遲過你死，你呢啲咁嘅人遲早都會比天收。」
志霖：「哈哈，你話點咪點囉，不過就算你地幾憎我都好，我都相信你地會好想同我傾計嘅，因為...只有我先知...你地要搵嘅珮恩...係邊到。」
我：「你點知我地要搵佢？你偷聽我地講野？你裝左一個偷聽器係我地其中一個人到？柒少陣啦唔該。」
志霖：「好好好，你話唔係咪唔係囉，真相就只有我一個人知，你唔想知嘅話咁就算，我就無乜所謂嘅。」然後佢就拎轉頭準備唔知去邊。
阿彥：「我覺得佢好可能真係有你條女嘅下落喎，要唔要去問下？」
我：「你都傻嘅，連佢個班嘅人都唔清楚佢係邊，你覺得呢條仆街會知？佢當啲女係玩具黎架咋。」
阿彥：「屌聽下先都好呀嘛，最多佢亂up一堆野嘅話，我同你咪打柒佢一身都得啦，啱唔啱先？我係咪好有智慧先？」
我：「唉你想聽咪聽囉，行啦屌。」跟住我地就跑過去搵返條仆街，佢好似一早就估到我地會行過去搵佢一樣。
志霖：「你地可唔可以出去買野食先，我有啲肚餓，宜家想食車仔麵。」
我聽到之後就即刻想屌撚柒佢，但係比阿彥禁住左，只可以死死氣咁同阿彥出去幫佢買左野食先。
好快買完野返到班房，佢好撚悠閒咁四圍參觀我地嘅課室，係到睇後面嘅壁報同埋人地啲Locker貼紙。
我：「買完啦柒頭，你宜家可以講得未呀，唔好諗住話你想食埋野先再講呀。」
志霖：「我正諗住咁樣講喎，我唔食飽可能會唔記得之前嘅野，你都唔希望發生架。」
阿彥：「算啦阿燕，我地都食野先啦，反正佢又唔會突然走左唔知去邊架，唔洗咁急嘅。」
我一直食野一路睥住佢，佢就黎比手機出黎係到睇IG，一啲唔自在嘅感覺都無，真係好撚好耶。
過左差唔多十分鐘之後佢就食完，阿彥就出去幫我地扔垃圾，得返我同佢兩個留係課室到。
志霖：「你係咪唔記得哂所有關於珮恩嘅野？」佢突然開口嚇親我。
我：「可以咁講，但係全部人都話珮恩係我女朋友，我自己真係一啲印象都無。」
志霖：「佢係因為救你地而死，你又知唔知？」
我：「咁誇張？我又點咁多知喎，我連佢係邊個都唔知，莫講話佢救左我。」
志霖：「一切就發生係阿彥死左、丘以男死左，而你跳樓自殺個一日...」
然後等到阿彥都返黎，佢就好似講故佬一樣，開始講佢知道嘅所有野，一切...都係如此夢幻...